جدید پنجابی شاعری
خواب
خواب کدے نئیں اوتر جاندے
خواب کدے نئیں کسے توں مردے
ہنجوواں دے وچ روڑھو بھاویں
فیر وی رہندے اتے ای ت دے
خواب کدے نئیں کسے توں مردے
تانگھاں نوں چمکاوندے رہندے
دُکھ مصیبت ہس کے جردے
آس کدے نئیں ٹُٹن دیندے
سوہنے پاہرو چت نگر دے
خواب کدے نئیں کسے توں مردے
وڈھ دیو تے پنگر پیندے
نہ دفنایاں بعدوں ہردے
کرچی کرچی ہو کے وی ایہہ
رہندے جین دے چارے کردے
خواب کدے نئیں کسے توں مردے
ظالم دیس نکالے دیندے
بال چخہ تے مُڑ مُڑ دھردے
زہر پیالے ہس کے پیندے
سُولی تو نئیں جھکدے ڈردے
خواب کدے نئیں کسے توں مردے
کوڑے قید نہ پھانسی منن
لکھ زمانے ہون جبر دے
تھل دے وچ گواچے پھردے
اکھاں دے وچ ہو کے بھردے
خواب کدے نئیں کسے توں مردے
زور آور نئیں ویکھ سکھاوندے
ٹینک بندوقاں سینے دھردے
انھے واہ قتلاماں وچ وی
جیوندے رہندے جھردے جھردے
خواب کدے نئیں اوتر جاندے
خواب کدے نئیں کسے توں مردے
No comments:
Post a Comment
Note: only a member of this blog may post a comment.