جدید پنجابی سرائیکی شاعری
اگر خود کوں اتھاں مجنوں سڈاون بہوں ضروری ہے
تاں پتھر جھل کرئیں وی مسکراون بہوں ضروری ہے
توڑیں اوکھے توڑیں سوکھے ایں پالے توں بچا کیتے
توڑے جو ہووے کچہ گھر بنڑاون بہوں ضروری ہے
اے پروانے مرن کیتے تاں اپنے آپ آ ویسن
انہاں کیتے فقط شمع جلاون بہوں ضروری ہے
لباں تے ہن اخیری ساہ، تیڈیاں انتظاراں ہن
او کوں آکھیں چا قاصد تیڈا آون بہوں ضروری ہے
تیڈا ساون دا وعدہ ہا مگر ساون تاں بہوں دور اے
ڈسا کیا تیڈے آون کیتے ساون بہوں ضروری ہے
فقط منظور یاری کوں بچاون دا اے کُلیہ ہے
جگر دا خون یاراں کوں پلاون بہوں ضروری ہے
منشی منظور حسین
No comments:
Post a Comment
Note: only a member of this blog may post a comment.