جدید پنجابی سرائیکی شاعری
ساکوں رزق دے رولیں رول ڈتے
ہنڑ عشق دے رولے نئیں بھاندے
ساڈے تن تے سیپ ہن زخمیں دے
ساکوں سیپ دے چولے نئیں بھاندے
ہنڑ غربت ہے بانہہ بیل ساڈی
ساکوں پار اروار دی سدھ کینی
ساڈے ویڑھے بکھ دا ماتم ہے
ساکوں ڈھولے شولے نئیں بھاندے
کوئی مست ہوا کوں ونج آکھے
ساکوں ایویں تنگ ناں کیتا کر
او بئے ویلے ہن جئیں ویلے
ہر منزل دل کوں بھاندا ہا
ہنڑ باغ اچ مست پرندیں دے
ساکوں ٹولے ٹولے نئیں بھاندے
اج اجڑیے ہیں تاں اجڑیں دیاں
ساکوں اجڑیاں گالھیں یاد آندین
جیندا کوئی ناں ہووے دنیا تے
اوکوں کہیں دے اولے نئیں بھاندے
تیڈے ریشم ریشم پیریں دی
اج خاک زمانہ چمدا پئے
توں سچ آہدیں ناشاد جھائیں
تیکوں کملے بھولے نئیں بھاندے
جمشید ناشاد
No comments:
Post a Comment
Note: only a member of this blog may post a comment.