جدید پنجابی سرائیکی شاعری
طارق سئیں کوں پڑھسوں اساں خواجے نال الیسوں
رُل گیاں کونجاں، شیخ ممولے روہی آن وسیسوں
ڈیکھیں ساڈے نال الیسن گوپے، ٹوبھے، جالیں
اساں جڈاں روہی دے وچ ساونڑ آن منیسوں
پچھیں ساڈیاں عیداں ڈیکھیں شادیاں ڈیکھیں ساڈیاں
جڈاں ہک ڈیہنہ اساں ا پنڑاں صوبہ آن بنڑیسوں
روہی دے وچ ساول ہوسی چھیڑو ہوسن ڈیکھیں
جڈاں اساں رزق اپنڑے کوں ہک بئے نال ونڈیسوں
منزل وی ول نال اساڈے پَیلاں پا کے ٹرسی
دولی رَلے جڈاں اساں جھمراں آن مریسوں
ساڈے سر ت وِیلاں اَمدیاں توں اسمانوں ڈیکھیں
رب کو سجدہ کر کے جڈاں احمد نال الیسوں
دھیریں گڈیں وانگوں ہوندن گڈیاں دھیریں وانگوں
دھیریں رلے اساں اپنڑیاں گڈیاں آن پرنیسوں
روپ رُوکھانڑیں کائناں ہوسن دیرے وَسوں ہوسن
ہر یارھی کوں مسجد دے در کھیر جو آن ونڈیسوں
صائم سیف
No comments:
Post a Comment
Note: only a member of this blog may post a comment.