جدید پنجابی سرائیکی شاعری
میسج
اج ہِک میکوں میسج مِلے
جئیں ءچ پہلے ڈھیر دُعائیں ہن
مولا تیڈی زندگی کرے
شالا تتی واء نا لگی
شالا وال کوں سیک نا آوی
تارے تیڈے مُہری ہوون
چاننڑ تیڈے پیرے چُمے
ہر کوئی تیڈیاں رِیساں کَرے
بخت تے تخت دی دُھوڑ نا مُکی
پُھلاں اُتے ٹُریں وَدا
اِتلیاں ڈھیر دُعائیں ڈے کے
آخر تے بس اِتلا آکھس
دامن! تیڈا بھلا تِھیوے
تئیں تاں میں نال چنگا کِیتے
پر ہُنڑ میڈی اَپنڑی قسمت
زہر دا پِیالا پِیندی پَئی آں
بَئے دے نال منگیندی پَئی آں
دامن حیدری
No comments:
Post a Comment
Note: only a member of this blog may post a comment.