پنجابی شاعری
دعا
پاکستان دے وچ ہر نیک بندہ
تڑکے اٹھ کے دعا ہن منگ دا اے
ربا سچیا ملک وچ امن رکھیں
کھاڑا بنے نہ کسے وی جنگ دا اے
ہووے ودھ توں ودھ اناج پیدا
اڈا بنے نہ بھکھ تے ننگ دا اے
تیرے باجھ نہ کسے دا بنے منگتا
تیتھوں منگدا مول نہ سنگ دا اے
ووٹاں نال حکومتاں بدل جاون
رولا سنے توپ تفنگ دا اے
ہرے رنگ دا جھولدا رہوے جھنڈا
طالب نج ہووے ہور رنگ دا اے
نور کپور تھلوی
نور محمد نور
No comments:
Post a Comment
Note: only a member of this blog may post a comment.