جدید پنجابی شاعری
جد انگریز پنجابے آیا
لوک دا بولن بنے لایا
چمچہ گیری دا جنتر منتر
ٹھوک وجا کے نال لیایا
چمچہ گیری نوں جھوٹے دِتے
چمچہ گیری دا گھیر ودھایا
چمچہ گیریاں راس رچایا
گُجھا دھرمی مچ مچایا
اکھ دا ویری انھا جالا
تنبوُ چام چِڑِکاں والا
کھکھر کھادھا سبھ لفظالا
سُرت مدھولا گھالا مالا
فِرقو دھندہ رج سکھالا
چمچہ بولی دو ڈک ہوئی
ہندو مُسلم ٹکر چھوہئی
ہندو بولی مُسلم بولی
دوویں پاسے اک وچولی
سبھ اخبار تے واجے گاجے
دھرمو دھرمی آن براجے
نویں پواڑے آن وہاجے
وئیرو وئیر پوجار نماجے
بولی دے نال ہیرا پھیری
اُچی کر گئی کندھ پکیری
ڈاڈھے وئیر کھلارن لگی
سانجھ دے پھکّے مارن لگی
بھارے اکھر ست بگانے
چھیڑن لگ پئے وئیر ترانے
فِرقو زہر بنا گئے دھڑکن
چار چوفیرے بھائیں بھڑکن
ڈوبن بیڑیاں وٹے کھڑکن
صفدر ڈوگر
No comments:
Post a Comment
Note: only a member of this blog may post a comment.