جدید پنجابی شاعری عارفانہ کلام حمد نعت منقبت
دوئی نعت رسول مقبول والی جیندے حق نزول لولاک کیتا
خاکی آکھ کے مرتبہ وڈا دتا، سب خلق دے عیب تھیں پاک کیتا
سرور ہو کے انبیاء، اولیاء دا، اگے حق دے آپ نوں پاک کیتا
کرے اُمتی اُمتی روز محشر، خوشی چھڈ کو جیو غمناک کیتا
ہویا حق نوں شوق جد ملن دا، ڈھویا نذر براق چالاک کیتا
تے سلام پیغام پُہچان تائیں، قاصد وحی سردار ملاک کیتا
نبی اہلِ قریش وچ جنم پایا، خوشی خویش قبیلڑا سال کیتا
شافعی مجرماں دا حامی عاصیاں دا تے محرماں دا دردناک کیتا
مکے نور رسول دے چمک ماری قلعہ محل نوشیرواں دا چاک کیتا
اے وی معجزہ نبی کریم دا اے نال انگلی چن دو پھاک کیتا
معراج رسول دا حق ہے جی، جوڑا نور دا پہن پوشاک کیتا
نبی ہورناں دھرت معراج ہوئے حضر ویچ معراج لولاک کیتا
جتھے وہم ادراک دی پہنچ ناہیں نبی صاحب واقف اوتھوں تاک کیتا
وارث شاہ سبھ سر خزانیاں دے رب نبیﷺ چاہو شناک کیتا
وارث شاہ
No comments:
Post a Comment
Note: only a member of this blog may post a comment.