جدید پنجابی شاعری
بُلہیاں کولوں ہاسے کُھس گئے ہنجواں ڈیرے لائے نیں
مینوں جیون دا ول نہ آیا اوکڑاں پھیرے پائے نیں
آس اُمید مِری دا دیِوا🪔 بلدا بُجھدا رہندا اے
میریاں لیکھاں دے وچ ربّا گھور ہنیرے چھائے نیں
سدراں جد وی پیر اُٹھایا پیش آئیاں تقدیراں نیں
رب نے کِنے ڈُونگے پینڈے میرے پیریں پائے نیں
اکھیاں سُفنے ویکھن بُلہیاں نیند پرائی ہو گئی اے
آس مِری دی کُلّی ٹاہ کے لوکاں محل بنائے نیں
ہِجر فراق دے دُکھڑے مینوں پل پل مار مُکاؤندے نیں
ربّا کاہنوں میریاں بختاں وچ وچھوڑے پائے نیں
بخشدے مینوں سوہنیاں ربٗا جو بُھل میتھوں ہوئی اے
تیری رحمت جوش چ آ کے چوروں قطب بنائے نیں
اُچیاں مہراں والیا سائیاں میں تھیں کرم کما وی دے
سحر نے ہُن تے جان توں اپنی ودھ کے دُکھ اُٹھائے نیں
رضوانہ سحر ہاشمی
No comments:
Post a Comment
Note: only a member of this blog may post a comment.