جدید پنجابی شاعری
رب نے ساڈے لیکھاں دے وچ ہے سن دوریاں لِکھیاں
اوہنے آخری خط وچ اینویں سو مجبوریاں لکھیاں
دھی دے سر سائیں دی لمی عمر نئیں رب توں منگی
وِدیا کردیاں انج تے پیؤ نے شرطاں پوریاں لکھیاں
ساڈا جرم غریبی اے یا ہولے بخت نے ساڈے؟
ساڈے لئی نے سب دیاں اکھاں دے وچ گُھوریاں لکھیاں
رب نے سانوں انکھاں دے کے اوس بستی وچ گھلیا
جس بستی دے ہر متھے تے ہونڑ تیوریاں لکھیاں
کن پڑوائے،۔ جوگ کمایا،۔ وریاں ڈنگر چارے
اینویں تے نئیں رانجھے لیکھیں رب نے چوریاں لکھیاں
سرور سانوں اپنے رب دی بھورا سمجھ نئیں آؤندی
ذہن نوابی دتے، قسمت وچ مزدوریاں لکھیاں
سرور خان سرور
No comments:
Post a Comment
Note: only a member of this blog may post a comment.