پنجابی سرائیکی شاعری
میڈیں ہنجوں دی چهل تیڈا زوال بنڑ ونجے تاں ول
تیڈا اے ظلم کل تیڈی مثال بنڑ ونجے تاں ول
میڈی اے بے کسی صباحیں سوال بنڑ ونجے تاں ول
لبیں تے آ کرائیں جیکر اے گال بنڑ ونجے تاں ول
جیرهی توں نفرتیں دی سوچ پئیں سچیندا سوچ گهن
تیڈی اے سوچ دشمنیں دی ڈهال بنڑ ونجے تاں ول
نہ کهل کہیں غریب دے پهٹے ہوئے لباس تے
تیڈا وی حال اوں جهیاں بے حال بنڑ ونجے تاں ول
توں جیندا حال سنڑ کرائیں غصے توں لال تهی ویندیں
خیال کر اوہو تیڈا خیال بنڑ ونجے، تاں ول
توں چندر تے جو پینگھ پئیں بدهیندا اپڑیں پیار دی
اے پینگهھ کل تیڈے کیتے وبال بنڑ ونجے تاں ول
جمشید ناشاد
No comments:
Post a Comment
Note: only a member of this blog may post a comment.