پنجابی سرائیکی شاعری
ٰمنقبت سیدنا امام حسنؑ بن علیؑ المرتضی
زاہرہؑ دا لختِ جگر حیدرؑ دا چن پیارا
چہرۂ مصطفیﷺ ہے سید حسنؑ پیارا
جینویں حسینؑ اعلیٰ اونویں حسنؑ ہے اعلیٰ
اپڑے ایماں دا محور حسنؑ کوں من پیارا
غازی عباسؑ جیکوں آقا سدا پکارے
الفت عباسؑ دا ہے چرخِ کہن پیارا
مولا حسنؑ دی عظمت عرشی تے فرشی جانڑن
ایکوں پیارا آکھے شاہِ زمنﷺ پیارا
کیتی ہے جئیں مکمل آقاﷺ دی پیشگوئی
دھرتی تے قائم کر گئے وکھرا امن پیارا
بزمِ شعور و فکر اچ ڈسدا کھڑے نمایاں
ختمِ رُسلﷺ دا نورِ عکسِ مگن پیارا
جے تائیں نہ لکھاں شامی حسنؑ دے میں مناقب
او تائیں ہے نامکمل شعر و سخن پیارا
طارق شامی
No comments:
Post a Comment
Note: only a member of this blog may post a comment.