جدید پنجابی شاعری
ہور کسے دے خاب سجاواں تینوں کی؟
بھانویں تیرا ہجر ہنڈاواں تینوں کی؟
مجھ دے اگے بین وجاواں تینوں کی؟
میں ڈورے نوں ہیر سناواں تینوں کی؟
توں تے پیراں تھلوں دھرتی کھچ لئی اے
تھلے ڈگاں تاں اڈ جاواں تینوں کی؟
سوہنی وانگوں کچے اتے ڈھل جاواں
رانجھے وانگوں کن پڑواواں تینوں کی؟
چلیا ایں تے گلاں دا ہن کی فیدا
امب دی تھاں تے اک اگاواں تینوں کی؟
ہور کسے نوں تیرے جناں پیار کراں
بھانویں تیتھوں ودھ کے چاھواں تینوں کی؟
لئو دے اتھرو روواں میری مرضی اے
کھڑ کھڑ ہساں، بھنگڑے پاواں تینوں کی؟
جیہدا ہو کے جیواں میرا مسلہ اے
جند کسے دے نانویں لاواں تینوں کی؟
الفی تیریاں یاداں دل وچ پالاں میں
بھاویں چک کے چلھے ڈاھواں تینوں کی؟
افتخار حسین الفی
No comments:
Post a Comment
Note: only a member of this blog may post a comment.