پنجابی سرائیکی شاعری
تیڈا نکھڑنڑ جانڑے میں جانڑاں، میڈا بت جانڑے، میڈا جی جانڑے
تیڈے راہ جانڑن تیڈی جاہ جانڑے، توں جانڑ تیڈی نگری جانڑے
میکوں معاف کریں مجبوری ہئی جیڑھا وقت جناب دا ضائع کیتم
مضمون تیڈی مدفکری دا، جیڑھا بے خواب یقیں وچ شائع کیتم
تیکوں ناز ہے نیک نصیبی دا، میڈا سر جانڑے سنگتی جانڑے
جیڑھے کیتم کل نقصان تیڈے اج گنڑ سنڑوا تیکوں دھر ڈینداں
تیڈا ہتھ پکڑیم تیڈی نتھ کڈھداں، تیڈے پر کتریم تیکوں پر ڈینداں
توں بول نہ بول فرید میڈی، میڈا پھر جانڑے ہستی جانڑے
ہک منٹ نہ جھل میڈو آونڑ ڈے تیڈا انج تھیونڑ ہے موت جیڑھی
میں جی ڈکھلینداں جان تیکوں تئیں بن جیونڑ ہے موت جیڑھی
توں ڈیکھ تماشا نال نہ تھی، میڈا ضد جانڑے زندگی جانڑے
میڈا روح ہے روز دے رسنڑ کنوں، غمخوار مکمل جھیڑا لاوں
ساکوں ملدا ڈیکھ کے مردے ہن جیڑھے لوک ولا ہک وار کھلاوں
میکوں رلنڑ دی سک، تیکوں رولنڑ دی، اوندا جگ جانڑے جوگی جانڑے
بشیر غمخوار
No comments:
Post a Comment
Note: only a member of this blog may post a comment.