پنجابی سرائیکی شاعری
بن تیڈے اے سینے زوریاں کون کرے
اکھ دے اندروں خواب دیاں چوریاں کون کرے
پیار دا رشتہ کچی تند ہے ریشم دی
پکیاں ایہے کچیاں ڈوریاں کون کرے
تاج محل دے اندر راج اندھاریں دا
گوریاں صورتاں اندروں گوریاں کون کرے
وصل دے وسدے مینہ وچ نین نچا ڈیکھوں
کٹھیاں پر اے چندر چکوریاں کون کرے
دل دی تاں بئی گالھ ہئی دل تاں نہ رہ گیا
ہُنڑ اے سکھنیاں نین پشوریاں کون کرے
اکھ دا واسی موتی ڈے تے نِکھڑیا گئے
خالی اے منہ تار کٹوریاں کون کرے
تھل تے ارشد چھوڑ ویساں چھاں چھالیں دی
جیندیں جی اے راہواں چھوریاں کون کرے
امان اللہ ارشد
No comments:
Post a Comment
Note: only a member of this blog may post a comment.