پنجابی سرائیکی شاعری
جوگی
آپنی جھولی چھِن پرون
اتیں خوشیاں ونڈے ویڑھے
ہر کوئی ہر دی کچھ اچ وسدا
نہ کوئی دور نہ نیڑے
واہ وے جوگی آ
خوشی کوئی لاچی دانے ہن
جیڑھے ہٹیاں توں چا
ونڄ درباریں ونڈوں
یا کوئی بال ایاناں
جیکوں جیڑھا مونڈھے چاوے اوندا
خوشی تاں بوٹا ہے صندل دا
جیڑھا نانگیں پلے
خوشی تاں رنگ ہے سرمی دا
جیڑھا چُنی رنگے
خوشی تاں سیک ہے بلدی دا
جیڑھا اندروں مچے
خوشی کڈاہیں لڑھدی نئیں آئی
نہ کہیں کُنڈی لا پھسائی
خوشی جو مِلدی اِیویں
جیویں تئیں ڈسایا
وت توں کیوں جوگی بنڑدا
ارشاد تونسوی
No comments:
Post a Comment
Note: only a member of this blog may post a comment.