پنجابی سرائیکی شاعری
حال
سجھ آ وے سجھ آ
سوہنڑاں سچا سجھ آ
سچی سچی گال ڈس
سچا سچا حال ڈے
توں تاں ساریں جهوکیں دا
بہوں پرانڑیں لوکیں دا
بہوں پرانڑاں واقف ہیں
جهوکیں نال جهوکیں دا
لوکیں نال لوکیں دا
پیارکیجهاں ہوندا ہا
توں زمیں دا سینگا ہیں
تائیں زمانے ڈٹهے ہن
تائئں ابادیاں ڈٹهیاں ہن
تائیں ورانے ڈٹهے ہن
کیجهیں کیجهیں لوک ہن
کیجهیاں کیجهیاں ہستیاں ہن
کیجهیں کیجهیں جام ہن
کیجهیاں کیجهیاں مستیاں ہن
بادشاہ کیجهیں ہن
شاہی قول کیجهیں ہن
شاہی ونڈ کیجهی ہئی
بهرتول کیجهیں ہن
کیجهیاں کیجهیاں قوماں ہن
میرکیجهیں ہوندے ہن
ول انہیں میریں دے
مشیر کیجهیں ہوندے ہن
بے سہارے لوکیں دیاں
دهائیں کون سنڑدا ہا
کنڈے کون کڈهدا ہا
پهل کون چنڑدا ہا
ڈینہہ کیویں تهیندا ہا
رات کینویں تهیندی ہئی
رات بکهے لوکیں دے
زخم کینویں سیندی ہئی
بکھ کینویں ہوندی یئی
تس کینویں ہوندی ہئی
بکهی تسی زندگی دی
چس کینویں ہوندی ہئی
سجھ آ وے سجھ آ
سچی سچی گال ڈس
سچا سچا حال ڈے
جمشید ناشاد
No comments:
Post a Comment
Note: only a member of this blog may post a comment.