جدید پنجابی شاعری
دیس دے دشمن سارے پھڑنے پینے نیں
ہُن خنجر دو دھارے پھڑنے پینے نیں
گھر وچ اک مہمان اچانک آیا اے
پیسے کِتوں اُدھارے پھڑنے پینے نیں
پھُل گُلاب دے اوہدی راہ وچ جچنے نئیں
آسماناں توں تارے پھڑنے پینے نیں
چھوٹی گل نئیں دل اک چوری ہویا اے
سوہنے بندے سارے پھڑنے پینے نیں
موھڈا دیوے کون غریب دی میّت نُوں
آپے ای پاوے چارے پھڑنے پینے نیں
جے رُکھاں نیں ٹھنڈیاں چھاواں دِتیاں ناں
ہتھاں دے وچ آرے پھڑنے پینے نیں
میں کلّا تے شہر چ چانن ونڈدا نئیں
جگنو باغ دے سارے پھڑنے پینے نیں
پُتر وانگوں پوتا راضی کرنا اے
غزنی فیر غُبارے پھڑنے پینے نیں
محمود غزنی
No comments:
Post a Comment
Note: only a member of this blog may post a comment.