جدید پنجابی شاعری
کنکاں رنگ بدلائے سجن نئیں آئے
کنے ترلے پائے، سجن نئیں آئے
منتاں منیںاں، نت دعا کروائی اے
بک بک نیر وگائے، سجن نئیں آئے
لنگھیا انج اڈیک چ ساڈا سارا دن
کنے کاں اڈائے، سجن نئیں آئے
کئی تویت تے دھاگے کیتے ملاں نے
کئی ٹونے آزمائے، سجن نئیں آئے
لبھدے لبھدے راتیں واپس گھر والے
جگنو روندے آئے، سجن نئیں آئے
رکھیا بال بنیرے دیواں آساں دا
راہ ای ناں بھل جائے، سجن نئیں آئے
اونہاں دی مجبوری ہونی اے تسنیم
جے نئیں قول نبھائے، سجن نئیں آئے
تسنیم عباس قریشی
No comments:
Post a Comment
Note: only a member of this blog may post a comment.