میں صورت چھڈی پوجنی بت خانہ دتا بھَن

 جدید پنجابی شاعری

میں صورت چھڈی پُوجنی، بُت خانہ دتا بھَن

میں کانگ چڑھے دریا دی، جس روڑھے سارے بَن

مت وجی سوچیں ڈُبیاں، کیہ میرا ہون نہ ہون

مینوں عشق سیانے دسیا، اوئے اپنے ہون نوں مَن

کدے جا بتاں نوں پُوجیا، کدے کعبے پڑھی نماز

کدے گلمے جنجو پا لیا، کدے تسبیح ونوں وَن

تیری پیڑ کمائی عشق دی، میں کیویں گواواں دس

جیہڑے اتھر دل چوں پنگرے، اوہ نیناں دے لئی دھَن

میں پھردا وانگ سودائیاں، میری عقل بھری گفتار

تیرے پیار سکھائیاں مستیاں، تیری پریت چکائے کَن

یعقوب آسی