جدید پنجابی شاعری
جے اوہ ہس کے بولے نیں
ایہدے وچ وی اوہلے نیں
ہلکے نکلے حاکم وی
تکڑی پا کے تولے نیں
کاں کوئی ایڈے سچے نئیں
بولن دے جے بولے نیں
چُپاں وی وٹ سکدا سی
ڈھول وجائے ڈھولے نیں
تُوں تے غصے تاں ہوویں
جے میں اتھرُو ڈوہلے نیں
ایویں ای نئیں خُوشبو آوندی
وال کسے نیں کھولے نیں
بابلا تیری لاڈو دے
لیر و لیر پٹوہلے نیں
اوہ بھُکیاں تے ہسدا اے
جیہدے بھرے بھڑوہلے نیں
ہُن کوئی اوہنے آؤنا اے؟
غزنی صاحب وی بھولے نیں
محمود غزنی
No comments:
Post a Comment
Note: only a member of this blog may post a comment.