جدید پنجابی عارفانہ کلام
زنداناں دے تالے ٹٹے کھلے ہتھ اسیراں دے
آپ آئے تے بھردے ویکھے رسدے پھٹ زنجیراں دے
آپ نبیﷺ دی بعثت اتے مظلوماں مہقوراں نیں
تھاں تھاں اتے جشن منائے عزتاں تے توقیراں دے
ہر تھاں خیر دا چانن ہویا ظلم دی کالیاں راتاں وچ
جگمگ جگمگ منظر ہوئے ہر پاسے تنویراں دے
سر متھے تے رحمتاں چکیا بے توقیرے لوگاں نوں
سر نوں چک کے جیون لگے ماڑے سب تقدیراں دے
نعتاں دے نال مہکن لگ پئے ورقے میری قسمت دے
چن دے وانگوں اکھر چمکے میریاں سب تحریراں دے
متھے سجدے چمکن لگ پئے گونجی واج اذاناں دی
بوہے باریاں بند چا کیتے آقاﷺ نیں تقصیراں دے
عرب دے بدو کر دتے نیں آپ مہذب دنیا وچ
زاہد بخت سولّے کیتے کی کی بے توقیراں دے
زاہد شمسی
No comments:
Post a Comment
Note: only a member of this blog may post a comment.