ایویں دل توں درد نکلدا ہے

 جدید پنجابی سرائیکی شاعری

ایویں دل توں درد نکلدا ہے

جیویں شام دا ڈِیوا بلدا ہے

میڈے جِیون جوگے جانی دا

اسمان تے جادو چلدا ہے

میڈے چھیکڑی ساہ کوں پیار چا کر

نہ تاں کِیتا پورہیا گلدا ہے

ہیں آس تے ہُن تئیں جی ہیٹھاں

اجھو ول اَوسی، اجھو ولدا ہے

اونکوں پیار کرو جیڑھا ڈنگ مارے

دستور ایہو اڄ کل دا ہے

جیکوں لوک خلوص دا ناں ڈیندن

اے نانگ ہتھیں وچ پلدا ہے

کُجھ آکھ نہ میڈے محسن کوں

او راجہ تاج محل دا ہے

محسن نقوی