جدید پنجابی شاعری
پیر بخشا، ایہہ گل ویران ہو گئی
گَلاں دی ای کھانے آں
گَلاں نُوں پینے آں
پیتی ہووے تاں
گل پچانے لئی
دنداں دی کچیچی نُوں
بروبر چُھڑانے لئی
واک کر لینے آں
اُنج وی واک، کہندے
صحت لئی اچھی اے
گل اوہو چنگی
جہیڑی ڈڈھ پچ جاوے
گلے وچ پھسی
تاں گلے پئی گَل
ورہے لنگھ جاندے نیں
اندر نہ لنگھدی
چھڈ راز جھلیا
کی پیا گلاں وچ
جہیڑے نہ نصیب تیرے
اوہناں لال بلہاں وچ
ہمراز احسن
No comments:
Post a Comment
Note: only a member of this blog may post a comment.