جدید پنجابی سرائیکی شاعری
رب دی رحمت دل دا چین اے
بابل دی گڑیا وِیر دی بھین اے
ساریاں دُکھاں دی بھائیوال اے
گھر دی رونق دِھی دے نال اے
وانگ پھُلاں دے مہکن آلی
جُگ جُگ جیوے کرما والی
رب ناں دیوے اس نُوں دُکھ اے
دِھی نُوں ڈِٹھیاں لاندی بھُکھ اے
شالا اس دا دُکھ ناں ویکھاں
کدی وی روندا مُکھ ناں ویکھاں
دِھی دے باجھ جہان اے کیہڑا
دِھی ناں ہووے سُنجا اے ویہڑا
گل ایہہ نال ایمان دے دسّو
سنگیو سب رضوان دے دسّو
دِھی دا ہوندا ہور مقام اے
دِھی تاں رب دا خاص انعام اے
محمد رضوان پیرزادہ
No comments:
Post a Comment
Note: only a member of this blog may post a comment.