جدید پنجابی شاعری
چار چفیرے سدا نئیں رہنے
گُھپ ہنیرے سدا نئیں رہنے
گھڑی دی سُوئیاں رُکنا نئیں
غم دے گھیرے سدا نئیں رہنے
کدی تاں میرا سُورج چڑھسی
پُٹھے پھیرے سدا نئیں رہنے
ما پے، بچے، وِیر تے بھیناں
سجناں تیرے سدا نئیں رہنے
عُمراں دی سانجھ کی پائیے
یار بتھیرے سدا نئیں رہنے
جد دا سُنیا اے ساہ نئیں لیندا
ساہ وی میرے سدا نئیں رہنے
کُلّی میری ڈھا نہ سیفی
محل اوچیرے سدا نئیں رہنے
قمر علی سیفی
No comments:
Post a Comment
Note: only a member of this blog may post a comment.