جدید پنجابی شاعری
شاماں ویلے یاد آوندا اے اپنے گھار دا بُوہا
خاباں دے وچ ہن تے سانوں واجاں مار دا بوہا
اپنی یاری نال فقیراں جیہڑے مالک دل دے
اج تائیں جا کے تکیا نہیں ہے کئیں زردار دا بوہا
بے پرواہی نال اساڈے بھاویں ورتو جِنی
جیندے جی تے چھڈ نہیں سکدے ایہ سرکار دا بوہا
دل دی سدھر پھڑ کے انگلی لے جائے سانوں اوتھے
پلکاں دے نال چُمیئے جا اوس منٹھار دا بوہا
عملوں خالی سوچ سکندرا تُوں ایں کیہڑی گِنتی
ون سونّے مَلّی بیٹھے سوہنے یار دا بوہا
الطاف سکندر بوسال
No comments:
Post a Comment
Note: only a member of this blog may post a comment.