جدید پنجابی شاعری
بے ہمتی دے جالے سن تدبیراں تے
سپ فِر نچن لگ پئے آن لکِیراں تے
پھِکے رنگ حیاتی نُوں وی جچدے نئیں
لہو دے نقش بنا دیندی تصویراں تے
خوف دے جنگل دے وِچ دِیوے بلدے نہ
جے شاہاں دا چلدا زور فقیراں تے
عملاں اُتے اوہ خُوشبوواں مہکدیاں
خواباں نُوں نہ گِلے رہون تعبیراں تے
زہر پیالہ سچ لئی امرت ہوندا اے
سدا بہارے پھُل کھِڑن زنجیراں تے
لہو دے نال ہواڑ دی نِکلی اندر دی
تاں دل راضی اے اندر دے چِیراں تے
زاہد! کوئی قلعہ اُسارو قدراں دا
مُنکر لے لے آوندے واہر نکِیراں تے
زاہد نواز
No comments:
Post a Comment
Note: only a member of this blog may post a comment.