جدید پنجابی سرائیکی شاعری
سچ دے شہر اچ گھاٹا وادھا سوچنڑاں کائنی پوندا
پیار دے کھیر کوں مفت ونڈیندے ویچنڑاں کائنی پوندا
ریت کوں پانڑی سمجھی ودے، سمجھی ودا رہوے
ویلھا سب سمجھیسس آپیں ، ڈسنڑاں کائنی پوندا
رات دے ڈر توں سجھ دا ہاں وی لاہونڑ پئے ویندا ہے
کون ہے جیکوں ہجر فراق توں ڈرنڑاں کائنی پوندا
اساں کیویں اوں وستی وچ کھل کے وقت گزاروں
جتھاں سخت قضیے تے وی روونڑاں کائنی پوندا
متاں رلیا پاندھی آوے، آ کے چھاں تے باہوے
کھڑا راہوے، آس دے ونڑ کوں کپنڑاں کائنی پوندا
دل ہنڑ اپنڑے فیصلے اتے آپ کوں آپ سڑیسی
شوق دی بھا وچ پیر رکھیا ہس، رکھنڑاں کائنی پوندا
اندھے پن جہیں محرومی وی فیدہ مند ہے خالد
یار کوں واپس ویندا ہویا ڈیکھنڑاں کائنی پوندا
خالد جاوید
No comments:
Post a Comment
Note: only a member of this blog may post a comment.