جدید پنجابی شاعری
دل دا مندا منگ چھڈیا
سُولاں اُتے ٹنگ چھڈیا
پہلے میہنہ وچ بھجدی رئی
فیر اوس اکھ نے رنگ چھڈیا
میرے توں چھڑوا لیا ہتھ
اوہدا ہتھ ناں سنگ چھڈیا
سُنیا اے تُوں مُندری پا لئی
تینوں گھر دیاں منگ چھڈیا
ننگے پیریں پھردا ساں
سپّاں ٹُھوہیاں ڈنگ چھڈیا
ناں میرے توں دُور ایں تُوں
ناں میں تیرا سنگ چھڈیا
ہتھیں پیریں کُجھ وی نئیں
مینوں ویلے ونگ چھڈیا
اشرف یوسفی
No comments:
Post a Comment
Note: only a member of this blog may post a comment.