جدید پنجابی شاعری
کدے بمب اکھر کدے تیر اکھر
دیندے ظالماں دا سینہ چیر اکھر
بہہ کے انکھ انا دی چوٹیاں تے
کردے رہ نیں سدا اخیر اکھر
تدے پیر نہیں ڈولدے سدھراں دے
میرے خاباں دی بنے تعبیر اکھر
لکھ اوکڑاں ہوون نہیں کنڈ دیندے
میرے یار اکھر میرے ویر اکھر
سارے ظالماں دے گاٹے لاہ دیسن
بن کے چل گئے جدوں شمشیر اکھر
کدے نہیں نمروداں دا ساتھ دتا
کردے رہے کمزوراں دی بِھیر اکھر
سارے جھوٹھے خداواں دے طرلیاں نوں
اک دن کر دیسن لیر و لیر اکھر
سنگھ پاڑ دیسن جھوٹھے فتویاں دا
کھا بیٹھیں نہ سمجھ کے کھیر اکھر
لکھیا جدوں وی یاد دے ورقیاں تے
وِچھڑے یار دی بنے تصویر اکھر
خوشی محمد نثار
No comments:
Post a Comment
Note: only a member of this blog may post a comment.