جدید پنجابی شاعری
میں نئیں تیرے ہانڑ دا بیبا
میں تینوں نئیں جانڑدا بیبا
میرا ہور زمانہ سی
تے تیرا ہور زمانہ اے
میں جیہڑے سُفنے ویکھے سن
بوہت ای پِچھے چھڈ آیا آں
میرے ساتھی، سجن، بیلی
چنگے، بھیڑے، کوہجے، سوہنے
کجھ میرے اندر وسدے نیں
کجھ نُوں دل چوں کڈھ آیا واں
بوہت ای پِچھے چھڈ آیا واں
میں نئیں تیرے ہانڑدا بیبا
میں تینوں نئیں جانڑدا بیبا
میرا ہور زمانہ سی تے
تیرا ہور زمانہ اے
اپنی پرکھ پہچانڑ دا لبھ لے
جا بیبا کوئی ہانڑ دا لبھ لے
جاوید انور
No comments:
Post a Comment
Note: only a member of this blog may post a comment.