پلکوں ڈگ ستارے ٹُٹے
دو دل ہجر دے مارے ٹٹے
عشق دا کاروبار تباہ اے
جس دن اپنے کارے ٹٹے
تینوں دریا کھالا لگدا
ویکھیں جدوں کنارے ٹٹے
پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
Wednesday, 11 January 2023
قوم دھرم تے ذات پنجابی
قوم دھرم تے ذات پنجابی
آن بان اوقات پنجابی
دل والے جزبات پنجابی
لکھی کہی ہر بات پنجابی
پنج پیراں دی دات پنجابی
گوروآں دی سوغات پنجابی
کجھ تے انج اے نھیرا نھیرا
کُجھ تے اُنج اے نھیرا نھیرا
کُجھ تیرا کُجھ، میرا نھیرا
اُس ڈیرے دا اللہ حافظ
جِتھے لا لئے ڈیرا، نھیرا
کُجھ لوکاں نوں چِٹے دن وی
پا لیندا اے گھیرا نھیرا
راہ ویندیاں انہاں ڈاچیاں دے
کوفہ
راہ ویندیاں انہاں ڈاچیاں دے
اساں ٹل کھڑکدے ڈٹھے ہن
انہاں ڈاچیاں دے ہسواراں کوں
اساں گاونڑ گاندے سنڑیا ہا
ونڑاں ہیٹھ دعاواں کیتاں ہن
او ملدے تاں کہیں کہیں ویلھے اینویں لگدے
او ملدے تاں
کہیں کہیں ویلھے
اینویں لگدے
اکھیں جینویں نویں سروں
انگریاں ہووون
او نکھڑے تاں
کھچ کے مارے چنڈ واہ باندر دی ونڈ
واہ باندر دی ونڈ
کھیر دی راکھی کتے بیٹھے
دُدھ دی راکھی بلے
لومڑ دے فرمان دے اتے
کُکڑاں کٹے چِلے
لگھڑ بگھڑ میچ کراون
پٹھی مت دا مطلب دساں
پُٹھی مت دا مطلب دساں
بھیڑی لت دا مطلب دساں
ہتھ وچ ہتھ تے دے دتا ای
ہتھ وچ ہتھ دا مطلب دساں
اک تُنکا نئیں جھلیا جاندا
نک وچ نتھ دا مطلب دساں
وعدہ اوہ کریں جہڑا نبھ جاوے
وعدا اوہ کریں جہڑا نبھ جاوے
وعدا ناں اے توڑ نبھاونے دا
تیرے قول قرار نوں پرکھنا اے
کوئی شوق نہیں پھیرے پواونے دا
چُپ چُپ چ اکھاں چُپیتیاں نے
گلاں وانگ گلاہدڑی کیتیاں نیں
Tuesday, 10 January 2023
شالا اوتھے وی پنجاب ہووے
ماہیہ، ٹپہ
کوئی لال گلاب ہووے
ربا! تیرے کول آواں
شالا اوتھے وی پنجاب ہووے
نامعلوم
اسی پورسی انکھ دے وارث ہاں
اسی پورسی انکھ دے وارث ہاں
اسیں للھکر دُلے بھٹی دی
اسی کھرل شہید دی غیرت ہاں
سانوں کہندے لوک پنجابی
نامعلوم
ساڈے پنڈ دی شان سی ڈھگے
ساڈے پِنڈ دی شان سی ڈھگے
وائی وِچ پردھان سی ڈھگے
ڈھگیاں نوں وی پیار بڑا سی
زمیندار دا مان سی ڈھگے
نامعلوم
کدی میتھو مندری رمال منگدا
کدی میتھُوں مُندری، رُمال منگدا
کدی آکھے، سوٹ لے دے چٹے رنگ دا
کدی آکھے کَچ دیاں لے دے چُوڑیاں
میرے بھائی وال دیاں گلاں کُوڑیاں
نامعلوم
اج حقیقت سمجھ آئی اے
اج حقیقت سمجھ آئی اے
تیرے خون اچ بے وفائی اے
نمازی بنڑ کے، خدا دیا بندیا
توئیں دل دی مسیت ڈھائی اے
نامعلوم
ٹر جاون جد باپ تے مڑ کے لبھدے نہیں
ازلاں توں اے روگ پرانے اج دے نہیں
ٹُر جاون جد باپ تے مڑ کے لبھدے نہیں
سب تو اُچیاں یارو! سنگتاں باپ دیاں
جیدے صدقے بنڑیاں قسمتاں آپ دیاں
بابل ورگے ہور سہارے لبھدے نہیں
ٹُر جاون جد باپ تے مُڑ کے لبھدے نہیں
نامعلوم
اک پیر فقیر امیر دیاں
اک پیر، فقیر، امیر دیاں
اک میر، سفیر، وزیر دیاں
اک مجنوں، پنوں، رانجھن، تے
اک لیلیٰ، سسی، ہیر دیاں
اک ہس ہس کھس لجان ردا
اک رو رو دل نوں چیردیاں
وچ من ماہی عشق وسایا
وِچ من ماہی عشق وسایا
عشق نے لُوں لُوں رقص کرایا
رانجھن بنیاں عشق دا جوگی
عشقے تخت ہزارا چھڑوایا
اے کی جانن لوکی کملے
عشق آسمانی ازلوں آیا
اساں درد صدی وچ جم کے
اساں درد صدی وِچ جم کے
اسیں ہتھیں چاء دفنائے
اساں چُوسی ریت دی چُوسنی
اسیں ازلاں دے تریہائے
اساں پُوچی تختی عشق دی
اتے ہنجو پورنے پائے
سک اونویں پار دی
سک اونویں پار دی
قصے والی رات کوں
اکھیں وچ ٹور تے
رات پئی گزار دی
سک اونویں پار دی
رتی چُنی پا کے
کیا پئے کریندے او
کیا پئے کریندے او
کونج پئے مریندے او
پانی لتھے پکھی کوں
بندوق ونج مریندے او
کرلاٹ پیا امدا اے
ڈار پئے ونچیندے او
ایہہ شہر تے تاں وی اوپرا سی
ایہہ شہر تے تاں وی اوپرا سی
ایہ شہر تے اج وی اوپرا اے
ایہہ لوک پرائے تاں وی سن
ایہ لوک پرائے اج وی نیں
اسیں تاں وی ایتھے اوبڑ ساں
اسیں اج وی ایتھے اوبڑ آں
بڑا ای مان سی مینوں وی
اک بدمعاش عورت
بڑا ای مان سی مینوں وی
کجھ اپنی طاقت اُتے
اپنے حُسن جمال تے
اپنے دل دی ہمت اُتے
پر جدوں میں اوس نُوں مِلیا
جیہڑا دِسدا چار چفیرے
کوئی کہندا اوہ دُور وسیندا
کوئی کہندا اوہ رہندا نیڑے
کوئی کہندا اوہ پتھرا دے وِچ
کوئی کہے وِچ بولے میرے
کوئی کہندا اوہ جنگلیں مِلدا
کوئی کہے وِچ ملدا ہنیرے
سپیاں دے اندر چناب جیہا لگدا
سپیاں دے اندر چناب جیہا لگدا
اکھاں وچ فر کوئی خواب جیہا لگدا
دل کنڈو کنڈی کیتا اوہدیاں سلوکاں نے
تاہیوں تے اوہ مُکھڑا گلاب جیہا لگدا
جدوں چیکاں سینے وچ تیر بن جاندیاں
اوہدوں چُپ رہنا وی ثواب جیہا لگدا
رانجھن نے رنگ لایا نی
رانجھن نے رنگ لایا نی مینوں
رانجھن نے رنگ لایا
رانجھن دا رنگ روپ نرالا
او یا یٰسین مزمل والا
بشری چولا پایا نی
مینوں رانجھن نے رنگ لایا
Monday, 9 January 2023
رانجھن رانجھن ورد پکا کے
رانجھن رانجھن ورد پکا کے
رانجھن ہوئی ہیر وے سائیں
محرم کہہ کے رہندا اولے
ڈاڈا اے دلگیر وے سائیں
عشق من دی لوں لوں ساڑے
عشق دے اے تاثیر وے سائیں
صدیق تاثیر
کافر اساں کی ویکھیا
کافر، اساں کی ویکھیا
کی دساں کی ویکھیا
سچی مچی اوہ ویکھیا
جندی سی ٹوہ ویکھیا
نامعلوم
جداں اوسی بابر یار اے
جداں اوسی بابر یار اے
میتھُو پچھسی ونگ دے بارے
کیہڑا میں جواب ڈیساں
کویں ترُٹی ہِم ونگ ماہیا
منگو نی دعا سکھیو
شالا ترُٹم نہ سنگ ماہیا
پوہ دا چٹکا مکئی دی روٹی
پوہ دا چٹکا
مکئی دی روٹی
گندلاں دا ساگ
اُتے مکھنڑ دا پیڑا
تے لسی دا گلاس
ایہو جیا نرہانڑ ہووے
لال انگارے چنڑدیں چنڑدیں رل فقیرا رل
لال انگارے چنڑدیں چنڑدیں
جڈاں لبھسن ہیرے موتی
بر تھیسی سب جھوک فنا دی
پُھلیں وانگوں پتھر لگسن
پتھریں وانگوں پُھل
بھوگ فقیرا بھوگ
میرا اللہ وی ہک میرا سجنڑ وی ہک
میرا اللہ وی ہِک میرا سجنڑ وی ہِک
میری ہِکی دے نال پرِیت اے
سٹ گھتی اے ہِکی دے آسرے تے
زندگی دی ہار تے جیت اے
ہکی نال نبھاونڑیں نسلاں تائیں
خود رب دی ذات دی رِیت اے
اسانوں کے پتہ کیہڑی مسجد تے کیہہ کلیسے
اسانوں کے پتہ کیہڑی مسجد تے کیہہ کلیسے تے کیہڑے مندر
اساں محبت دی م کڈھ کے تے ح نوں دے کے
تے "د" لا کے خدائے احمد دی حمد کیتی
اساں تاں پکھواں نوں پیار کیتا
اساں تاں جنگلاں نوں سینے لایا
اساں تاں دریا دا گُھٹ چا بھریا
Sunday, 8 January 2023
بھک پیار دی منگدے پھردے پھڑ کشکول نمانے
بھک پیار دی منگدے پھردے
پھڑ کشکول نمانے
بوٹا پیار دا کوئی نہ لائوندا
لبھدے خشبو لئی دیوانے
بھن تروڑ کاسہ اڑیا
چھڈ دے حیل بہانے
رات اندھیں دی وستی گزاری چلو
رات اندھیں دی وستی گزاری چلو
سجھ ابھاری چلو
کوئی پھپھڑدی ہوئی رت وچوں سانولا
اکھ نساری چلو
جیرھا مزدور دا خون پیندا ودے
نانگ جیندا ودے
بچ عشق دے مکر فریب کولوں
بچ عشق دے مکر فریب کولوں
ایہہ انب دے رُوپ اچ اَک اے
مینوں پک اے
گھر ککھ اے لکھ اے فق ہوسیں
ساہ ساہ تے ہوسیں شک اے
مینوں پک اے
دیکھ کے تیری ٹور وے ماہیا
دیکھ کے تیری ٹور وے ماہیا
ڈگ ڈگ پیندے مور وے ماہیا
چمکے تیری چُپ دا چانن
ونجھلی پاوے شور وے ماہیا
ہو کے بھردے ہجر ہنیرے
اک لشکارا ہور وے ماہیا
جنگ کوئی چنگا کم نئیں لوکو
جنگ کوئی چنگا کم نئیں لوکو
جنگ تاں بال یتیم کریندی
جنگ تاں ماں کوں رت رویندی
جنگ تاں پیو دا مانڑ مکیندی
جنگ تاں بھینڑ توں ویر کھویندی
جنگ کوئی چنگا کم نئیں لوکو
سجناں ساڈی رسم روایت ساڈا چپ چپ رہنا
استاد محترم دی پنجابی غزل سبھ سجناں بیلیاں دے نام
سجناں ساڈی رسم روایت ساڈا چُپ چُپ رہنا
نئیں تے اساں فقیراں تینوں کیہ کُجھ نئیں سی کہنا
رُکھاں ولوں ہُن کوئی سدّا آوے یا نہ آوے
دُھپے میں دوپہر گزاری ہُن کیہ چھانویں بہنا
مندا کیتا حال دِلے دا تیری بے پروائی
میں انکھی پت پنجاب دا مینوں گوڈیاں تیک چنہاں
میں انکھی پُت پنجاب دا مینوں گوڈیاں تیک چنہاں
مینوں گِٹے گِٹے راویاں مِرا ستلج جپدا ناں
مینوں ویکھ کے تھر تھر کنبدے کیہ جہلم سندھ بیاس
مینوں ساری دنیا جان دی مِرا دُلا بھٹی ناں
اعظم توقیر
انکھی پت پنجاب دے اسیں باغی ہر قانون دے
انکھی پُت پنجاب دے
اسیں باغی ہر قانون دے
اسیں مندے اِکو پیار
سانوں رُوپ کچہری پُجدی
سانوں مُنصف پُجدا یار
اسیں باغی ہر قانون دے
Saturday, 7 January 2023
اسیں انکھی پت پنجاب دے ساڈی کوفیاں دے سنگ جنگ
اسیں انکھی پت پنجاب دے
ساڈی کوفیاں دے سنگ جنگ
اسیں غیر کولوں نئی سیں ہاردے
بس مرے اسیں آپنڑیا دے ای ہتھ
نامعلوم
اساں انکھی پت پنجاب دے ساڈی ماں بولی پنجابی
اساں انکھی پت پنجاب دے
ساڈی ماں بولی پنجابی
سانوں گڑتی وارث شاہ دی
اساں تاں بولی پنجابی
ساڈے متھے تلک ہے نانکی
اساں ہاں بولی پنجابی
اسیں انکھی پت پنجاب دے ساڈا جگ تے رہنا ناں
اسیں انکھی پت پنجاب دے
ساڈا جگ تے رہنا ناں
اسیں راکھے بولی ماں دے
ساڈی راکھی بولی ماں
اساں جد تک جیوندے جاگدے
ہر سکدے نئیں میاں
میں انکھی پت پنجاب دا میرے سر تے پیو دی پگ
میں انکھی پُت پنجاب دا
میرے سر تے پیو دی پگ
میں رُکھ قدیمی بوہڑ دا
مینوں کوئی نئیں سکدا کھگ
میری عمراں ورہے ہزار جے
میں جتھے جاواں لگ
اندر ہووے گھپ ہنیرا تے باہر دیوے بالاں میں
اندر ہووے گُھپ ہنیرا
تے باہر دیوے بالاں میں
جھاڑو لاواں مسیت اندر
تے دل وِچ اُلی گالاں میں
علم رکھاں غلافاں دے وچ
تے عزت لوکاں دی اچھالاں میں
دوہاں بیڑیاں وچ کی پیر ترنا
دوہاں بیڑیاں وچ کی پیر ترنا
یا تاں ہجر بن جا یا وصال بن جا
کر کے حوصلے وے ہو جا اکو پاسے
یا تاں ککھ بن جا یا کمال بن جا
یا تاں نہیریاں نو سینے نال لا لے
یا تاں کسے دے مکھ دا جمال بن جا
Friday, 6 January 2023
ڈھولا تاش دی لا بازی
ماہیہ، ٹپہ
ڈھولا تاش دی لا بازی
اُنہاں کہڑے دکھ ونڈنے
جہڑے بول کے نہیں راضی
نامعلوم
پھل لگ گئے ککراں نوں
ماہیہ، ٹپہ
پُھل لگ گئے کِکراں نوں
کیویں میں بُھلاواں ماہیا
تیریاں ڈُونگیاں فِکراں نوں
نامعلوم
Thursday, 5 January 2023
شالا ایہ جہیا کالا دینہہ نہ چڑھے
سولہ 16دسمبر
شالا ایہ جہیا کالا دینہہ نہ چڑھے
میری دھرتی تے
میں سرگی ویلے ہر ہر ساہ دا
سئے واری صدقہ دتا اے
صغرا صدف
صغریٰ صدف
اسیں لنگھ گئے تیرے پنڈ کولوں
اسیں لنگھ گئے تیرے پنڈ کولوں
تینوں ڈُونگھیاں نینداں آئیاں نی
اوہ لیکاں وی نہ دیکھیاں توں
پانی تے جہڑیاں واہیاں نی
لوک راج
غریبی لش پش دے وچ میں کج لئی
غریبی لش پش دے وچ میں کج لئی
ایہہ جگ دا مویا احساس تک کے
کیوں کہ ڈنگراں دا مُل گھتیندے ہن
قصائی وی ہڈیاں تے ماس تک کے
محمد ریاض مہک
اج ثالث دل دی نگری وچ ہلچل تے ڈاڈھا شور اے
اج ثالث دل دی نگری وچ ہلچل تے ڈاڈھا شور اے
ہتھ بنھ کے سارے دکھاں نوں چوکھٹ توں چھڈیائی ٹور اے
بیمار نوں مرضاں بھل گئیاں ہن تائیں رنگ چہرے دا ہور اے
اج اوہ آؤ اے جہندے آونڑ تے ہن رقص کریندے مور اے
قمر عباس ثالث
سارے جگ لئی خیراں منگے سوہنا ساوا گنبد
سارے جگ لئی خیراں منگے، سوہنا ساوا گنبد
جگ نوں نُوری کِرناں ونڈے، سوہنا ساوا گنبد
گمراہی توں بچنا جے تے میرے ہیٹھاں آؤ
ایہہ گل سارے جگ نوں آکھے، سوہنا ساوا گنبد
خالد شفیق بٹ
کوئی نئیں کہیں دا ہو ڑی امڑی
کوئی نئیں کہیں دا ہو ڑی امڑی
اے جگ سارا دروہ ڑی امڑی
میڈی خیر اے میں مر ونجاں
شالا توں نہ رو ڑی امڑی
اپنے لیکھے ایں جگ اتے
ہوونڑ اپنا ڈوہ ڑی امڑی
دھرتی تے ودھ کے لگدیاں توں
دھرتی تے ودھ کے لگدیاں توں کائی ہور نہیں جاگیر اے
ایہہ خون دے رشتیاں توں پہلے ہِن آن پوجھیندے نِیر اے
جداں سیت ریاض ڈُلا جاوے ایہہ آن کے دیندے دِھیر اے
جیہندے لگدے چار حلالی ہِن کائناتوں ڈھیر امیر اے
مہر ریاض سیال
کھڑدے پھل مرجھا گئے لوکو
کِھڑدے پھل مرجھا گئے لوکو
چن تارے وی شرما گئے لوکو
مارو ماری لگی اے تھاں تھاں
بھُکھے لُٹ کے کھا گئے لوکو
کنہوں آکھاں، کیہڑا چور اے
سارے ای ہتھ وکھا گئے لوکو
ڈردا ہویا چپ کر جاواں کاہدے لئی
ڈردا ہویا چپ کر جاواں کاہدے لئی
ایویں جیندے جی مر جاواں کاہدے لئی
ایہہ تے ہتھیں لا کے سر چا دینا ایں
میں تے ویری دے گھر جاواں کاہدے لئی
مینوں تے فیر میری سوچ ای لو چھڑنا ایں
کیتی گل توں میں ہر جاواں کاہدے لئی
ہنجھواں دے پرنالے دیکھ
ہنجھواں دے پرنالے دیکھ
نہروں نکلے کھالے دیکھ
تیرے بعد نہ وڑیا کوئی
بوہے اتے جالے دیکھ
گورے گورے جسیاں دے وچ
دل نے کنے کالے دیکھ
پل ڈو پل دے میلے وچ
پل ڈو پل دے میلے وچ
سال گزردے رہ ویندن
ول اوں وہندے ویلھے وچ
خیال گزردے رہ ویندن
بندے نال زمانیں دے
کال گزردے رہ ویندن
رب اتھاہیں رہندا پنج ہزار ورہیں توں
کافی
رب اِتھاہیں رہندا پنج ہزار ورہیں توں
ست ہزار ورہیں توں لکھ ہزار ورہیں توں
اَساں رب کوں ڈِٹھا تُوتیں وانگوں مِٹھا
پیا ہے میوہ لاہندا پنج ہزار ورہیں توں
ست ہزار ورہیں توں لکھ ہزار ورہیں توں
رب ملتان دیاں گلیاں رب ملتان دے بوہے
کوئی نئیں یاد اساکوں
کوئی نئیں یاد اساکوں
ساڈے جمنڑ ویلے
کیا کہیں چھج پتاسے ونڈے
کیا کہیں آن اذاناں ڈتیاں
یہ کوئی ڈوماں ڈھول وجایا
یہ کوئی کھسرے ویل اگاڑی
Wednesday, 4 January 2023
جہدیاں راہواں تکدی تکدی روہی دا رکھ ہوئی
جہدیاں راہواں تکدی تکدی روہی دا رُکھ ہوئی
دو گھڑیاں اوہ میری چھاویں آن بہوے تے مناں
جِنی جِنی ڈھاواں اونی اونی جاوے اُسری
اوتر جانی اِکلاپے دی کندھ ڈھہوے تے مناں
صغرا صدف
صغریٰ صدف
بدلیں دیاں چاڑھیاں
بدلیں دیاں چاڑھیاں
اچیاں اچیاں ماڑیاں
تئیں جو ماریاں تاڑیاں
اساں تیڈیاں میندیاں
لتھیاں او پیاں ویندیاں
پکھی جیویں شام دے
اساڈی محبت اتھائیں کتھائیں
تیڈے نانویں
اساڈی محبت اتھائیں کتھائیں
دیواریں توں پرتے
ہوائیں دے وچ
رات دے کہیں پہر
بھوئیں تے جنڑی ہائی
جذبیاں وچ ڈبو کے خالد
جذبیاں وچ ڈبو کے خالد
پلکاں ہیٹھ لکو کے خالد
نعت دیاں خوشبواں ونڈاں
ہنجو ہار پرو کے خالد
اوہدا ناں ہونٹاں تے لیاواں
منہ خشبو نال دھوکے خالد
فر بچے بن جائیے یار
فر بچے بن جائیے یار
امبر ٹاکی لائیے یار
نہ تُوں جتیں نہ میں ہاراں
ایسی بازی لائیے یار
بے شک رستا بُھل جائیے
دن وچ باتاں پائیے یار
اج کیہڑا ڈر ہئی دور کھلوتائیں
اج کیہڑا ڈر ہئی دور کھلوتائیں
آ کُھل کے میت دے سؤڑے
اے اکھ تین اج تک نئی سگدی
مونہہ کجنڑ دی کیہڑی لوڑ اے
شرما نئی جھاکے لہے گئے نی
اج چپ دیاں قسماں تروڑ اے
نا بھولی شکل تے بھلیا کر
نا بھولی شکل تے بھلیا کر
بندے اندر دے کوڑے ہوندن
جہڑے جھٹ جھٹ نوں احسان جتاون
اووہ دل دے سوڑے ہوندن
شالا سجنڑ وی ثالث مخلص ٹکرن
سینے فخر توں چوڑے ہوندن
شالا وسے دیس پنجاب
اسیں واسی ساندل بار دے
ساڈا وِرثہ لوک وِراگ
اسیں بولی باہو دی بولدے
سانوں پیر فرید دی جاگ
اسیں سچے قول قرار دے
ساڈی ستھری صاف دلیل
Tuesday, 3 January 2023
پل دو پل دی نا کر گل
جدید پنجابی ہندکو شاعری
پل دو پل دی نا کر گل
پینڈے لمے دھرتی جل تھل
دل دے کچے گھڑے نوں
پانڑی دے وچ ٹھیلا کل
غماں دے سیلاباں دے وچ
دل دا گھڑا وے بے کل
سارا ترکہ سنبھال گھدی گئے
سارا ترکہ سنبھال گھدی گئے
خواب اکھیں کوں نال گھدی گئے
بھل گیا ہے لکار اپنڑی اؤ
میڈی ویندے ہوئے شال گھدی گئے
ہجر کیندا ٹکا ہا گھر میڈے
بس جوانی دے سال گھدی گئے
ثمر عباس
یاد تیڈی دا غم ودا رہسی
یاد تیڈی دا غم ودا رہسی
ہتھیں کاغز قلم ودا رہسی
تیڈے زلفیں دے خم ودے راہون
ساڈی قسمت دا خم ودا راہسی
تیکوں خس دی وی خینس نہ آوے
ساڈا مونجھا ہے دم ودا رہسی
ریاض فاروق
ساڈی بکھ دا دیہہ وی
ساڈی بکھ دا دیہہ وی
اینجھا اندھا دیہہ اے
نہ مامے بھنڑیجے
دے رشتے کوں من تے
ساڈا جی چھڑیندے
نہ اے بھیت ڈیندے
اسیں وگ آں جتل بھیڈاں دا
اسیں وگ آں جتل بھیڈاں دا
ساڈی اکھاں اگے جت
اسیں واڑے اندر چرنیاں
شِشکر اے ساڈی مت
کجھ ککیاں تے کجھ کالیاں
اسیں لمکے کناں والیاں
توں ماں توں سکھ کے ہی ماں دی بولی
تُوں ماں توں سکھ کے ہی ماں دی بولی
تے ویری ماں دا ہی ہو گیا ہیں
نمک حراماں پنجابی اج تائیں
سکول اندر پرھائی کوئی نہوں
زبان مرسی تاں قوم مرسی
جے قوم مرسی تے ورثہ مرسی
Monday, 2 January 2023
شملہ اچا نالے رنگ بسنتی اے
بھگت سنگھ دا جنم دیہاڑ
شملہ اُچا، نالے رنگ بسنتی اے
سجری مٹی چار چفیرے نچدی اے
بھگتا آیا جے، ہر اک نوں دسدی اے
مڑ مڑ اوسے پاسے نیلم تکدی اے
نیلم بھٹی
دھند اے دھند اے کجھ نئیں ڈسدا
دھند اے دھند اے کجھ نئیں ڈسدا
کجھ نئیں ڈسدا، لیکن اساں
کہیں دی بھال دے رستے اوتیں
جرڑیا رستہ بنڑیا بیٹھوں
کہیں دا رستہ ڈہدے بیٹھوں
حاتم بلوچ
رل کے چانن ونڈ ونڈ نھیر مکاون دی
رل کے چانن ونڈ ونڈ نھیر مکاون دی
لوڑ اے سوچن سمجھن تے سمجھاون دی
لنگر وچ پرشاد رلا کے توں تے میں
ہمت کریے بہ کے اک تھاں کھاون دی
پا لویں فر ہاڑ تے سارا ملبہ توں
پہلاں لے تلاشی پوہ تے ساون دی
آوؤ کالی رات دے راہ تے
سجھ سمورا اوندا
آوؤ کالی رات دے راہ تے
اپڑیاں اپڑیاں اکھیں پوروں
اپنے سر تے ہتھ رکھ آپے
سجھ کوں ہکلاں ماروں
لک چھپ کھیڈوں اپنے رلے
جے تئیں کالی رات نہ ٹلے
میکوں ڈکھ درد دیاں ٹولیاں ڈتیاں کر
میکوں ڈکھ درد دیاں ٹولیاں ڈتیاں کر
میکوں سانول دعائیں تھولیاں ڈتیاں کر
پکھیں کوں مار تے قاتل سڈیسیں
پکھیں کوں پیار دیاں بولیاں ڈتیاں
جڈاں بیڑی تے نکلوں سیر کیتے
وڈیاں لہراں وڈیاں چھولیاں ڈتیاں کر
آ پھر ترئیے اوسے راہ تے
آ پھر تُرئیے اوسے راہ تے
پھر ٹبیاں دی ریت تے لیٹیئے
مونگ پھلی دیاں ہولاں کرئیے
اِلھاں دے پرچھاویں پھڑئیے
سپ دی لیہ دے اتے ترئیے
چل مچھیاں نوں آٹا پائیے
انہاں باراں چوں انہاں بیلیاں چوں
ونگار
انہاں باراں چوں
انہاں بیلیاں چوں
کوئی کوک مارو
جے جیندے ہو
انہاں کدھیاں توں
انہاں کھواں توں
Sunday, 1 January 2023
ہوکے تے کجھ ہاواں دے وچ
ہوکے تے کجھ ہاواں دے وِچ
چن گواچا راہواں دے وچ
پرِیت نبھانی اوکھی اے
بندہ مُکدا چاواں دے وچ
جنہوں دل دا حال سنایا
اوہ ای وسدا ساہواں دے وچ
تلیاں اتے کاسے پیدا ہو رہے نیں
تلیاں اُتے کاسے پیدا ہو رہے نیں
ساڈے بال وی منگتے پیدا ہو رہے نیں
ساڈے وچ تخلیق دا کوئی مادہ نئیں
ویہلے آں تے ویہلے پیدا ہو رہے نیں
ظفر اقبال چونیاں والے
نکھڑے ہیں تاں پتہ لگے
اوندے نانویں
نکھڑے ہیں تاں پتہ لگے
پوہ دی رات ادھرات کوں کلہیں
کوئی نصرت کوں کیوں سنڑدا ہے
نکھڑے ہیں تاں پتہ لگے
ایں دنیا تیں ہوندیں ہوئیں وی
ہک چاندنی من دریا تیں
ہِک چاندنی من دریا تیں
دریانویں شام پئی لہندی اے
صحرانویں چندر اُبھردا پئے
نِمراش نِمانے نیناں وچ
نندرایا نور وِگھردا پئے
رنگیں دے رُوپ تماشے ہِن
نویں نویں بولیاں دے خواب رہنڑ دیوو ہا
نویں نویں بولیاں دے خواب رہنڑ دیوو ہا
ساجھا ویہڑہ ساجھا ای جناب رہنڑ دیوو ہا
دھرتی دے سینے اُتے چُھریاں نہ مارو جی
ظالموں پنجاب نوں پنجاب رہنڑ دیوو ہا
کول رکھو اپنڑیں نکھیڑے آلے فتوے
ایہو جئے گناہ تے ثواب رہنڑ دیوو ہا
پولیس اے فوج اے عدالت اے
ریاست
پولیس اے
فوج اے
عدالت اے
ہٹی ہے جمہور دی مذہب دی
یا گھوڑا ہے کہیں فاتح دا
سجا تے سینے تے یادیں دے میلے بارہاں وجے
پنجابی سرائیکی شاعری
سجا تے سینے تے یادیں دے میلے، بارہاں وَجے
تروڑی بیٹھے ہیں اکھیں دے ریلے بارہاں وجے
بزار یارہاں وجے بند کر گئی دنیا
غزل دے کھول تے بہہ گیوسے ٹھیلے بارہاں وجے
اُٹھی تے نِرنہاں کاوڑ دا ناشتہ کیتا
کہیں دے منہ تے سویلے سویلے بارہاں وجے
Subscribe to:
Comments (Atom)