جدید پنجابی شاعری
کل میں اوہنوں کال کراں گی
گلاں اپنے نال کراں گی
پکّی اِٹ نینہ تے رکھ کے
سُنجے سفنے لال کراں گی
مِل کے مُڑنا سوکھا تے نئیں
فر وی سانجھا حال کراں گی
پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
Sunday, 31 March 2024
پڑھ پڑھ غیراں دیاں کتاباں
جدید پنجابی کلام
پڑھ پڑھ غیراں دیاں کتاباں
پایا ای تدھ وچ عذاباں
کر قرآن تے سوچ وچار
علموں بس کریں او یار
ارشد سعید
سوہنی پانویں سسی ہووے
جدید مزاحیہ پنجابی شاعری
سوہنی پانویں سسی ہووے
مینوں ویکھ کے ہسی ہووے
بیگم چاہندی شوہر دے گل
بکرے آلی رسی ہووے
ساگ نال ہووے کوکا کولا
برگر دے نال لسی ہووے
احمد سعید
مڑ اوہ مینہ نہ وسیا ورھے گواچ گئے
جدید پنجابی شاعری
مُڑ اوہ مینہ نہ وسیا، ورھے گواچ گئے
مُڑ اوہ رات نہ آئی عُمراں بیت گئیاں
پُھل تے کھنب کھلارے موسم بیت گیا
واء نے شاخ ہلائی عُمراں بیت گئیاں
ویکھیا سی کوئی سُفنا تارے ٹُٹ گئے
مُڑ فیر نیند نہ آئی عُمراں بیت گئیاں
قدر سوہنیاں دا نہ ایتھے کوجھیاں دا
جدید پنجابی شاعری
قدر سوہنیاں دا نہ ایتھے کوجھیاں دا
قدر ہے تے بھرے ہوئے بوجھیاں دا
نہ توں آئیوں نہ ساڈی عید ہوئی
کیہ فیدا رکھے ہوئے روزیاں دا
جیب وچ پیسے مونگ پھلی جوگے وی نئیں
پاء پُچھدا پھرے چلغوزیاں دا
باویا وے باویا وے سکھاں دیا باویا
جدید پنجابی شاعری
پیو دی ڈونگھی چپ دے ناں
باویا وے باویا
وے سکھاں دیا باویا
وے بیلے دیا راجیا
انج اکھیاں نہ روہڑ
باویا وے باویا
وے پیڑاں دے کچاویا
چن چڑھیا تے لوک دے واسی ول ول پڑھن دعاواں
جدید پنجابی شاعری
چن چڑھیا تے لوک دے واسی ول ول پڑھن دُعاواں
شالا لیکھ اساڈے جاگن، ہوون ردّ بلاواں
بدل آون، جھڑیاں لگّن، ہرّیاں ہوون باراں
اپنی رَت نال اس دھرتی تے لِکھاں تیرا ناواں
سبھ مینوں رُکھ آہندے سن، پر جیویں ویلا آیا
لوکی سالاں کہہ کے لے گئے میریاں ٹھنڈیاں چھاواں
شاہ حسینا آ جا بہہ جا بات سنا کوئی
جدید پنجابی شاعری
شاہ حسین نال ٹاکرہ
شاہ حسینا آ جا بہہ جا
بات سنا کوئی سِگرٹ پی لے
دارُو والا گُھٹ نہ منگیں
اج اتوار اے
اپنا ڈیوڈ چُھٹی تے وے
مادھو لال دا ناں نہ لے لئیں
Saturday, 30 March 2024
ہاں میں کر چکی ہاں سکے پتیاں وانگوں
جدید پنجابی شاعری
سُکّے پتے
ہاں میں کِر چکی ہاں
سُکے پتیاں وانگوں
سمے دے رُت اُتوں
ہوا اُڑا کے دُور لے جاوے
میں رُکھ اُتوں ٹُٹ کے
کجھ نہیں رہی
نی مائے اسیں کیہ دنیا تے آئے
جدید پنجابی شاعری
ویلے دے جوگی نے ساہنوں
پھنئیر ناگ لڑائے
نی مائے اسیں کیہ دنیا تے آئے
حکیم ارشد شہزاد
گل آؤندی اے کرنی نہیں
جدید پنجابی شاعری
گل آؤندی اے کرنی نہیں
ایہناں لوکاں جرنی نہیں
جادو اوہدا چلدا اے
پر اوہ جادوگرنی نہیں
عصمت اللہ سیکھو
شوق دا کوئی مول تے نئیں اے
جدید پنجابی شاعری
شوق دا کوئی مول تے نئیں اے
ایہدے وِچ مخول تے نئیں اے
ٹھاہ ٹھاہ کر کے کُڑیاں مارے
شعر مِرا پستول تے نئیں اے
نعیم ضرار
لیکھاں دا سب پھیر نی جندے
جدید پنجابی شاعری
لیکھاں دا سب پھیر نی جِندے
تُوں نہ ہنجُو کیر نی جندے
ویکھ کے سُکھ پرایا ایویں
بُلھ تے جیبھ نہ پھیر نی جندے
صابر ناز
پانی دے وچ کھر جانے آں
جدید پنجابی شاعری
پانی دے وِچ کھُر جانے آں
تاء لگے تے بھُر جانے آں
سانُوں پاتھن والیا ربا
کیہڑی مٹی لا چھڈی اُو
نثار احمد
او بلبل وانگ بہاراں دے
جدید پنجابی شاعری
او بلبل وانگ بہاراں دے
ڈنگ چار ٹپا کے ٹُر گئے
ساڈے دل دیاں کوریاں ورقیاں نوں
اگ ہجر دی لا کے ٹر گئے
ڈھلی بخت دی پیشی غربت دے
بھیڑا عذر بنڑا کے ٹر گئے
جندڑی لٹی تئیں یار سجن
کلاسیکی پنجابی شاعری
جندڑی لٹی تئیں یار سجن
کدیں موڑ مہاراں تے آ وطن
روہی دے کنڈڑے کالیاں
میڈیاں ڈکھن کناں دیاں والیاں
اساں راتاں ڈکھاں وچ جالیاں
روہی بنائوئی چا وطن
Friday, 29 March 2024
جہدے اتے رب دی مہر
جدید پنجابی شاعری
جہدے اُتے رب دی مہر
اوہ نہیں ہردا کسے توں فیر
جِتن اوڑک بھاگاں والے
بد نیتی نے ہونا زیر
صغرا صدف
صغریٰ صدف
سہن نہ ہوندی تیری چپ
جدید پنجابی شاعری
سہن نہ ہوندی تیری چُپ
اینی لمی ڈوہنگی چپ
بُکّل وچہ لکوئی بیٹھا
ہر کوئی اپنی اپنی چپ
یعقوب آسی
دانا بیجیں گا تے سٹے آون گے
جدید پنجابی شاعری
دانا بیجیں گا تے سِٹے آون گے
ڈِلی ماریں گا تے اِٹے آون گے
پُترا چُپ دے معنے اودوں سمجھیں گا
جس دن تیری داڑھی چِٹے آون گے
تجمل کلیم
رتاں دے وچ رتاں ولیاں
جدید پنجابی شاعری
ولگناں ولیاں
رُتاں دے وچ، رُتاں ولیاں
بندیاں دا لہو پی کے تے
ویر پلے تے
دشمنیاں پلیاں
غلام شبیر عاصم
کیہ ہووے گا ہو رہیا اے جو اوہ ای ہونا اے
جدید پنجابی شاعری
واردات
کیہ ہووے گا
ہو رہیا اے جو اوہ ای ہونا اے
نہیں ہویا جو اوہ نہیں ہونا
جو چاہندے نیں کردے پئے نیں
جو چاہون گے ہو جاوے گا
آپاں تے بس رونا دھونا ے
متھے لگن جے نال شریکاں دے
جدید پنجابی شاعری
متھے لگن جے نال شریکاں دے
چنگی نسل دے خون نبھا ویندن
بھاویں جیڈے مندڑے حال ہوون
سر آئیاں کملے چا ویندن
پیا سارا ملکھ ادائیں ہووے
لگے موت توں نہ گھبرا ویندن
آ جھٹ بیہ جا ساڈے کول
جدید پنجابی کلام
آ جھٹ بیہ جا ساڈے کول
اینویں غصے نال نہ بول
اہناں لال گلابی بلیاں وچوں
پیار دے ہاسے ڈھول
ایڈا مان حسن دا نہ کر
نک نال نکھرے نوں نہ تول
اکھ وچ مٹی پائی جاؤ پائی جاؤ
جدید مزاحیہ پنجابی شاعری
اکھ وچ مٹی پائی جاؤ پائی جاؤ
ملک نوں رل مل کھائی جاؤ کھائی جاؤ
لسی صحت لئی چنگی شے وے
دُدھ وچ پانی پائی جاؤ پائی جاؤ
یونیورسٹی پڑھنے جانا
دو دو گھنٹے نہائی جاؤ نہائی جاؤ
Thursday, 28 March 2024
سپنے وچ اک رخ تے لکھیا راتیں اپنا نام اسیں
جدید پنجابی شاعری
سپنے وچ اک رُخ تے لکھیا راتیں اپنا نام اسیں
دن چڑھدے نُوں ہو گئے سارے جنگل وچ بدنام اسیں
کنج سہ لیندے اوہدے مُکھ تے پل پل ڈھلدی شام اسیں
اپنے دل دا دغدا سُورج کرتا اوہدے نام اسیں
اک اک کر کے وِک گئے آخر تارے ساڈے امبر دے
ہائے، پھر وی تار سکے نہ اس دیوے دے دام اسیں
نہ کوئی دور نہ ایتھے نیڑے
جدید پنجابی شاعری
نہ کوئی دُور نہ ایتھے نیڑے
وِچے بیڑے وِچے چیہڑے
اپنے اندر جھاتی مار
وِچے رانجھے وِچے کھیڑے
واصف علی واصف
عشق تینڈے دی نہر وگے کئی تریاں کرماں والڑیاں
کلاسیکی پنجابی شاعری
عشق تینڈے دی نہر وگے کئی تریاں کرماں والڑیاں
کئی کوجھیاں لنگھ پار گئیاں تے روون شکلاں والڑیاں
شکلاں ڈیکھ ن بھلیں باہروں چٹیاں تے اندروں کالڑیاں
یار فرید چا بھال بھالے عیباں والیاں دے متھے لالڑیاں
خواجہ غلام فرید کوریجہ
بول نہ بول نہیں زور میرا
کلاسیکی پنجابی ہندکو شاعری
بول نہ بول نہیں زور میرا
ذرا شفقت دی ویکھ نگاہ کر کے
بوسے لے کے شراب دے ساغراں دے
کیا میں کافر ہو گیا گناہ کر کے
دل دی آگ بجھا قریب آ جا
میں مر نہ جاواں آہ کر کے
دھکے مار کے کڈھنا فیر بنے
جدید پنجابی شاعری
دَھکّے مار کے کڈھنا فیر بنّے
پہلوں چُوریاں پے کُٹ کُٹ دینا
جے کر ونگ بچاؤن دا فکر ہووے
فیر کسے دے ہتھ کیوں گُٹ دینا
وچّوں بزم دے کدی اٹھائی دا نہیں
باہر کڈھ کے فیر بُلائی دا نہیں
کیویں تیری جدائی وچ رہواں زندہ
جدید پنجابی شاعری
کیویں تیری جدائی وچ رہواں زندہ
اپنی موت لئی زہر گھولنے پئے
جیہڑے ڈکے ہوئے سن نینیں مدتاں دے
تیری یاد والے ہنجوں ڈوہلنے پئے
ہے سی مدتاں قید جو دل اندر
اوس پنجرے دے قفل کھولنے پئے
مطلب دے منشور ہندے نیں
جدید پنجابی شاعری
مطلب دے منشور ہُندے نیں
تاں کانے دستور ہُندے نیں
نا دِسن تے کجھ نئیں دِسدا
سجن اکھ دا نور ہُندے نیں
قاضی جی ایہ بُھکھے ننگے
جُرماں تے مجبور ہُندے نیں
جیہڑیاں لین اڈاریاں نال بازاں
کلاسیکی پنجابی شاعری
جیہڑیاں لین اُڈاریاں نال بازاں
اوہ بُلبلاں تھک مریندیاں نی
اوہناں ہرنیاں دی عمر ہو چکی
پانی شیر دی جوہ دا پیندیاں نی
اوہ واہناں جان کباب ہوئیاں
جیہڑیاں ہیڑیاں نال کھہیندیاں نی
Wednesday, 27 March 2024
سجرے پھل دیاں مہکاں ورگے
جدید پنجابی شاعری
سجرے پُھل دیاں مہکاں ورگے
تیرے بول محبتاں ورگے
کُجھ دل ہیرے، کُجھ دل موتی
کُجھ دل خارے ہنجھواں ورگے
وچھڑ گئیاں جہناں توں رُوحاں
اوہ تن ہو گئے قبراں ورگے
ایسے لئی تے ملک نوں چھڈ کے بیٹھا بار آں
جدید پنجابی مزاحیہ کلام
ایسے لئی تے ملک نوں چھڈ کے بیٹھا بار آں، میں بیمار آں
پانویں اک اینکر دے ہتھوں ہویا خوار آں، میں بیمار آں
جد تک میرے نال دے واپس جاندے نئیں نیں، میں نئیں جانا
اپنے ورگے ہوراں لئی کونجاں دی ڈار آں، میں بیمار آں
طاہر شہیر
جال وی پورا پا پو گئی اے
جدید مزاحیہ پنجابی شاعری
جال وی پورا پا پو گئی اے
انج وی دل تے چھا چھو گئی اے
پیار ادھورا وچ ای چھڈ گئی
پیزے برگر کھا کھو گئی اے
پیار دی پچ تے میچ سی پایا
پچ ای ساری ڈھا ڈھو گئی اے
دل دا درد تے سوز جگر دا اے اشک آلود نگاہاں
جدید پنجابی شاعری
دل دا درد تے سوز جِگر دا اے اشک آلود نگاہاں
ایہہ گوہر نہ وچ دُکاناں، نہ ایہہ وِچ خزانے شاہاں
بڑے نصیب ہوون تد لبھن ایہہ یار سجن دیاں راہاں
اعظم عشق رسولؐ دی نعمت کدوں ملدی اے گمراہاں
اعظم چشتی
مک جاون اے ہوکے ہاوے
جدید پنجابی کلام
مک جاون اے ہوکے ہاوے
سکھ دا ساہ کدی تے آوے
بے دردی دنیا وچ کوئی
کس نوں دل دا حال سناوے
دیس دے بھکے بھانے لوکی
مر جان آٹا ہتھ نہ آوے
تیری یاد دے سنجے شہر وچ میری ذات گلی دا ککھ
جدید پنجابی شاعری
تیری یاد دے سنجے شہر وچ میری ذات گلی دا ککھ
رو رو کے ہون ادھی ہو گئی تیرے نال جو لائی آکھ
اس دنیا دی یاری تو اعتبار کرن تو پہلے سوچ
خود غرضی دی قبراں وچ لوگ رہندے وکھو وکھ
یاراں نال بہاراں قد تک قد تک روپ دے میلے
جتھے قہر تے سورج چمکن او پھینڈے وہ آکھ وچ رکھ
مرد باہجھ مہری پانی باہجھ دھرتی
کلاسیکی پنجابی شاعری
مرد باہجھ مہری، پانی باہجھ دھرتی
عاشق ڈِٹھڑے باہجھ نہ رجدے نیں
لکھ سریں اوّل سوّل آون یار
یاریاں تھوں نہ مُول نہ بھجدے نیں
بِھیڑاں بندیاں انگ وٹا دیندے پردے
عاشقاں دے مرد کجدے نیں
آپاں آپ ای عیب اینہاں دے کجے نیں
جدید پنجابی شاعری
آپاں آپ ای عیب اینہاں دے کجے نیں
تاں تے راکھے گیڈاں وانگوں رجے نیں
جس دی خاطر انکھاں داء تے لا چھڈیاں
بھورا لج نہ پالی اس بے لجے نیں
مڑ مڑ آپ ای چور مسلط کردے رہے
مننا پئے گا ساڈے کم کچجے نیں
Tuesday, 26 March 2024
ساہ ساہ ہجر ہنڈایا جاندا
جدید پنجابی شاعری
ساہ ساہ ہجر ہنڈایا جاندا
فیر کِتے وصل کمایا جاندا
ہُن تے ویکھن جوگا ہویا
ہُن نئیں حال سُنایا جاندا
اوس مینوں اپنا لینا سی
جے کر دُکھ اپنایا جاندا
جیہدی راہواں وچ جاندے سیگے لٹ لٹ
جدید پنجابی انگلش مکس مزاحیہ کلام
جیہدی راہواں وچ جاندے سیگے لِٹ لِٹ
کیتی اوہنے ساڈے نال بڑی بُل شِٹ
ساہنوں سارا سال لٹ پٹ اینڈ تے
کہندی آئی ڈونٹ ایون لائک یو آ لٹل بِٹ
طاہر شہیر
ولیتن آئی کھول کے کنڈا
جدید مزاحیہ پنجابی شاعری
ولیتن آئی کھول کے کُنڈا
پاکستان چوں لبھّن مُنڈا
ہیرے وانگوں سوہنا ہووے
اندروں پانویں پورا غُنڈا
کُڑی دی ماں دا ایوو کہنا
رن مرید ہو کے رہنا
کی چھٹے کوئی کی رولے
جدید پنجابی کلام
کی چھٹے کوئی کی رولے
خالی ہو گئے پیار پڑولے
سدراں دل دیاں دل وچ رہیاں
غرضاں ہر پاسے منہ کھولے
دل دُکھاں نے پتھر کیتا
اکھیاں نے نہ اتھرُو ڈولے
ساڈے ویڑے جوگی آیا بنی مصیبت بھاری اے
جدید پنجابی شاعری
ساڈے ویڑے جوگی آیا بنی مصیبت بھاری اے
پیکے گھر وچ کد تک رہناں آج سسرال تیاری اے
غسل دیو مینوں جوڑا پاؤ، عطر تے کافور لگاؤ
کہنا منو جوگی دا جس ڈولی آن کھلاری اے
جو چاہندا او آپے کردا، نہ کوئی جیندا نہ کوئی مردا
صدقے جائیے اس سوہنے دے جس دی شان نیاری اے
ڈھلک گئی چرخے دی ہتھی کتیا مول نہ جاوے
کلاسیکی پنجابی شاعری
ڈھلک گئی چرخے دی ہتھی، کتیا مول نہ جاوے
تکلے نوں ول پے پے جاندے، کون لوہار سداوے
تکلے دے ول کڈھ لوہارا، تندی ٹٹ ٹٹ جاوے
گھڑی گھڑی ایہہ جھولے کھاندا، چھلی کت بدھ لاہوے
فیتا نہیں جو بیڑی سجناں، بایڑ ہتھ نہ آوے
چمڑیاں اُتے چوپڑ ناہیں، ماہل پئی بڑلاوے
بجهی عشق دی اگ نو واؤ لگی
کلاسیکی پنجابی شاعری
بجهی عشق دی اگ نو واؤ لگی
سماں آیا ہے شوق جگاونے دا
بالناتھ دے ٹلے دا راه پهڑیا
متا جاگیا کن پڑاونے دا
یار ملے تاں شکر بجا لیائیے
کهیا وعده عمر گواونے دا
ہاسہ آوندا اے اوہناں ناداناں تے
جدید پنجابی شاعری
ہاسہ آوندا اے اوہناں ناداناں تے
جہناں دا رب وسدا اے اسماناں تے
ادھے نالوں بوہتا شہر مخالف اے
بس کہیا سی؛ رحم کرو انساناں تے
کیہ کرنا جے جناں جوڑی جاندے او؟
اینا ظلم نہیں چنگا اپنیاں جاناں تے
ایہہ نئیں کہ میں ہر نئیں سکدا
جدید پنجابی شاعری
ایہہ نئیں کہ میں ہر نئیں سکدا
ہر سکناں واں
سو واری میں ہریا وی آں
پر میں اوہ ساں
جنہوں رب دی ذات دے مگروں
مان سی اپنی ہمت دا
Monday, 25 March 2024
جنت وڑساں نہ دوزخ وڑساں
کلاسیکی پنجابی شاعری
جنت وڑساں نہ دوزخ وڑساں
بس یار دے کول فرید کھڑساں
جے یارﷺ فرید ہتھ پکڑ گِھدا
نہ ایتھ اَڑساں، نہ اوتھ اَڑساں
خواجہ غلام فرید کوریجہ
ذرہ ذرہ تنکا تنکا بھر پور حضور دے نوروں
جدید پنجابی شاعری
ذرہ ذرہ تنکا تنکا بھرپور حضورؐ دے نوروں
پتہ پتہ ڈالی ڈالی معمور حضورؐ دے نوروں
سورج چن ستارے سارے پرنور حضورؐ دے نوروں
اعظم کل ہنیرے جگ دے ہووے دور حضورؐ دے نوروں
اعظم چشتی
ہک خواہش وی پوری نہ ہوئی
جدید پنجابی شاعری
ہک خواہش وی پوری نہ ہوئی
باجھوں تیرے دس اسی کی لیندے
ہوندوں نال تے جنگل جنت سی
بن تیرے کیویں جی لیندے
تیری آس تے عمر لنگھا دیندے
پھٹ ہجر دے آپے سی لیندے
علم دا سبق پڑھا دتا ای
جدید پنجابی شاعری
علم دا سبق پڑھا دِتا ای
مسیت چہ فرقہ بنا دتا ای
صدقے تِرے توں شاہ عنایت
تُو بلھے شاہ نچا دتا ای
حیران نے ہیرے لال تے موتی
تو کھوٹہ سکہ چلا دتا ای
ڈاڈھے اگے جھکدے پئے نیں
جدید پنجابی شاعری
ڈاڈھے اگے جُھکدے پئے نیں
آپنے آپ تے تُھکدے پئے نیں
تِیراں دی گل کردے او نا؟
سکیاں ولوں ٹُھکدے پئے نیں
انج کیہ بھارے ہو جاون گے؟
اک دُوجے نوں چُکدے پئے نیں
اساں بسم اللہ نوں پڑھ کے اج کیتی شروع کتاب
جدید پنجابی شاعری
اساں بسم اللہ نوں پڑھ کے اج کیتی شروع کتاب
وِچ موراں دے پر رکھے اساں لائے عطر گلاب
وچ اکھاں غوطہ ماریا تے پکڑی زُلف دی لج
اساں موتی کڈھیا میم دا، اساں کیتا کم شتاب
اساں ورقے تُھلے خیال دے تے کاف اچ ویکھیا نُون
اساں مستی لئی الست دی، اساں پیتی رَج شراب
سارے جگ توں سوہنا پیارا نبی
جدید پنجابی عارفانہ کلام
سارے جگ توں سوہنا پیارا نبیؐ
دو جہان بنائے رب جس دے لئی
اودیاں شاناں سب توں اُچیاں نے
ملی سارے نبیاں دی سروری
مُکھ روشن چن جویں چودھویں دا
سوہنیاں زُلفاں وانگ گھٹا کالی
Saturday, 23 March 2024
ویکھ کے مینوں ہس نہ جاوے
جدید مزاحیہ پنجابی شاعری
ویکھ کے مینوں ہس نہ جاوے
ناگن وانگوں ڈس نہ جاوے
تھوڑا ای اکھ مٹکّا چنگا
پُوری پُوری بس نہ جاوے
تیرے اگے بہہ کے پیتی
چاء مُکی پر چس نہ جاوے
شکر دپہر دی بلدی دھپ وچ وانگ سی ٹھنڈی چھاں (ماں)
جدید پنجابی کلام
ماں
شِکر دپہر دی بلدی دُھپ وچ وانگ سی ٹھنڈی چھاں
دُنیا اُتے رُوپ سی رب دا، کرماں والی سوہنی ماں
ٹُر گئی رب کول چُپ چپیتی دل دی کوئی گل نہ کیتی
کی دساں جو میرے تے بیتی، ہُن کس نوں آکھاں ماں
اودے باج نہ ویڑہا سجدا، دل ایتھے نئیں میرا لگدا
اودیاں تھوڑاں ہر ویلے مینوں کتھے کتھے یاد کراں
میرے ایس غم دا اپا کیوں نئیں کردے
جدید پنجابی مزاحیہ کلام
میرے ایس غم دا اپاء کیوں نئیں کردے
میرا ہن چھیتی نال ویاہ کیوں نئیں کردے
کدی لوکی کہندے سن؛ گھبرو جوان آن
ہن تے خیال کرو میں وی انساں آں
لمیاں کہانیاں چ پے نئیں سکدا
کلیاں جے آکھو وی تے رہ نئیں سکدا
Friday, 22 March 2024
سائیں وے سچی سرتاج دی بنائیں
جدید پنجابی شاعری
سائیں
کوئی علی آکھےکوئی ولی آکھے
کوئی کہے داتا سچے مالکاں نوں
مینوں سمجھ نہ آوے کی نام دیواں
اس گول چکی دیاں چاکاں نوں
روح دا اصل مالک اوہی بنئے
جدا نام لئے تاں سرور ہووے
Thursday, 21 March 2024
جیہڑے عشق دے مچ وچ مچے
جدید پنجابی شاعری
جیہڑے عشق دے مچ وچ مچے
انا پیریں رول کے نچے
رومی جامی بلھا وارث
نگ اکو لڑی دے سُچے
باہو منصور تے میاں محمد
اکو رُکھ دے سارے گُچھے
ساکو ہک ہے تیڈی یار طلب
کلاسیکی پنجابی شاعری
ساکو ہک ہے تیڈی یار طلب
دِل ڈولے کھاوے نال کرب
ہے ہجر دی لمبڑی رات غضب
اتھاں میں مُٹھڑی نِت جان بلب
سوہنا خوش وسدا وِچ مُلک عرب
جِند نال ڈُکھاں دی لانب لگی
مٹی دا سفنا بھر گیا سی
جدید پنجابی شاعری
فیر اِنج ہویا
اوس گھنے جنگل وِچکار
شہزادی نوں کلّھیاں چھڈ کے
شہزادہ وی ٹُر گیا سی
شہزادی دِیاں ہتھاں وِچ
مٹی دا سُفنا بُھر گیا سی
ارشد چہال
ڈبدا سورج تے یاداں جوان ہوونڑ
جدید پنجابی شاعری
ڈُبدا سُورج تے یاداں جوان ہوونڑ
ہوندی اکھیاں چوں جاری برسات ڈاہڈی
منظر وصل دے سامنڑے آجاندے
یاد آندی اے ہر گل بات ڈاہڈی
اگ ہجر دی سینے نوں ساڑدی آ
دیندی غماں دی مینوں سوغات ڈاہڈی
اج نہیں تے کل نوں ستاوے گی
جدید پنجابی شاعری/ گیت
اج نہیں تے کل نوں ستاوے گی
چناں ساڈی یاد بڑی آوے گی
موسماں دی اکھ جدوں کُھلے گی
سِلی سِلی واء جدوں گُھلے گی
اکھ تیری بدو بدی ڈُلھے گی
نیند تیری اُڈ پُڈ جاوے گی
سچ دا دیوا بالی رکھ چانن وی مثالی رکھ
جدید پنجابی شاعری
سچ دا دِیوا بالی رکھ
چانن وی مثالی رکھ
پھل بچانا اوکھا ہوندا
باغے اکو مالی رکھ
اپنے اندروں میں مُکا کے
اپنے آپ نوں عالی رکھ
لگراں پھٹیاں پر نہ ہاسے پھٹے چڑھیا چیتر
جدید پنجابی شاعری
چڑھیا چیتر ۔۔۔۔۔
چڑھیا چیتر لگراں پُھٹیاں پر نہ ہاسے پُھٹے
من دی رُت نوں تن دے سوکے اکھیوں کاسے پُھٹے
بُھکھی رُوح دی کُکھوں وحشی، بھکھے، پیاسے پُھٹے
تاہیوں ساڈے ویہڑے پھٹے جو اکواسے پُھٹے
چڑھیا چیتر ۔۔۔۔۔
چار چفیرے چیتر چڑھیا انگ ترنگاں نال
جدید پنجابی شاعری
چیتر رنگ اوَلّے
چار چفیرے چیتر چڑھیا انگ ترنگاں نال
ساڈے ویہڑے چیتر لَتّھا ھوری رنگاں نال
تھاں تھاں تے ویرانی اُگ پئی
چھتاں اُتّے گھاء دیاں فصلاں کندھاں اُتّے پِپّل
نِیہاں دے وِچ پانی اُگیا پانی دے وچ بُوٹی
نِکّا کمرا مُشک نیں مَلّیا
Wednesday, 20 March 2024
دل نوں سمجھان لئی دلاسے لئی
جدید پنجابی شاعری
دل نوں سمجھان لئی، دلاسے لئی
پیڑ منگی اے کھبے پاسے لئی
میں جے مر وی گیا، تے روویں نہ
میں تے بنیا واں تیرے ہاسے لئی
تجمل کلیم
کل نوں بھل جا اج دی سوچ
جدید پنجابی شاعری
کل نُوں بُھل جا اج دی سوچ
سوچ کوئی تے چج دی سوچ
حق ماڑے دا کھاون والا
لے کے پھردا حج دی سوچ
میں فریاد ای واپس لے لئی
پڑھ بیٹھا ساں جج دی سوچ
گھٹ صبر دا پین نہیں دیندے
جدید پنجابی شاعری
گُھٹ صبر دا پین نہیں دیندے
کُھل کے مینوں جین نہیں دیندے
لُون تے مِرچاں لائی رکھدے
پھٹ ہِجر دے سِین نہیں دیندے
فِرقیاں دے وچ پائی رکھدے
اکو جیہا دِین نہیں دیندے؟
نہ رکھ کے دور جلا مینوں
جدید پنجابی شاعری
نہ رکھ کے دPور جلا مینوں
کر دئیں نہ کدرے سواہ مینوں
تیرے چاہنوڑ والے لکھاں نے
تیری رہندی اے بس چاہ مینوں
پہلاں اپڑیاں راہواں دس کے تے
نہ چھڈیں ادھے راہ مینوں
زندہ رہ کے مر کے ویکھ
جدید پنجابی شاعری
زندہ رہ کے مر کے ویکھ
اللہ، اللہ، کر کے ویکھ
سارے عالم کُھل جانے نے
چُپ دے اندر وڑ کے ویکھ
ساری مُشکل نٹّھے گی
حیدر حیدر کر کے ویکھ
گنگے بولے ساڈے یار
جدید پنجابی شاعری
گُنگے بولے ساڈے یار
ٹوکن گل نُوں ادھ وِچکار
میں تینوں کد واز نہ ماری؟
تُوں میری کد لتی سار؟
میں راوی دا ارلا کنڈھا
تُوں راوی دا پرلا پار
ڈیوے وانگوں بلیاں اکھیں
جدید پنجابی شاعری
ڈِیوے وانگوں بَلیاں اَکھیں
نِیندر جھاڑ کے کھلیاں اکھیں
کیہ لبھا ای ہوش گنوا کے
رکھیں پھرداں تلیاں اکھیں
میں کدھاں نوں لُون چٹایا
میں کدھاں تے مَلیاں اکھیں
دھرتی چوں پانی پھٹیا امبراں وچ ہو گئے چھیک
جدید پنجابی شاعری
ہڑھ ہنجواں دا
دھرتی چوں پانی پُھٹّیا، امبراں وچ ہو گئے چھیک
سانوں دوہاں پاسیاں روڑھیا، اسی کِنّوں آکھیے نیک
بَنّیاں نیں چِیکاں ماریاں، اتے کھال کھلو کے رون
نہراں دے اتھرُو ڈُلھدے ، جد ہاڑے اُچّے ہون
چھتّاں نے بُلکاں کیریاں، پرنالے نیر وہائے
چُلھاں نیں ساہواں ڈکّیاں، تندوری غوطے کھائے
Monday, 18 March 2024
رت بہار نی پھلاں رانی
جدید پنجابی شاعری
پھولاں رانی
رُت بہار نی پُھلاں رانی
خبر نئیں کتھے وسنی اے
اَساں تاں سال چہ ہکّا واری
صورت اپنی دسنی اے
سبز پُشاکاں والی رانی
پُھلاں نا ہاسا ہسنی اے
Sunday, 17 March 2024
اپنے خون کوں تیلی لا کے
پنجابی سرائیکی شاعری
اپنے خون کوں تیلی لا کے
ذہن دی بٹھی گرم کرینداں
سوچ دے بلدے بھانبھڑ دے وچ
روح کوں ساز چھڑینداں
وت کئی شعر لکھینداں
صفدر کربلائی
ڈانگاں پکڑ پکاواں کنکاں
جدید پنجابی شاعری
ڈانگاں پکڑ پکاواں کنکاں
رَت بنیاں تے گڈاں
ہر دم دھپ باہر تھیں وسے
کنک کھڑے ہتھ کڈھاں
علی ارشد میر
فصلاں گڈیاں کھان لئی اندر ناگ پلے
جدید پنجابی شاعری
فصلاں گڈیاں کھان لئی اندر ناگ پلے
اک اک بوٹے موت دے زہری رنگ چڑھے
ننگا پنڈا خلق دا کیہڑا کجے آ
اک اک کر کے ماندری سپاں لئے رلا
ساجد چودھری
مکی رات سویرا ہویا
جدید پنجابی شاعری
مُکّی رات سویرا ہویا
روشن چار چُفیرا ہویا
چاہت ساڈے مَن وچ وَس گئی
نفرت ڈَردی ماری نَس گئی
عادل صدیقی
ہن تیریاں اڈیکاں سانوں رہن سجنا
جدید پنجابی شاعری
ہن تیریاں اڈیکاں سانوں رہن سجنا
تینوں تکے بن آندا نہیں چین سجنا
کانواں مکھ پرتایا توں دی مڑ کے نہ آیا
اسیں بدلاں دے نال ساؤن روندیاں لنگھایا
ہاسے تیرے وانگوں رُس رُس بہن سجنا
تینوں تکے بِن آندا نہیں چین سجنا
فکر دی ہوندی پرواز اچی
کلاسیکی پنجابی ہندکو شاعری
فکر دی ہوندی پرواز اُچی
عقل زیرِ زمین نادان بند اے
کاتب قلم سیں کئی سر قلم کر گئے
شعر وچ شعور دی جان بند اے
موضوع دیوے او کیویں سخن تائیں
گِرد نقطیاں دے نقطہ دان بند اے
Thursday, 14 March 2024
کدے نہ بے وفائی کرئیے
پنجابی پوٹھواری پوٹھوہاری پہاڑی شاعری
کدے نہ بے وفائی کرئیے
تا عمر یاراں وفاداراں دے نال
وفاداراں نال بن کے وفادار رئیے
زندگی گزر جائے لاڈاں پیاراں دے نال
بے شک چمن وچ خزاں دم مار جاوے
ایپر پیار رکھیے گلشنی خاراں دے نال
ایسا ہس گیا ایں ول وچ وس گیا ایں
پنجابی پوٹھواری پوٹھوہاری پہاڑی شاعری
ایسا ہس گیا ایں ول وچ وس گیا ایں
اکو دس گیا ایں کرنا شور باقی
خالی ویکھ تھاواں اُچے شور پاواں
کدھر نس جاواں بِناں گور باقی
ہتھ جوڑ آکھاں واگاں موڑ آکھاں
تیری لوڑ آکھاں اجے ہور باقی
سوکھا سخن نہ آوے زبان اتے
پنجابی پوٹھواری پوٹھوہاری پہاڑی شاعری
سوکھا سخن نہ آوے زبان اُتے
نکلے تپش بن نائیں کلام اندروں
پہنچے اوج پر موجِ دلیل نائیں
جیکر جگر پلاوے نہ جام اندروں
بنڑاں خار ببول ہر بال جدوں
جانڑیں زخم بن سارے مسام اندروں
صاحب حسن دے پیش ہو کے
پنجابی پوٹھواری پوٹھوہاری پہاڑی شاعری
صاحب حسن دے پیش ہو کے
جرأت رہی نہ لب ہلان دی اے
کراں داستان ہجر بیان کیسے
حرکت بند ہو گئی زبان دی اے
دیکھ لا جواب شباب اُس دا
رہی سُرت نہ اکھ چمکان دی اے
فلسفے آپ نیں افکار پر ہوئے صدقے
پنجابی پوٹھواری پوٹھوہاری پہاڑی شاعری
فلسفے آپ نیں افکار پر ہوئے صدقے
منطق دنداں ہیٹھ دئی زبان رئی گے
صرف و نحو نی جیوے کی پے جندرے
فکر فن نیں پلے ارمان رئی گے
مننڑ آلے خداں کی بول اٹھے
تکیوں تساں کی ساہڑے ایمان رئی گے
خم تقدیر دے وچ اینویں جیویں یار دیاں پیچدار زلفاں
پنجابی پوٹھواری پوٹھوہاری پہاڑی شاعری
خم تقدیر دے وچ اینویں
جیویں یار دیاں پیچدار زلفاں
کیتے جتن سنواراں پر وانگ قسمت
الجھ جاندیاں نے بار بار زلفاں
ہتھو ہتھ دل لے گٸیاں کی دسساں
چنچل شوخ اداواں ڈنگ مار زلفاں
دسنی کولی پَٹ اے بیبا دنیا کھوہری کھٹ
پنجابی پوٹھواری پوٹھوہاری پہاڑی شاعری
دِسنی کُولی پَٹ اے بیبا
دنیا کھوہری کھٹ اے بیبا
موسم اکھیاں کڈّن مِکّی
اُلجھی تہاڑی لَٹ اے بیبا
اُدھروں کیوں نہھ نیڑے پینڑاں
جدروں پینڈا کہھٹ اے بیبا
Tuesday, 12 March 2024
ہر شے مہنگی وچ بزار لٹے جاون روزے دار
جدید پنجابی شاعری
ہر شے مہنگی وچ بزار
لٹے جاون روزے دار
کوئی نہ دِسے پُچھن والا
ازلوں ستی اے سرکار
طاہر وزیرآبادی
جے موئیاں ہے ماں دے نال اٹھنا
جدید پنجابی شاعری
جے موئیاں ہے ماں دے نال اٹھنا
جیوندے کیوں نہ ماں دے نال رہیے
سانجھی ماں اے دیس دے پتراں دی
ایہدے باغیاں نال نہ کیوں کھیئے
استاد دامن
مرن تو ڈردے او بادشاہو
جدید پنجابی شاعری
مرن تو ڈردے او بادشاہو
کمال کردے او بادشاہو
کسے نوں مارن دا سوچدے او
کسے تے مردے او بادشاہو
میں کھلاڑی کمال دا ہاں
یا آپ ہردے او بادشاہو
میرے صاحبا روشن ضمیر ہیں توں
جدید پنجابی شاعری
سخی شاہ معروف سلطان عالم
فلک فقر دا بدر منیر ہیں توں
اس تهیں ودھ کے ہور کی شان ہووے
نوشہ پیر دے پیر دا پیر ہیں توں
جهولی اڈ کے کهلی دربار تیرے
میں کنگال منگتی تے امیر ہیں توں
الف اول دے روز میثاق والے
کلاسیکی پنجابی شاعری
الف اول دے روز میثاق والے
پیدا کیتا ای کن دا فرمان کہہ کے
دتا ملکاں نوں حکم سجود والا
میرا آدم خلیفہ انسان کہہ کے
کیتی دیر نہ فوراً ملک بولے
سبحان اللہ واہ مہربان کہہ کے
نبی علی تائیں اپنی جان کہیا
جدید پنجابی شاعری
نبیؐ علیؑ تائیں اپنی جان کہیا
نبیؐ علیؑ نوں کہیا بھرا اپنا
نبیؐ علیؑ نوں پال کے گود اندر
مُڑ کے لیا داماد بنا اپنا
دشمن علیؑ دا میرا وی ہے دشمن
دِتا فیصلہ نبیؐ سنا اپنا
Saturday, 9 March 2024
اگ وچ تاری لا کے انجم کی کھٹیا
جدید پنجابی شاعری
اَگ وچ تاری لا کے انجم کی کھٹیا؟
سَپّاں دُدھ پِوا کے انجم کی کھٹیا؟
چنگا سی جے اِکو تھاں تے بہہ جاندی
اوہدے در تے جا کے انجم کی کھٹیا؟
کوئی وی سُندا نئیں اے تیری گلاں نوں
چیخ چِہاڑا پا کے انجم کی کھٹیا؟
نہ پچھو تسی حال فقیراں دا
جدید پنجابی شاعری
نہ پچھو تسی حال فقیراں دا
اسی مانیا ویلا پیڑاں دا
پت جھڑ وی آخر مُک جانا
نہیں مُکنا کھیڈ لکیراں دا
ساحل اعوان
تیریاں ایہناں اکھاں یار
جدید پنجابی شاعری
تیریاں ایہناں اکھاں یار
پھٹر کیتے لکھاں یار
نکی جہی تے دنیا اے
تینوں کتھے رکھاں یار
صابر علی صابر
سانوں کوئی شکست نئیں دے سکدا
جدید پنجابی شاعری
سانوں کوئی شکست نئیں دے سکدا
بھانویں کوئی کڈا دم خم نکلے
استاد دامن دے گھر ویکھیا جے
دو ریوالور تے تِن دستی بم نکلے
استاد دامن
انھیاں دا ہر شہر تے سُتیاں مریاں دی ہر وستی
جدید پنجابی شاعری
انھیاں دا ہر شہر تے سُتیاں مریاں دی ہر وستی
ساڑ فقیرا سچ بولن توں ڈریاں دی ہر وستی
کئی ورہیا توں ویکھ رہیا واں ہور دا ہور تماشا
کھوٹے رل کے لُٹدے پئے نیں کھریاں دی ہر وستی
کوہ دیندی اے کئی نسلاں نوں انھے کھوہ وچ سُٹ کے
ذہناں دے وچ گند تے توڑی بھریاں دی ہر وستی
دور کر منہ توں محبوب زلفاں
کلاسیکی پنجابی ہندکو شاعری
دُور کر منہ توں محبوب زلفاں
ختم رات ہووے آفتاب نکلے
صدقہ حسن جوانی دا کھول اکھیاں
بند بوتلاں وچوں شراب نکلے
دیکھے حسن گر تیرے دو عارضاں دا
فیر ممکن نہیں مہتاب نکلے
وسدی دنیا اجاڑ میری
جدید پنجابی شاعری
وسدی دُنیا اُجاڑ میری
آپوں عیش آرام وچ وسناں ایں
نال دغے فریب دے دل لے کے
ہونڑ کیوں مُنہ چُھپانڑاں تے نسناں ایں
عرضاں کیتیاں نالے ہزار ترلے
بھیت دل دے مُول نہ دسناں ایں
مار ٹکراں چور ضرور ہونا
جدید پنجابی شاعری
مار ٹکراں چُور ضرور ہونا
سِراں نیویاں اچیاں دراں دے نال
شمع ویکھ پتنگ ناں پِچھاں پرتن
کی کم بے گھراں دا گھراں دے نال
اوہ کد عشق شطرنج دی چال جانن
جہڑے کھیڈدے دولتاں زراں دے نال
صدق نال ہر چیز خدا توں منگ
کلاسیکی پنجابی ہندکو شاعری
صِدق نال ہر چیز خدا توں منگ
کسے غیر دے در تے سوال نہ کر
لالچ حِرص دے مغر پہ کے
گُنہ گار بنڑنیں دا خیال نہ کر
اک اک ساہ حیاتی دا قیمتی اے
اس نوں غلط جا کے استعمال نہ کر
کسے دا یار نہ وچھڑے
پنجابی گیت
کسے دا یار نا وچھڑے
ایس توں ڈاڈھا دُکھ نہ کوئی، پیار نہ وچھڑے
کسے دا یار نہ وچھڑے
روگ ہجر دا مار مُکاوے
سُکھ دا کوئی ساہ نہ آوے
دُکھ لاندے نیں دِل وچ ڈیرے
Thursday, 7 March 2024
اوہ وی خوب زمانے سن
جدید پنجابی شاعری
اوہ وی خوب زمانے سن
اوہ وی خوب زمانے سن
لِکھنا چاؤندے
لِکھ لیندے ساں
لِکھ کے فیر چُھپا لیندے ساں
نہیں چُھپدا سی
گا لیندے ساں
ہن اوپرے اوپرے لگنے آں
جدید پنجابی شاعری
ہُن اوپرے اوپرے لگنے آں
نہ اک دُوجے نُوں سدنے آں
انج دو اناواں جِت گئیاں
ساڈے پیار نوں دندیں چِتھ گئیاں
قیصر محمود گورائیہ
جدوں وی پیسے تھوڑے پے گئے
جدید پنجابی شاعری
جدوں وی پیسے تھوڑے پے گئے
یاراں وچ وچھوڑے پے گئے
منزل ہور وی اوکھی ہو گئی
راہواں دے وچ روڑے پے گئے
حق منگن تے میں کی میرے
گھوڑے نوں وی کوڑے پے گئے
کلا ہالی کلا ہندہ اے
جدید پنجابی شاعری
کّلا ہالی کّلا ہُندہ اے
سیں سوہاگہ کردے کردے
وِچے ڈیگر جاندی ہو
کسے دا وتّر سُک نہیں سکدا
جُپ جاون جے جوگاں دو
خلیل اوجلہ
دور انھیرا ہو کے رہنا
جدید پنجابی شاعری
دُور انھیرا ہو کے رہنا
اَج سویرا ہو کے رہنا
جہڑا تیرا حق سی بَنڑدا
ہُن اوہ تیرا ہو کے رہنا
ساڈے ہتھوں بُت ظُلماں دے
بیرا بیرا ہو کے رہنا
ساڈے بوہے اَگے وی برات آن والی اے
جدید پنجابی شاعری
ما ایہو دن ساڈے ساہنوں کھیڈ لَین دے
خورے کدوں رُس جانے سَمے سُکھ چین دے
چیت دے مہینے دی بہار نہیوں لبھنی
مر جانی چھیتی ساڈی گُت والی سَپنی
کوکلا چھپاکی جمعرات آن والی اے
ساڈے بُوہے اَگے وی برات آن والی اے
ایس عمرے وی چن ویکھن دا چا نئیں لتھا
جدید پنجابی شاعری
ایس عمرے وی
چن ویکھن دا چا نئیں لتھا
ایس عمرے وی تارے گِنن توں
ویہل نئیں مِلدی
پچھلی رات دی گِنتی مینوں
اگلی راتی
بُھل جاندی اے
Tuesday, 5 March 2024
مترئیا پتر میں چوہڑا بھنگی پلیت
جدید پنجابی شاعری
مترئیا پتر
میں چوہڑا، بھنگی، پلیت
سکیاں توں وی پہلوں جمیا دھرتی دا مترئیا پتر
نکے ہوندیاں سکول دے نلکے توں پانی پیتا سی
شکایت لگی تے میرے حصے دو چپیڑاں آئیاں
اوسے دن توں ڈر میرے اندر چوکڑی مار کے بہہ گیا
گرمیاں چ تریہہ نوں گُھٹ لینا واں
دیکھ لے نبض حکیم میری
پنجابی پوٹھواری پوٹھوہاری پہاڑی شاعری
دیکھ لے نبض حکیم میری
نیم جان تے روح بے قرار کیوں ہے
کیوں عقل اج دے جواب بیٹھی
نازک چشم وچ دھند غبار کیوں ہے
کیوں ہفت اندام نئیں خیال کردی
جسم برف وانگوں ٹھنڈا ٹھار کیوں ہے
اچانک بہار تے خزاں آ گئی
پنجابی پوٹھواری پوٹھوہاری پہاڑی شاعری
اچانک بہار تے خزاں آ گئی
میرے چمن دیاں کلیاں مرجائیاں ہوئیاں
ماتم بُلبُلاں کردیاں گُلاں اُتے
ہر شاخ تے زردیاں چهائیاں ہویاں
ہر پاسے ویرانیاں دِس رہیاں
ظلم و ستم دیاں آندئیاں آیاں ہویاں
ہاں خاکی تے خاک وچ گم ہستی
پنجابی پوٹھواری پوٹھوہاری پہاڑی شاعری
ہاں خاکی تے خاک وچ گم ہستی
روح خاک وچ خاطر فیکون پھرناں
دتا نفی خمار نہ ہوش مینوں
باغی ہوش تھیں میرا مضمون پھرناں
اُچا فلسفہ منطق تصوراں تھیں
میرے فکر نوں لے کے جنون پھرناں
صدیاں توں سی انتظار جس دا
پنجابی پوٹھواری پوٹھوہاری پہاڑی شاعری
صدیاں توں سی انتظار جس دا
چشم دھر سی گریہ کناں جس لئ
لکھاں چمکدے سورج غروب ہوئے سن
رستے ویکھدا سی آسمان جس لئ
قمر مدتاں توں سی دلفگار جس دا
بنایا خدا نے ایہ جہان جس لئ
تارا صبح صادق نمودار ہویا
پنجابی پوٹھواری پوٹھوہاری پہاڑی شاعری
تارا صبح صادق نمودار ہویا
قمری گیت پریت دے گاندی رہ گئی
اُدھر مرغ نے سحر ازان دتی
اِدھر باد صبا اٹھلاندی رہ گئی
غنچے منتظر رے موج وصل گل دے
شبنم گلاں تے قبضے جماندی رہ گئی
لٹک آگاہی نیاں سولیاں نی
پنجابی پوٹھواری پوٹھوہاری پہاڑی شاعری
لٹک آگاہی نیاں سولیاں نی
نہ ایہ ارم فردوس سکون نی جوہ
اتھے عقلاں جنون نیں پہھرنڑ پانڑیں
لیلیٰ عشق نیں حسن مکنون نی جوہ
کنیں کوکنڑیں کن نی بانگ اپر
پھٹنیں قلم نوکوں فیکون نی جوہ
خیال وی آوے تے پاپ سمجھاں
پنجابی پوٹھواری پوٹھوہاری پہاڑی شاعری
خیال وی آوے تے پاپ سمجھاں
کتھے زمیں تے اوہ آسمان کتھے
کتھے میرے شکستہ جٸے چار مصرعے
اوہدی حکمت دا بھریا دیوان کتھے
فعل فعلن فعول فعول فعلن
اوہدی بحر تے میرے اوزان کتھے
Sunday, 3 March 2024
کیتا عشق نیں لیر و لیر
جدید پنجابی شاعری
کیتا عشق نیں لِیرو لِیر
میں پِھردی آں وانگ فقیر
ما پے جد وی آندے یاد
ھوون اکھیاں نِیر و نِیر
تُوں ای دل وچ وسناں ایں
جے تکناں ای ایہنوں چِیر
راتیں یار پرانا ملیا نویاں گلاں والا
جدید پنجابی شاعری
راتیں یار پرانا ملیا نویاں گلاں والا
روہڑ وگایا، توڑ اڈایا، ایہہ دل سلاں والا
سلی نوں سل گیا، کر گل گیا کچھ کائی
چنگا بولیا، پورا تولیا فرق نہ رکھیا رائی
مولوی غلام رسول گجر عالم پوری
پربتوں لہندی ندی موڑاں تے چکرائے جویں
جدید پنجابی شاعری
پربتوں لہندی ندی موڑاں تے چکرائے جویں
پتھراں دے نال پانی ٹھوکراں کھائے جویں
جگ دے وچ آ کے انجے مار کھادی اے فقیر
اوپری تھاں کوئی اوبھڑ مار کھا جائے جویں
ڈاکٹر فقیر محمد فقیر
جگنو تارا نہ کوئی یارا اتھاں ڈیوا بلدے
پنجابی سرائیکی شاعری
جگنو تارا نہ کوئی یارا اتھاں ڈیوا بلدے
ویلھا گیا ول نئیں ولدا او ول کڈاں ولدے
بیا رب توں کجھ نائیں منگدے ڈھیر دا جوفہ کائنی
ساکوں تاں بس چایہدے ہوندن پنج ست شعر غزل دے
آ ہنڑ اساں اپنڑے پیار دی پریم کہانی لکھوں
سنڑ سنڑ صدیاں گزر گیاں ہن قصے خان پنل دے
اشرف رافت
تونڑیں جو ہیں بے ننگ تے بے نام اساں لوک
پنجابی سرائیکی شاعری
تونڑیں جو ہیں بے ننگ تے بے نام اساں لوک
دُنیا تے محبت دا ہیں پیغام اساں لوک
پتھریں کُوں سِکھایا اساں اندازِ تکلم
یاریں دے اگوں اج وی ہیں گُنگدام اساں لوک
یوسف نِسے ہر شخص خریدنڑ کوں نہ اُلرے
وِکدے ہیں تاں وِک ویندے ہیں بے دام اساں لوک
سرور کربلائی
کنج دل دے زخم وکھاواں
جدید پنجابی شاعری
کنج دل دے زخم وکھاواں
میں اندروں مُکدی جاواں
میں بُوہے کھول کھلوواں
میں اندریں وڑ وڑ روواں
اکھیاں نُوں حِیلے لاواں
میں اندروں مُکدی جاواں
نوید شہزاد
میں ول ویکھ کے دس ہاں مینوں
جدید پنجابی شاعری
میں ول ویکھ کے دس ہاں مینوں
میں تیرے لئی کی نئیں کیتا
کیڑھی گل نئیں منی تیری
کیڑھی گل تے جی نئیں کیتا
پُتراں کیتے بے گھر مینوں
بے گھر مینوں دِھی نئیں کیتا
جدوں درد ہووے اودوں ہسیئے جی
جدید پنجابی شاعری
ایہو لُطف محبتاں دے و کھرے نے
جدوں درد ہووے اودوں ہسیئے جی
کدے ہتھاں نُوں کھول کے خیر منگیئے
کدے کھیساں ءچ مُٹھیاں نُوں کسیئے جی
کدے پتیاں آگے گائیئے نظم ساری
کدے آپے نُوں وی نا دُکھ دسیئے جی
Saturday, 2 March 2024
اوچ نیچ پھر کیوں اے جیکر سبھ دا دیون ہار اے اکو
جدید پنجابی شاعری
اوچ نیچ پھر کیوں اے جیکر، سبھ دا دیون ہار اے اکو
داتا دا دربار اے اکو،.. اوہ سچی سرکار اے اکو
اک نوں لگے ہاسیاں ورگی، اک نوں ہاواں ورگی لگے
دل دا موسم اپنا اپنا، گھنگھروں دی چھنکار اے اکو
اس دے پیار دی تانگھ نے میتھوں، پیارکرایا ہر بندے نوں
ونڈ چھڈیا جس نوں ناواں وچ، جےسوچو تاں پیار اے اکو
ہجر مرض تصور تریاق برکھا
جدید پنجابی شاعری
ہجر مرض، تصور تریاق برکھا
جہیڑا کھاونا سا زہر کھائی سٹیا
کملی، کملی کی کری جو چھام دیسی
بُوٹا اوہ پیار ناں لائی سٹیا
بُوہا گور نمانی ناں کھول سجناں
مندر مُورتاں ناں دلوں ٹہائی سٹیا
سورج جدوں وی فلک تے چمکدا اے
جدید پنجابی شاعری
سورج جدوں وی فلک تے چمکدا اے
لگدا آقاﷺ دے پیر دی تلی ورگا
میں تے ایس نتیجے تے پہنچیا واں
عرش لگدا مدینے دی گلی ورگا
جس دے شہر مبارک دا ہر کنکر
لگدا سونے تے ہیرے دی ڈلی ورگا
لے جا غم سمیٹ کے نال اپنے
جدید پنجابی شاعری
لے جا غم سمیٹ کے نال اپنے
متے خوشیاں بھریا اگلا سال آوے
اپنے من دی ہر کوئی مراد پاوے
پیش کسے نوں نہ رنج وملال آوے
ظلمت نفرت حقارت دی مٹ جاوے
شمع امن محبت دی بال آوے
جنہاں دے وچھڑ دلدار جاندے
جدید پنجابی شاعری
جنہاں دے وچھڑ دلدار جاندے
انہاں کس طرح صبر و قرار آوے
مرض ہجر دی پاوے شفا نائیں
عیسیٰ لتھ فلکوں دوجی وار آوے
رو رو بستر مرگ تے کہن عاشق
پیش کسے دے نہ ایہہ آزار آوے
ادیب لاچارگی ظاہر کردے
کلاسیکی پنجابی ہندکو شاعری
ادیب لاچارگی ظاہر کردے
اسمِ حق نوں کرن بیان مشکل
مجلس وچ شعراء بھی لرز کہندے
اتھے کھولنے قلم دیوان مشکل
صاحب ذکر اذکار نوں چھوڑ کے تے
ساکت ہوئے وچ راہ آسان مشکل
مونجھ اے ڑی مونجھ اے
جدید پنجابی سرائیکی شاعری
مُونجھ اے ڑی مُونجھ اے
بِرہا دی کُونج اے
پلکیں تے لتھی اے
ساہ متوں ساہ اے
اک دی کپاہ اے
چرخے چا کتی اے
دیوے نوں پھوکاں ماریاں کیتا انھیر میں
جدید پنجابی شاعری
دِیوے نُوں پُھوکاں ماریاں کِیتا انھیر میں
حیرت اے رب توں آپ ہُن منگاں سویر میں
اگلے ورھے اناواں گا پِیڑاں دی شال نُوں
حالی تے رکھ رہیا واں کجھ ٹیساں اٹیر میں
جناں انھیر ایدکیں وستی چ پے گیا
پہلاں کدی نہیں ویکھیا ایناں انھیر میں
Subscribe to:
Posts (Atom)