آئے سن جو ہاسا کر کے
ٹُر گئے ہور اداسا کر کے
ٹِھلنی پئے گئی اکھ بگانی
دل سدا دیوداسا کر کے
آہمو ساہمنے جوگ نہیں ساں
لنگھنا سی کیوںن پاسا کر کے
پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
Friday, 31 March 2023
جے نفرت کرن تے رج کے
جے نفرت کرن تے رج کے
مُڑ پیار کرن سج دھج کے
میرے دیس پنجاب دے جی دار
ہر کم کردے گج وج کے
اشرف مخلص
بلبلے نی بلبلے نہ گیت گا
بلبلے نی بلبلے نہ گیت گا
ایدکی نئیں پُھل کھِڑے نہ گیت گا
ویکھ سانوں لُٹ لیا تقدیر نیں
ویکھ ساڈے سامنے نہ گیت گا
ریجھ نوں اج وین کرنے پے گئے
روکدا ساں پاغلے نہ گیت گا
اکرام ریحان
ایہ نہ سمجھو دل دتا اے
ایہ نہ سمجھو دل دِتا اے
زیور ویچ کے بِل دتا اے
تبدیلی دا تِھندا سالن
اُتوں پانی چِل دتا اے
پی ڈی ایم دا کُھنڈا چاقو
ساڈا تَن من چِھل دتا اے
سوچاں تے اج پہرا تیرا وچ دلیلاں آس
بن باس
سوچاں تے اج پہرا تیرا
وچ دلیلاں آس
ڈالی ڈالی پنگریا جاپیں
خوشبو تیری باس
جوبن چڑھدے کلیاں چٹکن
چھو ہو تیری خاص
جواب دیون دی تھاں تے اگوں سوال کر کے
جواب دیون دی تھاں تے اگوں سوال کر کے
اوہ اپنے ولوں وکھا ریہا سی کمال کر کے
اوہ حال نیں کہ گلی چ کتا نہ نظر آوندا
حرام شے جے حلال ہندی حلال کر کے
ایہہ زندگی نوں پتہ اے سارا تونہہ زندگی ایں
میں جی ریہا واں تے صرف تیرا خیال کر کے
شرک شریکا دونویں بھیڑے شرک توں رب بچائے
عارفانہ کلام
شرک شریکا دونویں بھیڑے شِرک توں رب بچائے
شِرک کراں تے لبھے دوزخ شریکا مار مکائے
جس نوں ہیں وڈئیاں سبھے او جس نوں وڈیائے
وچ قرآن دے صفت رسولؐ دی خود رب تعالیٰ فرمائے
اکمل، اجمل، یاسین، مدثر کہہ کہہ پیا بلائے
ہر حافظ تے قاری جس نوں پڑھ پڑھ پیا سنائے
Thursday, 30 March 2023
من پیڑ پرانی رکھی اے
من پیڑ پرانی رکھی اے
اسیں زہر دی لذت چکھی اے
سب سدھراں کھلاں ہویاں نیں
انج سوچ دی بھٹھی بھکھی اے
اسیں ہنجواں دی برسات دے وچ
نت نیندر گہنے رکھی اے
تیری خوشبو ہے کل کائنات اندر
تیری خوشبو ہے کل کائنات اندر
چمن چمن رنگ تیرا ہر کلی وچ ہے
تیرے ناں دے نال قائم کائنات دے ساہ
جنت ناں جس دا تیری گلی وچ ہے
لبھدا جو کجھ ہے تیرے دواریوں بس
تک غوث ابدال تے ہر ولی وچ ہے
واجد اقبال حقیر
شور میرا سنے کوئی نہ ہی
شور میرا سنے کوئی نہ ہی
اسی پا کے ایویں پیار پھس گئے
دانے خال بدلے مرغ دل ہوری
دام زلف دے عین وچکار پھس گئے
جان بوجھ کے تے کیسی بھل ہو گئی
سمجھ والے ساں بڑے ہوشیار پھس گئے
بھانویں ایدھر لکھ دلیلاں ہون گیاں
بھانویں ایدھر لکھ دلیلاں ہون گیاں
اودھر وی دو چار تاویلاں ہون گیاں
اوہدے بارے کجھ وی بولن توں پہلاں
کھل کے گلاں نال وکیلاں ہون گیاں
میں تے اوسے کھوہ توں جا کے پیناں اے
راہ وچ بھانویں لکھ سبیلاں ہون گیاں
تیرے ہتھ جادو دی لکڑی جہنوں لگے جی پیندا اے
دوجا جادوگر
تیرے ہتھ جادو دی لکڑی
جہنوں لگے جی پیندا اے
پتھر ہویا گھنگر ہویا
اٹھ بہندا اے ٹُر پیندا اے
پچھلی رات دی ٹھنڈی لو وچ
رات دی رانی دے مہکار اے
توں ایہہ نہ سمجھیں میں دے ریا واں بیان خالی
توں ایہہ نہ سمجھیں میں دے ریا واں بیان خالی
تیرے محلے چوں کر دیاں گا مکان خالی
جس چُکی اے جا کے روڑی توں لاش دھی دی
تسی تے سُنیا اے فوتگی دا اعلان خالی
مٹھائی والی دکان تیری کدے نئیں چلنی
مٹھاس توں جے رہوے گی تیری زبان خالی
کیویں کراں میں صفت محمد دی
عارفانہ کلام
کیویں کراں میں صفت محمدﷺ دی منہ چھوٹا ذات اچیری اے
جدوں لواں میں نام محمدﷺ دا، مینوں آندی فیر دلیری اے
کیہہ دساں شان محمدﷺ دی اوہدی سب توں شان ودھیری اے
کر تسبیح نام محمدﷺ دی، گل چنگی ایس توں کیہڑی اے
او جگ لئی بدلی رحمت دی، چھاں جس دی بہت گھنیری اے
میری روح آقاؐ دیاں گلیاں وچ، لاندی ہر ویلے ہن پھیری اے
Wednesday, 29 March 2023
ہتھ بدھے تے پیر کھبے نیں
اسیں کِتھے کھلوتے آں
ہتھ بَدھے تے پیر کُھبے نیں
اسیں کِتھے کھلوتے آں
ساڈے پیر کِتھے نیں
پرائے پیراں تے کھلوتے پیر
پِنیاں تیکر لہو چ ڈُبے
جیہنوں دل توں وکھ نہیں کیتا
جیہنوں دل توں وکھ نہیں کیتا
اوہ وی کہندا اے ککھ نہیں کیتا
میرے کول وی صِفراں ہے سن
پر میں سو نوں لَکھ نہیں کیتا
حنیف صوفی
کرنا سی جو کردا ای نئیں
کرنا سی جو کردا ای نئیں
رب توں بالکل ڈردا ای نئیں
موت تے آخر آؤناں اے اک دن
اوہدی فکر توں کردا ای نئیں
اشرف مخلص
گھیرے کفاراں دے وچ کہلی
گھیرے کفاراں دے وچ کہلی
سر بلند کر گئی ایں ہمشیر ہو کے
اللہ اکبر گونجی صدا تیری
ڈِگے کفر ارادے تعمیر ہو کے
بے بسی وچ جگر دا خون ساڈا
پیا چووندا اکھیوں نیر ہو کے
ضرب کاری لگی عشق والی
ضرب کاری لگی عشق والی
کِیتا شیریں فرہاد نوں پار اکھیاں
پچھے لیلیٰ دے قیس نوں خوب یارو
کِیتا جنگلاں وچ خوار اکھیاں
چین آوندا نئیں رانجھے یار باہجوں
رون ہیر دیاں زار و زار اکھیاں
چاہ پیتی اخبار پڑھی اے
چاہ پیتی اخبار پڑھی اے
دنیا بہہ کے کار پڑھی اے
تیرا لِکھیا پڑھن توں پہلاں
بسم اللہ سو وار پڑھی اے
گھر دی ہر دیوار تے دُکھ اے
گھر دی ہر دیوار پڑھی اے
شیشے ساہویں دکھ روندے نیں
شیشے ساہویں دُکھ روندے نیں
رُوپ گوا کے مُکھ روندے نیں
ساوی رُت ایویں نہیں آندی
پیلی رُتے رُکھ روندے نیں
ایہہ جے وی فنکار نیں ایتھے
فن دے وچ وی بُھکھ روندے نیں
جسدے مونہوں سن گوہرِ نایاب ڈگدے
باوا جمیل قلندر ہوراں دے ناں
جس دے مونہوں سن گوہرِ نایاب ڈگدے
جس دے دست سن ید بیضا ادبوں
ماندے مرض عروض دے کہن شغفوں
اساں پائی اے کامل شفا ادبوں
گلشن ادب دا خزاں مثال ہیسی
آیا جھونکا بہاری صبا ادبوں
Tuesday, 28 March 2023
مائے نی میرا داج وٹا دے
مائے نی میرا داج وٹا دے
سُولاں والا جُثہ لے کے سُکھاں والی چادر پا دے
مائے نی میرا داج وٹا دے
کنڈیاں بھریا تکیہ میرا نیندر کیویں آوے
اتھرُو گہنے واپس لے جا سُفنے ہُن پرتا دے
مائے نی میرا داج وٹا دے
جہیڑیاں اچی تھاویں تے پھڑیاں نئیں بچیاں
جہیڑیاں اُچی تھاویں تے پھڑیاں نئیں بچیاں
جہیڑیاں اپنے آپ تے تڑیاں نئیں بچیاں
ایہہ تے ٹھیک اے کلیاں شان بہاراں دی
جیہڑیاں اگل وانڈی کھڑیاں نئیں بچیاں
غرضاں دے لئی زہراں دیتیاں دھرتی نوں
فصلاں بچ گئیاں نے، چڑیاں نئیں بچیاں
مرنا حق دی راہ تحریر ازلی
مرنا حق دی راہ تحریر ازلی
واری اپنی جو وی جا رہیا
آن جان تیرا اسدے حکم اندر
ہر کوئی اپنے حصے دا کھا رہیا
دنیا فانی وچ کسے دا کچھ وی نہی
نہ کوئی بہن تے ناہیں بھرا رہیا
قول جھوٹے تیرے جھوٹیاں آوے
قول جھوٹے تیرے جھوٹیاں آوے
لعنت پئی اے تیرے اقرار آتے
ساری عمر وی نہ کامیاب ہوسی
بیھٹا رہے جو تیرے اعتبار آتے
جیڑا تیرے بھروسے تے رہوے مویا
لکھاں لعنتاں ایسے پیار آتے
بائی کروڑ ایہہ کھوتے گھوڑے
بائی کروڑ
بائی کروڑ ایہہ کھوتے گھوڑے
پھک لئی لڑدے ماں کے بوڑے
درد ایہناں دے جان دا کوئی نئیں
کیہ نیں خود پہچان دا کوئی نئیں
ہر اک کم ایہناں توں لے کے
رات دِنے ایہناں تے بہہ کے
دنیا دی ہر ماں ہے سوہنی
دنیا دی ہر ماں ہے سوہنی
ہیر توں پیاری ماں من موہنی
رانجھے کھیڑے کیدو بچے
سب دے ماں نال رشتے سچے
رب دا اک اوتار ہے ماں
سب نال کردی پیار ہے ماں
Monday, 27 March 2023
نہ کوئی یاد سی نہ کوئی غم سی
نہ کوئی یاد سی
نہ کوئی یاد سی
نہ کوئی غم سی
نہ کوئی دُکھ تے پچھتاوا سی
فیر وی نیندر دور سی میتھوں
خورے ان جانے ان چاہے
جگ دے سب رشتے نیں
جگ دے سب رشتے نیں
جھوٹے فانی ایہہ جہان
مٹی دا اک بت گھڑیا سی
جیہدا ناں رکھیا انسان
عاصم بخاری
اکھیاں بھر بھر ڈوھلن بوکے
سجری پیڑ
اکھیاں بھر بھر ڈوھلن بوکے
ساہواں دی تھاں نکلن ہوکے
کوئی تے ساہنوں گل نال لاوے
کوئی تے جاندی واری روکے
اشرف مخلص
ج جیل دا یارو میں حال دساں
ج جیل دا یارو میں حال دساں
گَلؤں ننگے تو تے لک لنگوٹیاں نیں
اَن ملدا بڑے بُرے حال دا جے
ہتھ دیندے اوہ دال تے روٹیاں نیں
اتے چاں دا ماریا دا کمبل دیندے
جُوآں کِچھ کِچھ کھاندیاں بوٹیاں نیں
پہل جاوندے راوی چناب نیلم
پُہل جاوندے راوی چناب نیلم
نہر اکھاں دے پانی دی نہی پُہلدی
موج مستیاں اندر جو گزردی اے
جھلک عمر ایانی دی نہی پہلدی
وچھڑ جاوندی جیڑی اڈار وچوں
کُوک کُونج کُرلانی دی نہی پہلدی
ساڈے لئی تے یار زمانے اوہو ای نیں
ساڈے لئی تے یار زمانے اوہو ای نیں
اج وی اوہدے کول بہانے اوہو ای نیں
لوکی مالک بن گئے شیش محلاں دے
ساہڈی کُلی اتے کانے اوہو ای نیں
جیہڑے ازلوں سر نذرانے دیندے رئے
اج وی بندے بُھکھن بھانے اوہو ای نیں
چندری ایہہ ونڈ دیاں دساں کیہ کہانیاں
چندری ایہہ ونڈ دیاں دساں کیہ کہانیاں
ویہہ گئیاں سی لت پت لاشاں وچ پانیاں
انبراں دے نیناں وچوں لہو ڈُلھ پیا سی
اساں اک دُوجے دیاں وڈھیاں زنانیاں
چھویاں دے وج وج مونہہ مُڑ گئے سن
جھٹ وچ ہو گئیاں سی چھویاں پرانیاں
Sunday, 26 March 2023
ساری رات جو اتھرو کیرے نیں دس شاد توں کیہ بنایا ای
ساری رات جو اتھرو کیرے نیں دس شاد توں کیہ بنایا ای
نہ توں اوہدے کول جا سکیوں نہ اوہ تیرے کول ای آیا ای
اوہدی جان کے بے پرواہی نوں توں فیر وی آساں لا دتیاں
رات اکھیاں دے وچ کڈھ دتی دس ہتھ تیرے کیہ آیا ای
ایس عشق دی سُول کولی اے نہ ایہہ نکلے نہ چین آوے
ایس پیڑ پواڑے پائے نیں ایہنے انگ انگ نوں تڑفایا اے
ویکھو ویکھی جگ دے لوکی
ویکھو ویکھی جگ دے لوکی
بن گئے کِسراں اگ دے لوکی
ربا! مان سلامت رکھیں
ویری ہو گئے پگ دے لوکی
راشد تاج
ہر تحفہ او مخلص ہو کے پیش کرے
ہر تحفہ او مخلص ہو کے پیش کرے
کلیاں سُولاں وچ پرو کے پیش کرے
ایس توں ود کے ہور خلوص کی ہونا اے
گلدستے وچ سپ لکو کے پیش کرے
حنیف صوفی
سب دوہریاں شکلاں والے
ہر صورت وچ دوجی صورت
وکھری وکھری سب دی مورت
اکناں دا اک اندر باہر
دوجے دا کجھ ہوئے نہ ظاہر
بلھیں ہاسے متھے جھریاں
منہ وچ اللَّٰه ہتھ وچ چُھریاں
صفحہ کرب پہ کفر یزیدیاں نے
صفحۂ کرب پہ کفر یزیدیاں نے
درج داستان شمر معلون دی اے
قلم صدقہ حسینؑ دے بچیاں دا
تے تحریر شبیرؑ دے خون دی اے
آل نبیؐ پڑھ نبیﷺ دا دین دسیا
دسی منکراں حد جنون دی اے
قصہ احرم حریم جدار والا
قصہ احرم حریم جدار والا
رقم بین السطور تحریر روشن
ستم صبر سفاک بے باک فتنے
عین غین دی عین تفسیر روشن
ظاہری فہم و فراست ادراک مخفی
امرِ حق نے کیتی تصویر روشن
ربا ساہڈی جان چھڈا دے
ہولی ہولی لتر لاہ کے
کجھ گھبرا کے کجھ شرما کے
کافی سارے گج وجا کے
ماہتڑ ساتھی نیوی پا کے
پاکستان دی پوری قوم
روز مناندی اکوئی یوم
توں کی جانے بھکھ ننگ نوں توں کی جانے تنگی
تُوں کی جانے بُھکھ ننگ نُوں تُوں کی جانے تنگی
تُوں کی جانے کویں بتاوے خلقت بُھکھی ننگی
تُوں کی جانے بے سُرتاں دی سُرت سنبھالے کیہڑا
رنگ جنہاں دے بھنگ اے پاؤندی تیری رنگا رنگی
تُوں کی جانے تیرے کامے ڈنگ ٹپاون کیکن
تُوں کی جانے تیرے راکھے کیکن کٹن تنگی
Saturday, 25 March 2023
سانوں پیڑاں دتیاں صاحب نیں اسی متھے لیاں چڑھا
سانوں پیڑاں دتیاں صاحب نیں
اسی متھے لیاں چڑھا
ساڈی اکھاں اتھرو سانبھ لے
ساڈے دل نے کیتا نبھاہ
اسی چورا، چورا ہو گئے
پر کدی ناں کیتی آہ
کیتا صابر دل ساڑ سوا عشقے
کیتا صابر دل ساڑ سوا عشقے
میرا قاتل دس مینوں پہچان دا کی
ہیرے چیر دی پتی گلاب دیاں
دھواں داری لوہاری دکان دا کی
قدسی فوجاں کُل میرے کریم دیاں
مینوں خوف منہ کالے شیطان دا کی
پہرہ دینڑ ناموسِ رسول اتے با وفا نکلے جانثار نکلے
پہرہ دینڑ ناموسِ رسولﷺ اُتے
با وفا نکلے جانثار نکلے
کھِچن لئی نقاب منہ کالیاں دے
لے کے ہتھ توکل تلوار نکلے
مٹ جائے گا کِبر فرعونیاں دا
سُوئے نیل نے صاحبِ اسرار نکلے
رسماں مینوں کھا جانا توں وی مکھ پرتا جانا
رسماں مینوں کھا جانا
توں وی مُکھ پرتا جانا
اللہ اُتے ڈوری اے
ایویں نہ گھبرا جانا
جیہڑے موڑ تے وچھڑے ساں
اوسے موڑ تے آ جانا
ساوا رکھ سہانجناغیب ہویا
ساوا رُکھ سہانجناغیب ہویا
بوہڑاں مستیاں دے ساوے سانگ سُکے
ون جنڈ سکے، پیلوں مُک گئیاں
پچھو سنگری دے بیابان مُکے
گھونی کنک، چینا، پمن کنگنی دا
مٹھی ترہوں جوار دا رب راکھا
جدنڑ وی دو گھٹ لا باہنا ایں
جدنڑ وی دو گھٹ لا باہنا ایں
آپنڑا آپ بھلا باہنا ایں
رکھ ٹھگ باز دی چاہ باہنا ایں
ٹنگ سولی تے ساہ باہنا ایں
یار اس نوں تیری ککھ پرواہ نہیں
توں وہ اس دی رکھ پرواہ نہیں
پچھدے رہن دن رین دو نین راہی کتھوں اوہدے دیدار نوں راه جاندی
پچھدے رہن دن رین دو نین راہی کتھوں اوہدے دیدار نوں راه جاندی
تاجدار سرکار دا تخت کتھے کہڑی شاہی دربار نوں راه جاندی
چھان ماریا فرش زمین سارا چکر چڑھے ہوئے چرخ برین پھر پھر
دیر و حرم خاموش نے کون دسے کتھوں یار دے پیار نوں راه جاندی
قابو قفس وچ، قفس صیاد دے ہتھ کدی قیدیاں نوں وطن بھلدے نہیں
بے قرار بلبل پھڑپھڑا کے تے واجاں مارے بہار نوں راه جاندی
انبر سانجھا دھرتی سانجھی سانجھے نے ایہ سارے لوک
انبر سانجھا، دھرتی سانجھی، سانجھے نے ایہہ سارے لوک
کیوں نئیں گل گلوکڑی پاندے، کیڈے نے مت مارے لوک
نہ اوہ آپوں، نہ سنیہا، نہ کوئی چٹھی گھلدے نیں
جیہڑے چپ چپیتے ایتھوں ٹر گئے پار کنارے لوک
لہندا، چڑھدا، دَکھن، پربت، انبر، دھرتی تیرے نیں
خود مختاری رہ گئی کاہدی پنجرے وچ نے سارے لوک
Friday, 24 March 2023
ماں وچھوڑا کویں دساں
ماں
ماں وچھوڑا کِویں دساں
جِویں ویلا رُک جاندا اے
جِویں سورج ڈُب جاندا اے
جِویں دھرتی کمب جاندی اے
جِویں ہڑھ چڑھ آؤندا
دل تاں کہندا بہت مگر کی کراں
دل تاں کہندا بہت
مگر کی کراں
دیس دے ویر مینوں پئے سددے پئے
اوہ زنجیر مینوں پئے سددے پئے
ہتھکڑیاں پانویں
کلائیاں دے وچ
نج یاداں کھورو پاؤندیاں
نج یاداں کھورو پاؤندیاں
جدوں دل دے ویہڑے آ
اوہ دھدل اڈدی تانگھ دی
ریجھاں دے گھٹدے ساہ
پچھتاوے پاون کیرنے
ہٹکورے بھردی واء
سک دی سجری سولی چڑھ کے
سک دی سجری سولی چڑھ کے گیت فراق دے گانے پے گئے
راتیں سُتیاں نیندر آئی نہیں فجریں یار منانے پے گئے
پیو دی پگ نوں ونڈن آلے کیہو جئے پُتر جمن لگ پئے
گھر دی لاج بچاون پچھے باہروں لوگ بلانے پے گئے
مزمل حسین ناطق بلوچ
جے میں بھور ہندا تاں میں سمجھ لیندا
جے میں بھور ہُندا تاں میں سمجھ لیندا توں بس پُھل دے وچ ای وسدا ایں
جے پتنگ ہُندا تاں میں ایہو کہندا توں ہی لاٹ بن کے پیا ہسدا ایں
جے میں ہرن ہُندا تینوں ناد کہندا بن کے راگ میرا دل کھسدا ایں
ہُندا جے پپیہا تے سمجھدا میں توں ہی پیا اسمان تو وسدا ایں
ایپر اِہناں دے وچوں میں کوئی بھی نہیں تاہیوں سہارے ہی پیا ٹولدا ہاں
کدی پھل سُنگھاں کدی لاٹ ویکھاں دھراں کن تے کدی منہ کھولدا ہاں
ہیرا سنگھ درد
اک پاسے ٹاہلیاں تے اک پاسے بیریاں
پنجابی گیت
اک پاسے ٹاہلیاں، تے اک پاسے بیریاں
سون دا مہینہ پِینگھاں تیریاں تے میریاں
پہلا جُھوٹا جُھوٹیا، جوانی نے پیار دا
کٹیا نہ جاوے سماں کلیاں بہار دا
کھل کھل کیساں نے لیاندیاں ہنیریاں
جندڑی نمانڑی نوں انج وی نہ رول وے
جندڑی نمانڑی نوں انج وی نہ رول وے
پیار والا بول کدی ساڈے نال بول وے
تھکے ساڈے ہتھ تیرا بُوہا کھڑکا کے
کاگ وی نی بولدے بنیرے اُتے آ کے
سُک گئیاں اکھیاں، ہنجو نہ پھرول وے
پیار والا بول کدی ساڈے نال بول وے
اے پاکستان دے لوکو پلیتاں کوں مکا ڈیوو
اے پاکستان دے لوکو پلیتاں کوں مکا ڈیوو
نتاں اے جے وی ناں رکھے اے ناں اوں کوں ولا ڈیوو
جتھاں مفلس نمازی ہن او مسجد وی اے بیت اللہ
جو مُلاں دیاں دُکاناں ہن مسیتاں کوں ڈھا ڈیوو
اُتے انصاف دا پرچم تلے انصاف وِکدا پئے
ایہو جی ہر عدالت کوں بمعہ املاک اڈا ڈیوو
شاکر شجاع آبادی (ستارۂ امتیاز)
Thursday, 23 March 2023
میں پونی دا چن بنا کے سفنا تکیا چیتر دا
میں پونی دا چن بنا کے سفنا تکیا چیتر دا
خورے کاہنوں میرے کولوں موسم جھکیا چیتر دا
ساوا رَتا رُوپ سلکھنا حرصی نظراں کھا گئیاں
ہجراں دے پت جھڑ وِچ جھڑ جھڑ موسم تھکیا چیتر دا
اینی گل ہی پُچھنی سی میں شیشے دے گُلداناں توں
کاغذ دے پُھلاں نے رستہ کتھے ڈکیا چیتر دا
زندگی کجھ رجھیویں کھا گئے
زندگی کجھ رجھیویں کھا گئے
باقی دی تھکیویں کھا گئے
ڈاروں نِکھڑی کونج نمانی
ہائے کنج نکھڑیویں کھا گئے
یونس بھٹی
ویلے دے طور اسیں جے جاچے ہندے
ویلے دے طور اسیں جے جاچے ہندے
دنیا دی بھیڑ وچ نہ گواچے ہندے
شعراں چ لکوندے نہ جے درداں تائیں
تاثیر جگ توں پترا نہ واچے ہندے
صدیق تاثیر
وگنیاں جیہیاں ہواواں نہیں ساتھوں پچھے
وگنیاں جیہیاں ہواواں نہیں ساتھوں پچھے
ٹُٹنیاں انج تناواں نہیں ساتھوں پچھے
سوہنیاں! تیری شہ نال، تیرے ای اُتے
کسے وی سٹنیاں لاواں نہیں ساتھوں پچھے
غلام یعقوب انور
کوئی ڈک نئیں جس وی لہجے وچ رس گھول پنجابی لئے جیہڑا
کوئی ڈک نئیں جس وی لہجے وچ رس گھول پنجابی لئے جیہڑا
کر پیدا سوہنی رہتل دا ماحول پنجابی لئے جیہڑا
پردیس اِچ ہاں تے پئے گئی اے بہوں حاک بیگانے لفظاں توں
جھٹ دارو بن کے ٹکرے ہا کوئی بول پنجابی لئے جیہڑا
اسیر اعوان
جان والیا جان دی خیر ہووی
جدید پنجابی شاعری
جان والیا جان دی خیر ہووی جان لگیاں انج تے جائی دا نہیں
جائیے دلاں دی سن سنا کے تے وہم کسے دے دل وچ پائی دا نہیں
جے ہووے خطا تے بھلا دئیے جان بجھ کے دل ٹھکرائی دا نہیں
قصور مند سیانیاں آکھیا اے حساب سجناں نال مکائی دا نہیں
میاں قصورمند
چوہدری عنایت علی
اساں تاں خواب ہیں کوڑا
اساں تاں خواب ہیں کوڑا اساں وسواس ہیں سانول
اساں مندرے ہوئے ہوٹھاں دی ہک ارداس ہیں سانول
اساں چپ چاپ کس گئے ہیں الیندی پئی ہے رت ساڈی
اساں تاں کھوڑ تے وکدے تھڑکدے ماس ہیں سانول
اساں ہیں چاندنی پوہ دی اساں موسم کلہپے دا
نہ کہیں دی آس ہیں سانول نہ کہیں کوں راس ہیں سانول
کر کے پیو دے نال صلاحواں ٹریا کر
کر کے پیو دے نال صلاحواں ٹُریا کر
ماں دِیاں لے کے چَن دعاواں ٹریا کر
دُکھ ہوون یا ہوون سُکھ توں بھائیاں نال
بانہواں دے وچ پا کے بانہواں ٹریا کر
رکھیں گا جے آ پوِتر سوچاں نوں
نِیوِیاں رکھیں فیر نگاہواں ٹریا کر
Wednesday, 22 March 2023
سجناں دے ہر وار نوں
سجناں دے ہر وار نوں
ساقی سینے اُتے جھلدا
جیکر میری کنڈ دے پچھے
دشمن میرے ہندے
حنیف ساقی
اسیں دھپے چھاواں سیکیاں
اسیں دُھپے چھاواں سیکیاں
تے کھِلرے پیراں تیک
اسیں جم جم زہراں کھادیاں
تے رج رج ہوئے بریک
ظفر محی الدین
میرے تن تے دکھ لبادہ سجیا اے
میرے تن تے دُکھ لبادہ سجیا اے
ہر کوئی کہندا اے بھئی سوہنا سجیا اے
تیرے جاون بعد اُداسی چھا گئی سی
تُوں آیا تے میرا ویہڑا سجیا اے
حیدر نقوی
صبراں دے گھٹ بھرنے پیندے
صبراں دے گُھٹ بھرنے پیندے
سجناں دے دُکھ جرنے پیندے
یاراں خاطر کنی واری
کُتے کم وی کرنے پیندے
حق نوں حق جتاون دے لئی
سِر نیزے تے دھرنے پیندے
میری زندگی میری زندگی نہیں
میری زندگی میری زندگی نہیں
میرا دل وی اپنڑاں دل کوئی نہیں
مُکھ رلدے ملدے سے ویکھن
تیرے مُکھ دے ورگا تِل کوئی نہیں
اج مینوں جان توں پیارا ہے
پرا سونے دی توں سل کوئی نہیں
پنجاں پیراں نوں رانجھنے یاد کیتا
پنجاں پِیراں نوں رانجھنے یاد کیتا
جدوں ہیر سنیہڑا گھلیا ای
ماں باپ قاضی سبھا گرد ہوئے
گِلہ سبھناں دا اساں جھلیا ای
آئے پیر پنجے اگے ہتھ جوڑے
نِیر روندیاں مُول نہ ٹھلیا ای
پھلاں دا اک ہار پنجابی
پھُلاں دا اک ہار پنجابی
کھِنڈدی ہوئی مہکار پنجابی
ساہواں وچ پنجاب اے ٹُردا
"رت وِچ وسیا پیار پنجابی"
دانش حکمت سوجھ سیانف
چانن جہے افکار پنجابی
Tuesday, 21 March 2023
پچھتاوے نوں رب دا گھار سداندے
پچھتاوے نوں رب دا گھار سداندے
رب نال اپنا آپ ملاندے
دل تے نازک شیشے ورگا
فیر وی لوکی ظُلم کماندے
ڈھا دیندے نیں ٹُردے پھردے
ٹھیڈے مار دے آندے جاندے
میرے بارے دسدے نیں
میرے بارے دَسدے نیں
پُچھ لے بندے دَسدے نیں
اوکھا رستا چُنیا سُو
پیر دے چھالے دَسدے نیں
کِسراں ہِجر ہنڈایا میں
اکھ دے حلقے دَسدے نیں
عشق آکھدا چھڈ کے محل ماڑی
عشق آکھدا چھڈ کے محل ماڑی
ڈیرا یار دے بُوہے تے لا لیۓ
مونہوں چُپ رہیۓ
لب سی لیۓ
اُلٹی پوش وی بھانویں لہو لیۓ
عقل ویکھدی نال حیرانیاں دے
کیوں وختاں چ جندڑی پا لیۓ
ناں میں تیرا پوچھل ویکھ کے ڈرساں
سنیہا
ناں میں تیرا پُوچھل ویکھ کے ڈرساں
ناں میں تیریاں نونہاں ہتھوں مرساں
پَٹ لے توں وی
جو کجھ پَٹنا
سب کجھ جرساں
سی ناں کرساں
ساڈے ورگے یار وساری جاناں ایں
ساڈے ورگے یار وساری جاناں ایں
ٹھنڈے دُدھ نوں پھُوکاں ماری جاناں ایں
قدر پچھانن والے چھڈ کے بے قدرا
بے قدراں توں صدقے واری جاناں ایں
بھار ودھا کے دل تے گزرے ویلے دا
اپنا گَڈا آپ اُلاری جاناں ایں
میلے کھیڈ تماشے چنگے لگدے نے
میلے کھیڈ تماشے چنگے لگدے نے
ہسدے بندے خاصے چنگے لگدے نے
دشمن اتے کراں بھروسہ پھبدا نئیں
سجناں دے بھرواسے چنگے لگدے نے
بے شک جان گواچے، منزل مل جاوے
نفعیاں والے گھاٹے چنگے لگدے نے
کنڈیاں تے ٹر کے آئے تیڈے کول پیروں وانڑیں
کنڈیاں تے ٹُر کے آئے تیڈے کول پیروں وانڑیں
اگے تیڈی مرضی ڈھولن توں جانڑے یا نہ جانڑے
کنڈیاں تے ٹر کے آئے
اساں تیڈے کول رہندے توں ساڈے کول رہندا
ساڈے وس دے کولوں باہر بہوں دور دا ہے پینڈا
اساں اس زمیں دے واسی تیڈے چن تے ہن ٹکانے
Monday, 20 March 2023
اے درد میڈی جاگیر اے
ماہیا ٹپہ
اے درد میڈی جاگیر اے
میڈے پیار دی جو تقدیر اے
کِتھ رانجھا تے کِتھ ہیر اے
نجمہ شاہین کھوسہ
سدھا لبھ گیا راہ ڈھولا
ماہیا ٹپہ
سِدھا لبھ گیا راہ ڈھولا
مُلاں کولوں کیہ پُچھنا
ساڈا عشق نکاح ڈھولا
مسعود منور
پرانے وسیبے نہ بھلن کدی وی
پرانے وسیبے نہ بھلن کدی وی
نہ بندہ جویں بھلے ماواں دی خشبو
کلیمؔ اوس باگے چ آوے خزاں نہ
سدا خیر منگے ہواواں دی خشبو
کلیم شہزاد
جد عشق نے ہوش گوائے
جد عشق نے ہوش گوائے
تے فیر کنیں پائے بالے
تیرے عشق نہ منی اک وی
تے لائے مونہاں اُتے تالے
ظفر محی الدین
گزرے ویلے چیتے آون لگ پئے نے
گزرے ویلے چیتے آون لگ پئے نے
اکھاں وِچوں چشمے اُبلن لگ پئے نے
خورے دید دی کِن مِن کس دن ہونی اے
ہُن تے ریجھ دے بُوٹے سُکن لگ پئے نے
حیدر نقوی
بھیڑا کیتا نہ میں تیرا جھگا بھنیا
بھیڑا کیتا
نہ میں تیرا جھگا بھنیا
نہ میں تیرے ڈھگے کھولے
نہ میں تیریاں ڈاگاں نوں کدیں بھیڑا تکیا
نہ میں تیرا لاگھا ڈکیا
نہ میں تیرے ایرے پٹے
اندر دا سچ باہر نچے باہر دا مچ مچے
اندر دا سچ باہر نچے
باہر دا مچ مچے
اندر باہر رولا کی اے
اندر جی اے باہر جی اے
سوہنا میرے من وچ وسدا
باہر مینوں نہ کج دسدا
خالد سانوں چھوڑ کے ٹریا اے
خالد سانوں چھوڑ کے ٹریا اے
مُکھ اساتوں موڑ کے ٹریا اے
رُت تاں کائینی چھوڑ ونجنڑ دی
کمر اساڈی تروڑ کے ٹریا اے
شہباز دانش
دل وچ اوہدا نام پکاواں
دل وچ اوہدا نام پکاواں
بلھاں اُتے اک نہ جاوے
شالا دکھ نہ پلے بجھن
سکھ کسے توں لک نہ جاوے
ریجھ پروہنا روسے دے وچ
کدھرے ڈیرا چک نہ جاوے
آ مل سجناں دریا بن کے
آ مل سجناں دریا بن کے
میں بیٹھا واں صحرا بن کے
اوہدے سفنے سانبھ لئے میں
اوہدی اکھ دا کجلا بن کے
مورت بن کے ساویں بہہ توں
تینوں ویکھاں شیشہ بن کے
سوہنیاں ڈبیاں سسیاں رلیاں
سوہنیاں ڈُبیاں، سسیاں رُلیاں
ہیراں لے گئے کھیڑے
پیار جنہاں دے توڑ چڑہیندے
خورے لوک نیں کیہڑے
خلیل الرحمان قمر
جڈا ملک کو ڈاکو کھا ویسن وت باہر نکلسو کیا فائدہ
جڈا ملک کو ڈاکو کھا ویسن وت باہر نکلسو کیا فائدہ
جڈا ویلھا ہتھوں نکل ویسی ودے ہتھاں نو ملسو کیا فائدہ
ہک بئے تو نکھر کے رل ویسو رل رل کے رلسو کیا فائدہ
پاہ راول طوق غلامی دے تقدیر بدلسو کیا فائدہ
جاوید راول
حق سچ دی گل نہ کرے کوئی
حق سچ دی گل نہ کرے کوئی
جھوٹ بولنا رسم سنسار ہوئی
مجلس لا کے کرنا حرام ایکا
صوبیدار تے حاکم نہ شاہ کوئی
رعیت ملک تے سب اجاڑ ہوئی
پیا ملک دے وچ ہے بڑا رولا
ہر کسے دے ہتھ تلوار ہوئی
وارث شاہ
ہر کسے نوں کسے تے مان ہندا
جدید پنجابی شاعری
ہر کسے نوں کسے تے مان ہندا مان کسے نوں ودھیریاں پتراں دا
دولت مال دا کسے نوں مان یارو کسے نوں مان اے گھوڑیاں شتراں دا
عقل علم دا کسے نوں مان یارو کسے نوں مان و دهیریاں تکراں دا
قصور مند نوں تیرا اے مان مولی بہرحال گزاردا اے شکراں دا
میاں قصورمند
چوہدری عنایت علی
کدی تے پیکےجا نی بیگم
شوہر کی فریاد
کدی تے پیکےجا نی بیگم
آوے سکھ دا ساہ نی بیگم
کٹھیاں رے رے اک گئے آں ہن
لاگے بہہ بہہ تھک گئے آں ہن
ٹینڈیاں وانگوں پک گئے آں ہن
Sunday, 19 March 2023
جو غصے نال نہ جکڑن ہووے
جو غصے نال نہ جکڑن ہووے
اہنوں پیار دے نال لہویٹ لئیے
شاخاں تے مہکدے رہن دئیے
پہلاں ڈُلہے پھل سمیٹ لئیے
شاہدہ دلاور شاہ
گھیرے گھیرے گھیرے موت دے کھوہ اندر
ماہیا ٹپہ
گھیرے گھیرے گھیرے
موت دے کُھوہ اندر
جِند لاندی پئی اے پھیرے
احمد حماد
تیرا بیڑا غرق مہنگائیے
تیرا بیڑا غرق مہنگائیے
دس تینوں کِسراں مگروں لاہیے
ویکھو لوکو شرم دا گھاٹا
بندے سستے مہنگا آٹا
عارف شاہ پروہنا
چیکے تے کرلاوے رکھ
چیکے تے کُرلاوے رُکھ
رووے نال روآوے رکھ
یاد آؤندے پردیساں اندر
مینوں پنڈ دے ساوے رکھ
حماد بھٹی
ماں بولی نال پیار ودھاؤ مترو
ماں بولی نال پیار ودھاؤ مِترو
ایہنوں سر دا تاج بناؤ مترو
پڑھ پڑھ وارث بُلھا باہو
اج دل دا میل مُکاؤ مترو
ہو کٹھے، کر ایکا سارے
گج وج کے ڈھول وجاؤ مترو
ظفر محی الدین
کسے بال کے اپنڑی اگ سیکی
الطاف کسے مسما چھوڑی
کسے بال کے اپنڑی اگ سیکی
کسے سیکی نال بھراواں دے
کسے کلیاں بہہ کے آپ الگ سیکی
کسے ہاں دے سیک تے جھٹ دھکیا
کسے ساڑ کے اپنڑی پگ سیکی
لین نہ دیندے پل وی چین
لین نہ دیندے پل وی چین
دل کملا تے پیاسے نین
ماہی ماہی کردے رہن
دل کملا تے پیاسے نین
چار دناں دی ہے زندگانی
نہ تڑپا توں دلبر جانی
تیرا حسن جمال سلامت
تیرا حُسن جمال سلامت
جوبن دا ہر سال سلامت
ساڈے لیکھ بہاراں کوئی نہ
رہ توں خُشیاں نال سلامت
بندے نے نہیں رہنا ایتھے
رہن عروج زوال سلامت
دکھ تے سکھ دا ہر اک جھگڑا مک جاندا اے
دُکھ تے سُکھ دا ہر اک جھگڑا مُک جاندا اے
خون جدوں شریاناں اندر سُک جاندا اے
جس نوں دیمک خود غرضی دی لگ جاندی اے
اوہدے دل چوں پیار تے اُکا مُک جاندا اے
تیرے باجھوں میرا حال وی اِسراں ہُندا
بِن مالی دے بُوٹا جِسراں سُک جاندا اے
Saturday, 18 March 2023
Friday, 17 March 2023
سو سو واری پتر پچھے دس وے ابا اوہ کیہہ اے
اپنی اپنی واری
سو سو واری
پُتر پُچھے
دس وے ابا! اوہ کیہہ اے؟
سو سو واری
ابا دَسے
اسیں دو توں اک پہچان کے تے لا تک آ ئے
اسیں دو توں اک پہچان کے، تے لا تک آ ئے
ایس لا نے سانوں الف دے، سب بھیت سکھائے
اسیں لا چوں اللہ جانیا، سانوں کون پچھانے
اسیں جانوں ہو کے یار جی بس رہ ایانے
غلام حسين نديم
اوہدے ناں دا کرن وظیفہ
اوہدے ناں دا کرن وظیفہ
جے کر کُونجاں وی کُرلان
اوہدے ناں دی مالا جپو
آؤندے جاندے رہن طوفان
مدثر اقبال بٹ
میرے نال جو ہویا مینوں ہوش ای کوئی نئیں
میرے نال جو ہویا مینوں ہوش ای کوئی نئیں
جیہڑی سجناں کیتی میرا دوش ای کوئی نئیں
بُلاں اُتے جندرے،۔ اکھاں دے وچ ہنجو
میں چپ ہاں پر دل میرا خاموش ای کوئی نئیں
چاہواں دا اک دور سی یارو چلدا رہندا
کلا پیندا بیٹھاں کوئی ہمنوش ای کوئی نئیں
ہمیشہ تو بد نصیب نئیں سی
ہمیشہ تو بد نصیب نئیں سی
غریب ازل توں غریب نئیں سی
غلط سمجھدا رہیا اے تارا
کہ دِیوا اوہدا رقِیب نئیں سی
تِرے وِچھڑن دے بعد جیویں
خدا وی میرے قریب نئیں سی
ظفر محی الدین
اک مشکل اے حل نہیں ہوندی
اک مشکل اے حل نہیں ہوندی
اوہدے اگے گل نہیں ہوندی
اوہنوں میرے نال محبت
آج ہووے تے کل نہیں ہوندی
سچ پُچھیں تے میں ماڑاں واں
دنیا ماڑے ول نہیں ہوندی
Thursday, 16 March 2023
مینوں کعبہ یار دیاں گلیاں
ماہیا ٹپہ
پھلیاں، پھلیاں، پھلیاں
دن رات طواف کراں
مینوں کعبہ یار دیاں گلیاں
انجم رانا
Wednesday, 15 March 2023
عورت کول ہن ٹیم نہیں ہوندا
عورت کول ہُن ٹیم نہیں ہوندا
دُلے بھٹی جمّن دا
بیوٹیشن توں ویہلیاں ہو کے
ون سونّے فنکشن ویکھن
ریہندا جھیڑا مار مُکایا
چابی والی گولی نے
مریا اے مزدوری کردا
مریا اے مزدوری کردا
گھر دی روٹی پوری کردا
اونے وی تے مر جانا اے
جو اعلان ضروری کردا
رمضان تائب
لیکھاں دے وچ دھکے کیوں نیں
لیکھاں دے وچ دَھکے کیوں نیں
دھوکھے دیندے سَکے کیوں نیں
گھر بیٹھی جد ماں نئیں دِسدی
بھج بھج جاندے مَکے کیوں نیں
راشد تاج
جے اعتبار نئیں میریاں لفظاں تے
جے اعتبار نئیں میریاں لفظاں تے
جا ٹُر جا مُڑ کے ناں ویکھیں
جے آکھیں محبت اے نال تیرے
فیر دل دے کے اعتبار رکھیں
میں روز صفائیاں دا قائل نہیں
دل دماغ نوں صاف رکھیں
گنتی دے دن دو وی تن وی
گنتی دے دن دو وی تن وی
اوہ نہیں آیا ستویں دن وی
کرنا ہووے کیہ نہیں ہوندا
ممکن وی تے ناممکن وی
راتاں دن توں لمیاں ہوئیاں
تے راتاں توں لمے دن وی
ایہو آکھے پئی جمہور
ایہو آکھے پئی جمہور
جنرل شرنل نامنظور
آمریت توں نفرت سانوں
ویلے سے سکھائی سیاست سانوں
ساڈا تے بس ایہو منشور
جنرل شرنل نامنظور
مندر وچ نہ یار مسیتے
مندر وچ نہ یار مسیتے
ہور طرحاں دے سجدے کیتے
تیری گل گواچ نہ جاوے
لوکی ہین بڑے بدنیتے
ساڈا پیار نبھاویں گی کیہ
ویلے والیے ظالم رِیتے
Tuesday, 14 March 2023
دیس میرا پنجاب نی ہور وسے کل جہان
سجناں تے متراں نوں پنجاب دا ثقافتی دیہاڑ مبارک
وساکھی
دیس میرا پنجاب نی ہور وسے کُل جہان
گھبرو میرے دیس دا بانکا چھیل جوان
ہل پنجابی ایس دی دے کھیت کھلار
محنت ایس جوان دی سونا دے پسار
کھیت جو گوڈے جو بیجے لے بوہل ہن لا
اساں پڑھنی بلھے والی اساں کرنی دلہے والی
سجناں تے متراں نوں پنجاب دا ثقافتی دیہاڑ مبارک
اساں پڑھنی بُلھے والی
اساں کرنی دُلہے والی
نہیں مننی مُلے والی
راول راٹھ
#Punjabi_Culture_Day
واہندھئیے نی راوئیے جماں دئیے ساوئیے
سجناں تے متراں نوں پنجاب دا ثقافتی دیہاڑ مبارک
واہندھئیے نی راوئیے
جماں دئیے ساوئیے
ریت تیری اُڈ اُڈ سراں وچ آوندی
ٹھڈے ساہ بھر کے تے مڑھکا سکاوئیے
دس کھاں نکھٹیے نی اسیں کتھے جاوئیے
عاصم پڑھیار
#Punjabi_Culture_Day
اسیں واسی آں گجرات دے ساڈی فطرت وچ وفا
سجناں تے متراں نوں پنجاب دا ثقافتی دیہاڑ مبارک
اسیں واسی آں گجرات دے ساڈی فطرت وچ وفا
ساڈے دل نیں وانگ چناب دے سانوں گھر آیاں دے چا
اسیں جی آیاں نوں آکھ دے تسیں ساڈا مان تران
اسیں صدقے واری جاوئیے ساڈے گھر آئے مہمان
اسیں پرچارک ہاں خیر دے اسیں ونڈئیے امن پیار
اسیں پیار توں جاناں وار دے سانوں جانوں ودھ کے یار
علی احمد گجراتی
#Punjabi_Culture_Day
پتراں تیری چادر لاہی ہور کسے دا دوش نہ مائی
سجناں تے متراں نوں پنجاب دا ثقافتی دیہاڑ مبارک
ماں بولی
پتراں تیری چادر لاہی
ہور کسے دا دوش نہ مائی
غیراں کرودھ دی اوہ اگ بالی
سینے ہو گئے پیار توں خالی
پتراں نوں توں لگیں گالی
جیہڑا رنگ پتاسے دا اوہو تیرے ہاسے دا
سجناں تے متراں نوں پنجاب دا ثقافتی دیہاڑ مبارک
جیہڑا رنگ پتاسے دا
اوہو تیرے ہاسے دا
توں ایں ہیرا لکھاں دا
توں ایں سونا پاسے دا
روپ دا چسکا بھر دیویں
رکھیں مان جے کاسے دا
رکھاں دی گہری چھاں ایں ستے خیراں نیں
سجناں تے متراں نوں پنجاب دا ثقافتی دیہاڑ مبارک
رکھاں دی گہری چھاں ایں ستے خیراں نیں
جے گھر وچ تیرے ماں ایں ستے خیراں نیں
اُجڑن دا کیہ ہر اک اجڑ جانا اک دن
اُجڑ کے وی تے ناں ایں ستے خیراں نیں
ایتھے وچھڑ وی جاواں گے تے فر کیہ اے
ساڈا تے میل اگاں ایں ستے خیراں نیں
Monday, 13 March 2023
ویکھیں کدرے ڈب نہ جاویں
ویکھیں کدرے ڈُب نہ جاویں
اکھیاں دے وچ کُھب نہ جاویں
پُھل جے تینوں کہہ بیٹھے آں
کنڈیاں وانگوں چُب نہ جاویں
نامعلوم
نویں بتھیرے ایتھے یار پرانے نئیں
نویں بتھیرے ایتھے یار پرانے نئیں
پرانے دن وی مُڑ کے ایتھے آنے نئیں
چلاک بتھیرے لبھدے چار چوفیرے
پرانیاں لوکاں جئے ہونڑ سیانے نئیں
کوٹھے ہوئے پکے برگر لگ پئے کھان
کچے کوٹھے ہن سادے کھانے نئیں
کوئی ایسی کھیڈ کھڈا ماہی
کوئی ایسی کھیڈ کھڈا ماہی
تینڈا نام جپے ہر ساه ماہی
اج سوون دا مُل پے جاوے
اج سُفنے دے وچ آ ماہی
ساڈے سینے وچ پُچال آون
ساڈا رُک رُک آوے ساه ماہی
ضرورتاں دے پیالیاں وچ
ضرورتاں دے پیالیاں وچ
محبتاں دی شراب بھر کے
منافقت دا وپار کرنا
تے ماڑی گل اے
سیاہیاں تے سفیدیاں نوں
ملا کے کہنا کہ ایہو سچ اے
دکھ نہیں ہوئے دور دوبارا
دُکھ نہیں ہوئے دور دوبارا
رویا اے مزدور دوبارا
پہلے وی مجبور بڑا سی
ہویا اے مجبور دوبارا
سفنے دی تعبیر ملی اے
خوشحالی اے دور دوبارا
اتوں بیٹھا تھلے ویکھے
اتوں بیٹھا تھلے ویکھے
مطلب ساڈے ولے ویکھے
عشق نگر دا دورہ کیتا
جنے ویکھے جھلے ویکھے
ساڈے نال کھلووے آوے
ہندی بلے بلے ویکھے
ٹھنڈیاں مٹھیاں چھاواں پنڈ
ٹھنڈیاں مٹھیاں چھاواں پنڈ
ون سونیاں تھاواں پنڈ
چوں چوں کرنی چڑیاں نیں
کاں کاں لانی کاواں پنڈ
انج تے حالے آنا نہیں
توں آکھیں تے آواں پنڈ
Sunday, 12 March 2023
کی جینا ایں بھولے بندے
جدید پنجابی شاعری
کی جینا ایں بھولے بندے
ویکھو صدق نے رولے بندے
ویسے سوکھے رہ جاندے نیں
انھے، گونگے، بولے بندے
بوہتی دیر نی رہندے دل وِچ
ہولا شعر، تے ہولے بندے
جہڑے گھر دے راکھے چور ہون
جہڑے گھر دے راکھے چور ہون
نہیں بچ سگدا او گھر یارو
او قوم کڈائیں نہیں سُدھر سگی
جیندے دل وچ خوف تے ڈر یارو
او تاں ہر کے بازی جت گھیندن
جہڑے ہوندن بے خوف خطر یارو
وگڑی ہوئی رن نئیں چنگی
وگڑی ہوئی رن نئیں چنگی
بوہتی دینی پن نئیں چنگی
گھر اندر لکو کے رکھیے
بالاں دے ہتھ گن نئیں چنگی
ادھی راتیں تے گُھپ ہنیرے
ونگاں دی چھن چھن نئیں چنگی
ماں آکھے یا پیو سنیے
ماں آکھے یا پیو، سُنیے
نال ادب دے سو سُنیے
کسے وی حال چ بُھلیے نہ
چیتا رکھیے، جو سُنیے
گھر دے بول بُلارے نوں
گھر دا بُوہا ڈھو سُنیے
آکھن ہے دن چار حیاتی
آکھن ہے دن چار حیاتی
مُکدی نہیں پر یار حیاتی
اپنا جیون ڈھنگ اولا
نہیں سی ندیوں پار حیاتی
پیر پیر تے دائرہ لاوے
وڈی اے پرکار حیاتی
دل دا شیشہ چور وی ہوندا اے
دل دا شیشہ چُور وی ہوندا اے
سوہنیاں وچ غرور وی ہوندا اے
ہر کوئی ایویں ای چھڈ نئیں دیندا
بندہ کوئی مجبور وی ہوندا اے
عشق اُبالے جس ویلے کھاوے
سُولی تے منصور وی ہوندا اے
کی کی ظلم وچھوڑے والا یارو اساں تکیا اے
کی کی ظلم وچھوڑے والا، یارو اساں تکیا اے
جُسا اگ وچ تانبہ ہویا، دل مُٹھی وِچ پکیا اے
ایڈی چھیتی ویلا لنگھیا، اجے تاں اکھ نہ کھلی سی
پلکاں چکیاں تے میں ڈِٹھا، ویلا میتھوں اکیا اے
کرچیں کرچیں کھلر گیا، تے لوکیں لبھن آئے نے
جس دی اکھ وچ میں رہندا ساں، اوہ وی تک نہ سکیا اے
Saturday, 11 March 2023
سانوں سودا نہیں پگدا
ماہیا ٹپہ
سانوں سودا نہیں پُگدا
راوی توں چناب پُچھدا
کی حال اے ستلُج دا ؟
نامعلوم
اکھیں بدل وسن لگ پئے
اکھیں بدل وسن لگ پئے
پھٹ ہجر دے رسن لگ پئے
جیندی خاطر دکھ سہے سن
کول کھڑو او ہسن لگ پئے
ہجر دی سولی گڈ کی مینوں
پیار اچ واگاں کسن لگ پئے
ہوکے ہانواں ماڑے لئی
ہوکے ہانواں، ماڑے لئی
اوکھیاں راہواں، ماڑے لئی
اُچے ٹِبے، تگڑیاں ملے
نیویاں تھانواں، ماڑے لئی
ہسدے بال، امیراں دے
روندیاں مانواں، ماڑے لئی
میں کوئی چوری کیتی اے
میں کوئی چوری کیتی اے
سب دے ساویں پیتی اے
باہروں پاک پوِتر نیں
ڈِڈھاں وچ پلیتی اے
ربا! خالی موڑیں نہ
پہلی واری نیتی اے
جو سچے رشتے بناؤندے سی
جو سچے رشتے بناؤندے سی
اوہ مِٹھی نیندر سؤندے سی
کِتھوں لیاواں میں سجن بیلی
جیڑے راواں مَل کھلؤندے سی
ہون لبھیاں او لجپال نئیں لبھدے
جیڑے اکھیاں نیر وہاؤندے سی
کدھرے سچی گل تے پہرا
کدھرے سچی گل تے پہرا
کدھرے وگدے جل تے پہرا
انج آزادی کھوہ لئی حاکم
لگیا اک اک پل تے پہرا
زہراؑ دی توقیر تے آؤ
سارے دَئیے رل تے پہرا
Friday, 10 March 2023
ویکھیا ای میرا حال
ویکھیا ای میرا حال
کتھے گئی اوہ رنگت میری
سپاں ورگی چال
گلاں کردیاں غنڈیاں اکھاں
ہوا نال اُڈدے وال
کِتھے گیا اوہ ٹھاٹھاں ماردا
کنداں نال صحیفے ٹنگے تے تسبیح گل وچ پائی
کنداں نال صحیفے ٹنگے تے تسبیح گل وچ پائی
ظاہر نال نئیں رب لبھدا، اے گل مرشد سمجھائی
سجدہ کوئی روح دا کر لے میری باطن نال لڑائی
جسم دھون نال کج نئیں بنڑدا، جے دل دی میل نہ لائی
نامعلوم
بیری والا گھر مینوں اجے تیک یاد اے
بیری والا گھر مینوں، اجے تیک یاد اے
اجے تیک منہ وچ، بیراں دا سواد اے
سُننے لئی شعر اوہنے، دینے مینوں بیر اوہنے
رُس جانا فیر اوہنے، کیڈی استاد اے
نامعلوم
دل دی ٹٹی سڑک دے اتے ڈتھا سی اک سایا
دل دی ٹُٹی سڑک دے اتے ڈِتھا سی اک سایا
اکھاں لب لب پتھر ہویاں او فیر وی نظر نہیں آیا
اجے وی میں ڈھیری نہیں ڈائی آس امید امنگاں دی
اجے وی واج پئی اوندی کالیاں پیلیاں وانگاں دی
نامعلوم
خاباں وچ مریا سی اک ہسدے بال دا ہاسا
خاباں وچ مَریا سی
اک ہسدے بال دا ہاسا
جِنے ڈھڈ اتے ہتھ رکھ کے بُھکھ بُھکھ
کر دے ہوئے ماں نوں واج ماری
تے مِٹھی نیندر سوں گیا
فیر کدی نئیں اٹھیا
اوہ تکدا اے بھل جاندا اے
جدید پنجابی شاعری
اوہ تکدا اے بُھل جاندا اے
اگلا بندہ رُل جاندا اے
سڑک تے اوہ ٹُردا اے ایویں
جیویں نہر اِچ پُھل جاندا اے
فیر کی ہویا، جے میں رویا
بھریا برتن ڈُھل جاندا اے
گھر دا انج سیانا واں میں
ایناں بھا دا نیانا واں میں
گھر دا انج سیانا واں میں
اک نُکرے منجی ڈاھ چھڈدے نے
کلہیاں مینوں پا چھڈدے نے
جیویں سامان پرانا واں میں
گھر دا انج سیانا واں میں
دعوے کر کے یاری دے
دعوے کر کے یاری دے
مُڑ نہیں یار وساری دے
یا تے ساری کھیڈ مُکا
نہیں تے سانوں واری دے
دل جرمانے بھردا اے
اکھ دی کارگزاری دے
Wednesday, 8 March 2023
جد اکھ ذرا کو لائی
جد اکھ لگی
صدیاں دے جگراتے نیں
جد اکھ ذرا کو لائی
اوسے لمحے
رات دی رانی
ویلا بھال کے مہکی
چودھویں دا ایہ چن کدی تاں
چودھویں دا ایہ چن کدی تاں
سگواں محمد خاں ہوندا ہا
میں وی ہا ہِک شاعر اودوں
ناصر میرا ناں ہوندا ہا
رائے محمد ناصر خان کھرل
ساڈا اندر کولا ہو گیا ساڈیاں جیبھاں اتے اگ
ساڈا اندر کولا ہو گیا ساڈیاں جیبھاں اُتے اگ
سانوں لیکھاں ڈھاہ کے ماریا ساتھے کِھڑ کِھڑ ہسے جگ
اسیں مٹیو مٹی ہو گئے ساڈے سِر توں ڈھہہ گئی پگ
جہیدے نیڑے ہیں توں وسدا سانوں اوہ نہ لبھی رگ
اسیں اوجھڑ راہ تے ٹُر پئے ساڈے کنڈے ہو گئے لوں
اساں اندر وڑ نہ ویکھیا ساڈے اندر بیٹھا توں
چاچا جی کن کھول کے سن لو
چاچا جی
کن کھول کے سن لو
ڈیرے توں ہُن
میں اک رُکھ وی
وڈھن کوئی نہیں دینا
ایہ رکھ میرے تہاڈے کوئی نہیں
ایہہ کھیڈ توں مٹی دی رج مچائی ہے
ایہہ کھیڈ توں مٹی دی
رج مچائی ہے
مٹی دے توں بت بنا کے
مٹی اُتے، مٹی پائی ہے
بُتاں دے وِچ روح توں پاویں
آپے بُت تراشیں
دھرتی اک سٹیج اے جس تے روز نواں اک ناٹک ہووے
دھرتی
اک سٹیج اے جس تے
روز نواں اک ناٹک ہووے
ساڈا جیون وی اک ناٹک
ساڈی مرگ دا میلہ ناٹک
ساڈا ہونا رونا ناٹک
ظلم ہنھیری لہو پیا وگدا شور ککار چپھیرے
ظلم ہنھیری لہو پیا وگدا، شور ککار چپھیرے
کہڑا ہے جو بلدی اگ ول منہ رِیجھاں دا پھیرے
کِنی واری میں وَسیا تے اُجڑیا کِنی واری
لنگھدے ویلے کِنی واری جھوٹھ دے پُچے پھیرے
اج اداسی مَل بیٹھی اے گھر وچ چارے نُکراں
اج اکلاپے آن وسے نے سُننجے دیکھ بنیرے
Tuesday, 7 March 2023
جہڑا سکھ ہواواں دے وچ
جہڑا سکھ ہواواں دے وچ
اوہو پیار وفاواں دے وچ
اوہنے تے بس اکھ ملا کے
مار دتا اے چاہواں دے وچ
میں وی پیار نبھاواں گی
آ جاوے جے اداواں دے وچ
دکھ ڈنگ اٹھوہیں ماردے
دُکھ ڈنگ اٹھوہیں ماردے
لوک دین اُلاہمے یار دے
میں کِت ول کُوکاں جائی کے
نِت رو رو آہیں ماردی
خواجہ فرد فقیر
بولن جھوٹھ اخباراں
لوکائی دے سینے اندر
سچ ہر پل کرلاوے
لج آوے مینوں ایہہ کہندے
بولن جھوٹھ اخباراں
عارف عبدالمتین
میرے گھر وچ درد پروہنے
میرے گھر وچ درد پروہنے
کُھلھے بُوہے آؤندے نے
ایہہ کوئی بُہتا ای سجن لگے
جس کُنڈی کھڑکائی اے
سلیم کاشر
زندگی مینوں وی پیاری ہے
میں تیری نفی نئیں کردا
تیرے وجود دا اقراری آں
توں لازم ایں
میں ملزوم
توں حاکم
تے میں محکوم
اک ون دی ٹھنڈی چھاں ڈھولا
ڈھولا
اک ون دی ٹھنڈی چھاں ڈھولا
آ کرئیے بیٹھ نیاں ڈھولا
تُوں خُشیاں ساریاں میتھوں لے
میں دُکھڑے جھولی پاں ڈھولا
تُوں پھڑ لے میری باں ڈھولا
پئی آکھے مست چناں ڈھولا
رشتیاں دا خون ہندا میں جدوں وی ویکھداں
رشتیاں دا خون ہندا میں جدوں وی ویکھداں
ہنجھواں دی اگ تے پھر ہتھ اپنے سیکداں
وڈیاں دی گل اپر کھڑنا ہے اوکھا بڑا
سبھ نوں اوہ دسدا پھرے، میں صبح متھا ٹیکداں
قد اسدا ہور بھاویں نینوا ہندا جا رہا
روز آکھے؛ ایس نوں میں تاریاں سنگ میچداں
مشرق دا ان داتا دان کریندا
مشرق دا ان داتا
مشرق دا ان داتا
دان کریندا
بُکھیاں ننگیاں دے کم آندا
نیلیاں اکھیں دیاں جھیلاں وچ
گوڑھے پیار دیاں لہراں
Monday, 6 March 2023
کلا رکھ جے میں رونواں اوہ وی رووے
کَلا رُکھ
جے میں رونواں
اوہ وی رووے
جے میں ہَساں
اوه وی ہَسے
کِسے نُوں بُھلن دیوے
جویں پچھلے سال اداسی
جِویں پچھلے سال اُداسی
اویں ہُن دے سال اداسی
میں پاویں جھتے وی ہواں
مینو لیندی جے پال اداسی
اوس ملوک نوں آکھے کوئی
کدی میرے وانگوں پال اداسی
گل سن لقمان بیمار میں کوئی ناں
گل سنڑ لقمان بیمار میں کوئی ناں
ہک عرض غریب دی منسیں
انہوں اکھیں ہا ہنڑ تاں موت قریب اے
کداں سہئوں ملاقات دی بھنسیں
تے انجے فائدا کوئی نہوں تھک پوسیں
میرے زخماں نال جو کھنسیں
ظالم دی تائید نہیں کیتی
ظالم دی تائید نہیں کیتی
لوکاں دی تقلید نہیں کیتی
جُھوٹھ نوں وی تسلیم نہیں کیتا
سچ دی وی تردید نہیں کیتی
دل اوہدا دیوانہ ہویا
اکھاں جس دی دید نہیں کیتی
ڈر گیا جو سپ دی ہی کنج توں
ڈر گیا جو سپ دی ہی کُنج توں
حوصلہ کسراں کرے گا اُنج توں
عقل دِیوے مشورے پئی عشق نوں
کوئی ریشم ہے وٹاندا مُنج توں
پنڈ دا ہر تھاں اے پکا ہو گیا
زندگی دی اک گھڑی دی کُھنج توں
موڑن والے بیلی مکھ طوفاناں دے
موڑن والے بیلی مُکھ طوفاناں دے
ہُندے نہیں شیدائی جُھوٹھیاں شاناں دے
سوچ سمجھ کے آکھیں، جو کجھ کہنا ایں
مُڑ واپس نہیں آؤندے تیر کماناں دے
کوئی نہ پُچھے حال غریب نمانے دا
خان پراہنے ہندے ایتھے خاناں دے
ویلے دیاں دھپاں اتے چھاواں لٹ لیا اے
ویلے دیاں دُھپاں اتے چھاواں لُٹ لیا اے
تلیاں نوں سولاں نے راہواں نے لٹ لیا اے
بُوٹیاں تے خالی خالی آلنے اڈیکدے
خورے آج کوئلاں نوں کاواں لٹ لیا اے
تاروآں نوں ڈُونگھے تارو پانیاں نے ڈوبیا
مینوں میری بیڑی دے ملاحواں لٹ لیا اے
چھیڑ شہادت انگلیے کڈھ سر کوٸی اکتاریا
چھیڑ شہادت اُنگلیۓ کڈھ سُر کوٸی اِکتاریا
سُن راتی دِئیے سپنیۓ تک سرگی دِیا تاریا
جھلمل شکل، خیالویں جگمگ، رُوپ نویکلا
واہ پانی دِیا چانناں، واہ مٹی دِیا گاریا
ساڑ رگاں سب نیلیاں بال مواتے چونویں
گال سریر کبیر نوں اندروں اندری پاریا
Sunday, 5 March 2023
اکویں صدی وچ کنج آئے
اکّویں صدی وچ کنج آئے
عدل، اصول، قرآن، ایمان
پِچھے سُٹ کے ریتاں نوں
کیبل، چیٹنگ، گندیاں فلماں
قبلہ کعبہ یورپ کر کے
اکویں صدی چہ آئے آں
میں جد اوہدا در کھڑکایا
میں جد اوہدا در کھڑکایا
اک دردی پرچھاواں
نیناں دے وچ ہنجھو لے کے
آیا باہر مکانوں
عارف عبدالمتین
دنیا تے کجھ انج دی چال چلنی یارو
جدید پنجابی شاعری
دنیا تے کجھ انج دی چال چلنی یارو
ہر چیز فنا دے سانچے ڈھلنی یارو
آ جانا ایں جس روز سنیہا توڑوں
پھیر دال کسے دی وی نہ گلنی یارو
ساقی گجراتی
کئی لوگ بازاری مال ہوندین
کئی لوگ بازاری مال ہوندین
میں پئے وکدے جاہ جاہ ویکھین
گَل اکثر نسلی بندیاں دے
الطاف ضمیر دے پھاہ ویکھین
اوہ کدی نہیں اپڑے منزل تے
جہڑے کدی پدھ ویکھین کدی راہ ویکھین
سیون اپ دی بوتل وانگوں کھا جاندی سرکار ابالا
سیون اپ دی بوتل وانگوں کھا جاندی سرکار اُبالا
جھوٹھیاں وانگوں اوہدے ساہنویں سچ آکھن توں ڈردا رہیا واں
میرا وزن جے ہندا کوئی، ڈب نہ جاندا میں ہن تیکر
جین سمندرے ہولا ہو کے تیلے وانگوں تردا رہیا واں
تنویر بخاری
کچے رنگ للاری والے چڑھدے لیہندے رہندے دیکھے
کچے رنگ للاری والے، چڑھدے لیہندے رہندے دیکھے
پیار تِرے دا رنگ اجیہا، جیوں چڑھیا پھر لہہ نہ سکیا
نال ورولیاں متھا لا کے، اپنی دھوڑ اڈا لئی بھاویں
ایہہ تے کوئی آکھ نہیں سکدا، ڈردا ساں میں کھہِ نہ سکیا
سلیم کاشر
بچپن یاد کرایا پنڈ دیاں گلیاں نے
بچپن یاد کرایا پنڈ دیاں گلیاں نے
ساری رات جگایا یاداں چلیاں نے
گودی وچ بٹھا کے لاڈ لڈاندی سی
سو سو واری صدقے واری جاندی سی
کنیاں جنتاں ماں دے روپ چ ٹلیاں نے
لبھدی اے اکھ کھڑیا چنبا یاراں دا
اک دوجے لئی ٹھنڈیاں چھاواں ورگے نیں
اک دوجے لئی ٹھنڈیاں چھاواں ورگے نیں
او جنہاں دے دل دریاواں ورگے نیں
ناز تے نخرے شوخ ہواواں ورگے نیں
اک کُڑی دے وال گھٹاواں ورگے نیں
ہس نہ ہسیاں سو سو فتوے لگدے نیں
ایتھے ہاسے سخت گناہواں ورگے نیں
Saturday, 4 March 2023
جتھے لبھی چھاں اتھے ای بہہ گئی آں
جتھے لبھی چھاں، اتھے ای بہہ گئی آں
عشق ہراں دے اوکھے پینڈے پے گئی آں
ایہہ نہ سمجھ تِرا ہتھ میتھوں اتے وے
تینوں اپنا سمجھ کے، جرم وی سہ گئی آں
اوہنوں سنگی سمجھ سامان چکایا سی
اوہ نس گیا، میں کھلی کھلوتی رہِ گئی آں
لارا لپہ ہن نہ لاویں
لارا لپہ ہن نہ لاویں
بڑیاں چوٹاں کھا بیٹھا واں
بن تیرے ارشاد نہ جیوے
سچی گل سنا بیٹھا واں
ارشاد کھوکھر
او وی کنی جھوٹھی سی
دنیا رنگا رنگی
او وی کِنی جھوٹھی سی
میں وی کِناں جھوٹھا ساں
او وی جیوندی پهردی اے
میں وی جیوندا پهردا واں
نور زماں ناوک
پت لا کے رکھ دیو اوس خانہ خراب دی
پت لا کے رکھ دیو اوس خانہ خراب دی
گل جیہڑا کردا اے توڑن نوں پنجاب دی
اساں ہور ہون نئیں دینی ونڈ اپنے پنجاب دی
دھرتی نال پریت شہزاد گل اے وڈے ثواب دی
شہزاد اسلم
دکھ آندے جاندے رہندے ہن جھٹ حوصلے نال کٹیندا
دکھ آندے جاندے رہندے ہن جھٹ حوصلے نال کٹیندا
توڑے جیڈی رات طویل ہووے ہر حال سویرا تھیندا
گھبرا نہیں مُول شریکاں توں دِل گردہ یار رکھیندا
جیہنوں کھوہ وچ ریاض شریک سٹن اوہنوں مصر دا تخت ڈھہیندا
مہر ریاض سیال
کئی دناں توں سوچ رہیاں کناں بھیڑا روگ اے مینوں
یاراں لئی دعا
کئی دناں توں سوچ رہیاں
کناں بھیڑا روگ اے مینوں
یاراں باجھوں اودر جاناں
یار میرےمصروف بڑے نیں
مجبوری نوں چیتے رکھدا ں
بہتی اڑی ریہاڑ نہیں کردا
جدوں تیری دنیا توں پیار ٹر جائے گا
پنجابی فلمی گیت
جدوں تیری دنیا توں پیار ٹُر جائے گا
دس فیر دنیا تے کی رہ جائے گا
جدوں تیری دنیا توں ۔۔۔۔
جدوں کوئی پیار دیاں قسماں نہ کھائے گا
دس فیر دنیا تے کی رہ جائے گا
Friday, 3 March 2023
بے دردی دا کیہ بھرواسا
کُرلاٹ
بے دردی دا کیہ بھرواسا
چِڑیاں دی موت تے سجناں دا ہاسا
تن دی منجی
دُھپے سڑدی
چھاں رہندی پردیس
سارے شکوے بھل کے آ جا
سارے شکوے بُھل کے آ جا
چناں گھر سجا رکھیا اے
قابو کر متھا ارشاد
زُلف دا کُنڈل پا رکھیا اے
ارشاد کھوکھر
چور تے کھوجی اک ہو جاون
چور تے کھوجی اک ہو جاون
ساقی دوش کیہ بختاں نوں
پکی اُتے کُھرا چڑھا کے
کھوجی مال پچا جاندے نیں
حنیف ساقی
باجھ بھراواں پر نہیں ہوندے بے پرنے کیہ اڈنا
باجھ بھراواں پر نہیں ہوندے، بے پرنے کیہ اڈنا
انگ انگ اینویں لوس دا رہندا، جوں ہانڈی وچ چھونی
برہا ناگ برا ہے لوکو! ساڑ دیوے ہڈ گوڈے
لا کے بہہ جاندے فر چوکھے یار ہجر دی دھونی
طاہر وزیرآبادی
ٹر گٸی دکھڑے پھولن والی
عاصمہ دے ٹُر جان تے
ٹُر گٸی دکھڑے پھولن والی
ویریاں دے اگ لاون والی
وچ ہنیری رکھیا کردی
دیوا نِت جو بالن والی
شیہنہ ورگا سی جگرا اسدا
پہاڑ دے ورگا ہٹھ رکھدی سی
چن دے کولوں چانن لے کے جس نوں رب بنایا سی
اک مٹیار
چن دے کولوں چانن لے کے جس نُوں رب بنایا سی
مست حجابی اکھیاں اندر ویلے کجلا پایا سی
لال گُلابی ہوٹھاں اُتے ڈُبدے سُورج لالی لائی
مِٹھڑے بول سن اوہدے جیکن کھاندے ہوئیے کھنڈ ملائی
اوہدی چال سی ہرنی ورگی اوہدے وال قیامت لگدے
اوہدِیاں باہواں اندر مینوں عرش تے فرش ولھیٹے لگدے
میریاں راتاں چانن چانن نھیرے اوہناں ملے نیں
میریاں راتاں چانن چانن، نھیرے اوہناں ملے نیں
نسبت میری نال حسین دے، شمر اوہناں دے ولے نیں
اوہ ہتھ جیہڑے رُکھاں وانگوں دُھپاں نوں ڈک لیندے سن
رُت ڈھلی تے اکھیں ڈِٹھا، ہاڑ چ سڑدے کلے نیں
ظالم اپنی ہِک دے زور تے، راجے نہیں جے بن جاندے
بُزدل اوہناں دے ہتھ پیر نیں، اوہناں نال جو رلے نیں
Thursday, 2 March 2023
شکوے کاہدے کالاں تے
شکوے کاہدے کالاں تے
پینڈے پے گئے سالاں تے
ویری رُتاں ہوئیاں نیں
صدقے تیریاں چالاں تے
لگے اگ وچھوڑے نوں
تیرے ای دُکھ پالاں تے
دکھاں نال یارانہ لا کے غم دی چکی چوندے رے آں
دُکھاں نال یارانہ لا کے غم دی چکی چوندے رے آں
ہر بندے نوں ہاسے دِتے اندروں پاؤیں روندے رے آں
اس بنگلے دے متھے اُتے کِتے وی ساڈا ناں نئیں آیا
ساری عمراں جس بنگلے دا گارا اِٹاں ڈھوندے رے آں
راہ اُلفت دا دسن خاطر ڈُونگے درد سمندر اندر
اسیں لوک مزاجاں والے اپنا آپ ڈبوندے رے آں
پہلا کم نہیں سنوردا حالی ہور وگاڑ کے بہہ جانے آں
پہلا کم نہیں سنوردا حالی ہور وگاڑ کے بہہ جانے آں
اپنے ہتھیں بیجی ہوئی فصل لتاڑ کے بہہ جانے آں
مُک گئی برکت ہتھ چوں ساڈے ہُن تے عجب نحوست چھائی
پُھل کلیاں نوں پاون دے لئی باغ اُجاڑ کے بہہ جانے آں
جد تک کول رہوے تے جھولی بھری بھرائی رہندی ساڈی
ٹُر جاوے تے اسیں نمانے پلا جھاڑ کے بہہ جانے آں
کجھ گونگے تے کجھ بولے تیرے گراں دے لوک
کجھ گونگے تے کجھ بولے تیرے گراں دے لوک
ککھاں توں وی نے ہولے تیرے گراں دے لوک
کوہاں دے داعیئے بنھن نہ چلن دو قدم
توں ہی ویکھ کنے پولے تیرے گراں دے لوک
زہر دے کسے سقراط نوں پھیر ایہہ ماتم کرن
بندے نے کنیں بھولے تیرے گراں دے لوک
دل دی دھڑکن ودھدی ودھدی بلھیں آئی اخیر
دل دی دھڑکن ودھدی ودھدی، بُلھیں آئی اخیر
سوچاں دے وچ تیریاں یاداں، اکھیاں وچ تصویر
اکھاں دے وچ اکھاں پا کے، تینوں جد میں تکیا
پھٹڑ کر چھڈیا ای دل نوں، لا نیناں دے تیر
میں تے تیرے پیار دے موہ وچ، جندڑی دتی ڈوب
توں تے میری اکھیؤں وگدا، پونجھ سکی نہ نیر
جیویں لہندے سجھ دے منہ تے خون دا رنگ نظر دے
جیویں لہندے سجھ دے منہ تے خون دا رنگ نظر دے
جیویں وسِمنٹر ویلے ڈِیوا آخری وار اُبھر دے
اینویں میڈیاں نظماں میڈیاں سوچاں دیاں تصویراں
برہیوں دیاں سوغاتاں درداں سُولاں دیاں جاگیراں
بھوگ بھُگیندے ڈِیہاں۔ جاگدیاں راتیں دیاں تحریراں
کالی کوجھی رات وچ نوری خواباں دیاں تعمیراں
اچے تیرے محل منارے ہیٹھ وگن دریا
اُچے تیرے محل منارے ہیٹھ وگن دریا
چھنن چھنن جے گھنگرو باجن دھڑن دھڑن دریا
ہک کُڑی دیاں پازیباں دی چھنک جٸی ہک سُن کے
اُتر پہاڑوں لہہ کے نَچے چھنن چھنن دریا
دھاگہ دھاگہ ہو کے پھردے پٸے نیں چار چفیرے
چڑھدیوں لے کے لہندے تاٸیں تان تنن دریا
Wednesday, 1 March 2023
مرچاں اندر روڑے پلے
اسٹمک پرابلم
مرچاں اندر روڑے پِلے
دُدھ وِچ پانی چھپڑ دا
زہر ملاوٹ دا ایہہ سارا
معدے اندرآ اپڑدا
بند اکھاں تے کنِّے چپّے
جنہاں ساری زندگی سن لٹیا
جنہاں ساری زندگی سن لٹیا
او ساتھوں ودھ نہیں سگے
رہے شیش محل تاں ہک پاسے
پا چولہے الی کدھ نہیں سگے
اوہ لالچی ہم تائیں پیار دے وچ
کر صبر دا پدھ نہیں سگے
تھل دا شباب تے میں
تھل دا شباب تے میں
دِسدے سراب تے میں
راتی دیر تک بیٹھے رئے آں
اوہدا جواب تے میں
کچی واٹ تے وسدا مینہ
عُمراں دا حساب تے میں
کالا کاں وے بنیرے بولے
کالا کاں وے بنیرے بولے
اونھوں رج رج چُوریاں پائیے
کیہڑے ویلے آ جا وے ڈھول
اسی لگی اپنی تے نبھاٸیے
کول بٹھا کے چوری پا کے
نہ تاڑی مار اڈائیے
کنڈل اوہدے والاں دے
کُنڈل اوہدے والاں دے
پھردے وچ خیالاں دے
رستے وچ کھلوتے آں
پچھلے کئیاں سالاں دے
گُنجھلدار اے تیری گل
حالے ہور مشالاں دے
دیوا ہووے تاں دیوے نوں بال دیاں
دِیوا ہووے تاں دِیوے نوں بال دیاں
روگ ہنیرے دا سینے وچ گال دیاں
کی ہویا جے اوہدا دل اے سخت بہت
پتھر وی ہووے اوہنوں وی ڈھال دیاں
اوہنوں ہووے جے سچ دی پہچان کدی
موتی سپیاں وچوں باہر اچھال دیاں
ظالم خونی رسماں ریتاں وسدے شہر اجاڑے
ظالم خونی رسماں ریتاں، وسدے شہر اجاڑے
ہن تاں ایتھے اوکھے ہو گئے، کٹنے چار دہاڑے
ہر بندے دی درد کہانی مینوں اپنی جاپے
اندروں اندری گُجھی، گُجھی پیڑ کلیجہ پاڑے
اج وی رانجھے بندے جوگی، اج وی رلدیاں ہیراں
اج وی ظالم قیدوں گھر گھر، اج وی کھیڑے لاڑھے
پیار چھڈدائے صلاح بنا کے
جدید پنجابی شاعری
پیار چھڈدائے صلاح بنا کے
نویں وچھوڑے دی راہ بنا کے
توں مونہہ سنوارن تے آ نی جانا
میں کیہہ کراں گا بنا بنا کے
عصمت اللہ سیکھو
Subscribe to:
Posts (Atom)